Nahum 1:3 - ŊWÀʼ NYÙY

³ Nyùy Tàr yòʼ táv shwiiy kilòŋ, yii bèy, a wù kér vitaáví ve wiy ví. Wù maʼ ŋgeʼ e mbùʼtìvìnyò kitu, a bó yòʼ dzə̀ wù bàvtí wun. Nyùy Tàr shaa e kirə̀ʼ, kiìkir kòʼ. Mbàʼ dzə̀ kibvər ke wúu rəə́ tsər, a kí kóʼó.

Nahum 1:3 Referans Kwoze

Nsùyrì Nyùy 147:5

Nyùy Tàr dzə̀ e gháʼtín, kér vitaáví e shaàsìn, a vifií və́ ví dzə̀ là mfìʼ.

Nehemia 9:17

Áwune‑eè tèn fó a yunín wò, e kfə̀n làysìn viŋgaʼnìn ve vinyò ve wò‑oò yiìn aáwuné mvəm. Vé‑eè tàv kitú, e shòʼ kilìmbìy ji kí li áwune, e kfə̀n shó e Ejiv fo vé‑eè reŋ vikwàn. Yii bèy, aà dzə̀ Nyùy wo wù yii laysìn ajay, shám wíri, rə́r mendzən mev. À yòʼ yii shwiiy kilòŋ cér. À yii din ké a dzə̀ koŋ yé ye wiyí. Bìʼ bey, à kù‑uù kfə̀mén, e làa yoʼ bìn ndzə̀m aáwune.

Nsùyrì Nyùy 145:8

Nyùy Tàr yii shám wíri, kér mendzən, lo ji weè e dòʼshwiíy, din koŋ rə́ ye ghaʼáné e wíri.

Nsùyrì Nyùy 104:3

e bòm láʼ yé e mvə̀m mbàʼ, e nèn lì mbàʼ ji kiténtén ké, a feŋ sho e shwer,

Nsùyrì Nyùy 103:8

Nyùy Tàr kér mendzən, kfə̀n shám wíri, lo ji weè e dòʼshwiíy, din koŋ rə́ ye ghaʼáné e wíri.

Jeem 1:19

Afə̀r vem, vèn səəm kinyo kìn ki kijuŋ. Wìr ku yuùrí kinyo kijuŋ. Wìr wáa səʼə́m, e bó a suŋnín. Lá wìr yòʼ a tav, a shwiíy kilòŋ.

Sekariya 9:14

Nyùy Tàr wíy a tiy e wír vəə́ kitu, a màʼ rə́r sév, a tsənsí mvən sə́ moo ji bavkìr kishèv. Nyùy Tàr woo Taà Ndzə wíy toŋ sóŋ rə́, e mee fo mbìv yee tsə́n é njà kìrkir.

Aysaya 66:15

Rúrú, Nyùy Tàr wíy a wìy e mvə̀m kinsəm, a və́yí kaárí wun, e tàr, a wìy moo ŋgaà rə̀r wo wù wiy e wun kitentén ke səŋ nyám se ŋkoʼ. Wù wíy a wìy ji wun maʼ ŋgeʼlàʼ e wír ve bií kitu, a màʼ ŋgeʼ, a dòʼshwíiy və baári moo və́y.

Ŋwàʼ Jov 9:4

Nyùy fìír feyì, a wù kfə̀n tàv é ŋàŋ. Yì‑iì tàv ne la kitú wùn wun, kí lím?

Kintaŋ 14:18

à yòʼ yii táv shwiiy kilòŋ, à yii din koŋ yé ye wiyí e wír vée. À yii laysìn vinyo ve wíri buʼtì, kfə̀n laysìn shóʼór ye á shóʼor nsər sé. Yii bèy, a bó yòʼ dzə̀ à màʼtì á ŋgaà jay, é wù boy. À yii fó ŋgeʼlàʼ e wóné bìʼ jay atàr vév, kfə̀n fó e wón woné, à wón wón woné.

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

Matio 26:64

Jesus bìnèr jii, «Kí dzə̀ mo à suuy bèy. Vèn wáa kiíy jii, vèn wíy yen, a ŋgaà wo yírí dzəə̀n *Wanwìr və̀n dzə́ e Nyùy woo Ŋgaà Vitaàví koy yìyí, e kfə̀n wìy yen, a wù wiy e mvə̀m mbàʼ.»

Jona 4:2

Wù nèn a bùnrì, a suúy e Nyùy Tàr jii, «Éè Nyùy Tàr, kí kúvsín fó kinyò ke mò‑oò suuyin, a m dzə̀ə́ fo laʼ a? Á kinyè ké kinyò ke kí‑iì yiìn, é bo m túmnín, a leʼ, a dù e Tarshish. Mò‑oò kì jii, à dzə̀ Nyùy wo wù rə́r mendzən me wíri, shám áwune, a bó à yòʼ táv shwiiy kilòŋ. À yòʼ yii yar fó dìn koŋ yé ye wiyí e wíri. À yòʼ yii koŋ, a màʼ ŋgeʼ e wìr kitu.»

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Nsùyrì Nyùy 62:11

Nyùy sùúy ne kinyo, m yú kíwun akàŋ akàŋ. Kí dzə̀ ji kù kér a wun vitaáví vidzə̀m,

Ŋwàʼ Jov 38:1

Kee shooy ki shaà, Nyùy Tàr nèn a suŋnín e Jov fo mvə̀m kinsəm, a dzər sho jii:

Ŋwàʼ Jov 10:14

a dzə̀ ji a m lò, a jay kinyo e wò, bo à yíi a way sí sho, a bó à yòʼ wíy màʼtì mo, é m boy fó njò.

Joel 2:13

Lá vèn yòʼ a sàtì a dzə̀ ndzə̀y ji vèn fíʼ a dìn mo vèn dzə́ e nsòv. Vèn su a dzə̀ melív men mè, e kfə̀n é bàm e Nyùy Tàr woo Nyùy wón wùn. Wù rə́r mendzən me wíri, shám áwune. Wù yòʼ yii táv shwiiy kilòŋ. Wù yòʼ yii yar fó a dìn koŋ ye wù kér fo wír vəə́. Wù yòʼ yii koŋ, e màʼ ŋgeʼ e wìr kitu.

Nsùyrì Nyùy 50:3

Nyùy wòsən wiyì, a bó yòʼ dzə̀ wù kfə̀n gòʼ kisə́sə. Və́y wo wú laar virə́ʼ láariné baári fo wun mbìy, a wù shaa e mvə̀m kinsəm ke wiy kí, a kí kar virə́ʼ.

2 Samuel 22:10

Wù shúʼ yúv, a səʼə́y e nsay, a mbàʼ ye sənér dzə̀ e wun sar wuù.

Aysaya 29:6

Nyùy Tàr woo Taà Mànjòŋ wíy màʼ ŋgeʼ aáwuné kitu e kimbùmmbúm. Wù wíy tsənsí kishèv, é nsay wáa sə̀ʼsì, é kiyor ke tavín kí wáa koʼ. Wù wíy fəə́r shwér wo tavíné, e fəə́r kinsəm, à və́y wo wú koóme virə́ʼ kooméné.

Jeremia 4:13

«Vèn leéy, e yèn, ŋgaà vibàn və̀ne, a wù wiy moo mbàʼ. *Viténtén vév vé rər ví wiy moo kiìkir bèy. Nyám sév sé ŋkoʼ si féŋ kinyeŋ, shaa lùŋ wo wiy. Ŋgeʼ si nə̀ə́ ne vèsən, vèsən kù lày ne bèn.

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.