Nehemia 1:9 - ŊWÀʼ NYÙY

⁹ Yii bèy, a vèn lòo dzə, e bìnèr melív men, a yunín nsər sém, a yiì mo sí dzəə̀n, bo m yíi baʼtí wír vén ve m taʼarin, aá fə̀m dzə̀ a dzə̀ é mbùʼ wòŋ vəné, e siìr e kirə̀ʼ ke m shavin ji á wáa ghvəm mo fó.›

Nehemia 1:9 Referans Kwoze

Jeremia 32:37

Vèn yuúrí, e yù, m wíy jùm wír veé ŋkàlaʼ fèn, aá du é vitum, é m kfən wìy bàʼtí áwune fó fo, e siìr fèn. A m kù wíy baʼtí fo vitum vidzə̀m, fo kilòŋ kí‑iì shwiiyin mo, dòʼshwíiy wom wo tavín kóʼ, kí nyár mo, m jùm áwune, á dùkìr. M siir áwune é nsay fèn, é m nèn a kìŋsìn, aá wáa dzə kijuŋ,

Matio 24:31

Wù wíy lòo wìy, é wù tsə́nsí nshèelav sə́ é buu se ndzə see sikweè, aá wáa toŋ sóŋ, a baʼtí wír ve Nyùy‑iì shoʼtin ji və́, aá wáa wìy vitóŋtóŋ vidzə̀m.

Jeremia 12:15

M shaʼàr vitúm bèy, é m kfən wìy shàm áwune, a lì kitúm kimòʼón kimòʼón, a kfən sho aáwuné nsay fo vitsə́ʼ vév ví dzəə̀n.

Aysaya 56:8

Á bèy, Nyùy Tàr woo Taà Ndzə, wun wo wù báʼti wír veé Isray fo kwaʼ nsàm, wù suuy jii, «M dzəə́ yìi baʼtí wír ámóʼó, aá tátí áwune.»

Nsùyrì Nyùy 147:2

Nyùy Tàr kfə̀n sí baʼrì Jerusalem. Wù li wír veé Jerusalem fo kwaʼ nsàm, li áwune, kfə́n sho e bàm.

Esra 6:12

Nyùy wo wù‑uù shoʼon Jerusalem ji á wáa cù wun fo, ku màʼ ká fon, kìn wír ve á taʼ a nə̀r kóy ji á kúvsín sáʼ rə̀n, kìn wír wo wù taʼ e kèr lav Nyùy ye yì dzəə̀n é Jerusalem rə̀n. Fə̀ə́r mo woo Darius sáʼ rə̀n. Á kú a lìm sho mo yí dzəə̀n.

Remrí 12:5

Vèn kù wíy a tàʼ a dzə̀ kirə́ʼ kee shó ke Nyùy Tàr woo Nyùy won wíy shoʼ fo rám sén sí nsay, e lèm ji kfə́ ke á wáa cù wun fo. Ghán se vèn wiy e wun si, a cù wun, vèn kù dù a dzə̀ fó.

Esiker 36:24

«Kí dzə̀ jii, m wíy baʼtí ven fó virə̀ʼ, e fəə́r fo vitúm ví mvəm, e lì ven, e dù sho e yéen yee nsay.

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Aysaya 11:12

Nyùy Tàr wíy nàn cícíwàr ji vitúm vidzə̀m vi fiʼ yèn, nanè, é wù báʼtí wír veé Isray ve vé‑eè jùmèn fo áwuné nsay. Wù wíy baʼtí wír veé Juda ve á dzə́ e vitum vímóʼ ví vinín, aá wiykir fó buu se ndzə sidzə̀m, e tàr kirə́ʼ kimòʼón.

Nsùyrì Nyùy 106:47

Éè Nyùy Tàr, Nyùy wor, lùŋèr ver. Báʼtí ver fó vitum, e siìr ver e věr wòŋ, é vèr wáa beèrì wò woo Ŋgaà wo Ranén, a sheʼrí lim yé, a burí wò.

1 Afòn 9:3

Nyùy Tàr suúy e wun jii, «M yù ne bunrì yé, e yù tóŋ ye à tóŋ e mò. M biìmé ne lav ye à bomen rə̀n ji lav yee jeéy ji yéem, aá kù wíy a cù mo fó e wìy dù mày. M wíy a kiyrí ghán sidzə̀m, a tiír vifií vém shó.

Jeremia 3:14

« ‹Wónen, ven ve á ŋwayin mo, vèn kfə́n é bàm e mǒ wùn, kù kér mo ven. Suuy mo woo Nyùy Tàr. Vèn kfə́né, é m shóʼtí wir mòʼón mòʼón fo ŋkàlaʼ, e shòʼtí fo kfəə abaà abaà, e lì, e dù sho e Gwan Sion.

1 Wòŋ 16:35

Vèn wáa toŋ jii, ‹Éè Nyùy woo Ŋgaà Lùŋèr wor, lùŋèr ri ver. Báʼtí ver, e fə̀ə́r fo vitúm ví wo, é vèr wáa beèrì wò woo Ŋgaà wo Ránén, a sheʼrí lim yé, a burí wò.›

Remrí 12:21

A kirə́ʼ ke Nyùy Tàr woo Nyùy won wíy shoʼ ji á wáa ghvəm wun fo ki wìy a dzə kwaʼda fo vèn ámóʼó, áwune wàa see nàʼ, kìn bvə́y ye Nyùy Tàr foon, é virə̀ʼ ve á dzə̀kìn shó, mo mò‑oò yòŋèn e vèn. A dzə̀ áwune yì é virə̀ʼ vé dzə mo á kòŋèn.

1 Afòn 8:48

á wáa toŋ bèy, a kìʼ nsay rə̀n ye wò‑oò foon aàtàr véví, a kìʼ ŋkàlaʼ ye wò‑oò shoʼon, e kfə̀n a kìʼ lav ye m bàʼrìn ji á wáa cù wò sho rə̀n, aá fen kùvsín rú kwaʼtì yév e dzə̀m, à shilív shév shí shidzə̀m e wòŋ vikwàn fóo fèy,

Nsùyrì Nyùy 107:3

e bàʼtí fo buu se ndzə sidzə̀m, fo mbìv yee fo shùy yii tó, à fó mbìv yee fo shùy yii nəə, à fó kùy, à fó tsən.

Aysaya 27:12

Wíy lòo dzə e ghan fóo fèy, é Nyùy Tàr fétí sáŋ, e fə̀ə́r mvə́y. Wù wíy baʼtí ven vee wír veé Isray wir mòʼón mòʼón, e kèʼ fo ndzəv yee Yufret, e dù, e meé e yeé Ejivi.

Jeremia 6:22

Nyùy Tàr suuy jii: «Vèn leéy, e yèn, mànjòŋ wiy fo wòŋ kùyi. Kitúm ke wiy kí bàʼtí ne rə́r, a mèʼèm, a wìy fo ndzəywoŋ.

Esiker 14:6

«Kí nén a dzə jii, yòŋ e wír veé Israyi jii, ke suuy Nyùy Tàr woo Taà Ndzə ki dzə̀ jii, ‹Vèn binkir fo věn mebvə̀m fèn, e bìn ndzə̀m e vifá vén vé joònè ví vidzə̀m.

Cù 26:3

«A vèn wìy a yu sáʼ yém, a yunín nsər sém, a yiì mo sí dzəə̀n,

Remrí 30:1

Mooser kfən yòŋ e wír veé Israyi jii, «Vinyo ve m neèrìn e věn si vi dzə̀ vibaà, kisəəvì wùn à lòné. Kí nén a dzə jii, wíy lòo dzə, a vinyo ve m yòŋèn vin vi koóy ne ven vidzə̀m, a vèn dzə̀ é vitum fo Nyùy Tàr woo Nyùy won tsənsin ven, é vèn nèn kuùmé kinyo ke vèn‑eè shoʼon.

Sekariya 8:7

Ke kù suuy mo woo Nyùy Tàr woo Taà Mànjòŋ ki dzə̀ jii, vèn yú, m wíy fəə́r wír vém fó vitum veé mbìv yee fo shùy yii tó, e fəə́r sa fo vitum veé mbìv yee fo shùy yii nəə.