Nahum 1:1 - ŊWÀʼ NYÙY

¹ Kin ki dzə̀ sáʼ Nyùy yee bìʼ Nineve, mo Nyùy‑iì ghemen ndzə e Nahum woo wír woó Elkosh, wù yén é njà kinjeenjèm, e sàŋ é ŋwàʼ fèn.

Nahum 1:1 Referans Kwoze

Tsəfaniya 2:13

Ké wòŋ woo Assiriya, wo wú dzəə̀n é mbìv taa, Nyùy Tàr wíy màʼ sa ŋgeʼ e woŋ və̀né kitu, e laàr. Ŋkàlaʼ Nineve wíy kfən e vifə̀m, fóo wíy yum, e kfən ji wóʼ.

Sekariya 9:1

Rə̀n dzə̀ ntum yeé shií, a dzə̀ ntum Nyùy Tàr. Yì kìʼ woŋ woo Hadrak, e rə̀ʼə́y ŋkàlaʼ yee Damaskus. Wìr msòŋ e dzə̀m kù sí kiʼ a dzə̀ Nyùy Tàr, réŋréŋ mo rám seé Isray sidzə̀m si kiʼ wun.

Jona 1:2

«Lò fó fèn, e dù e ŋkàlaʼ ye kuʼùn yeé Nineve rə̀y, a ghan, a fuŋ jii, lòné shòv ne a áwune. M kìíy a ne liì wov kisaŋ.»

Nahum 2:8

Wíri sí meékir fo Nineve mo ndzə́ví kìv kikum, aàtaátúu tóŋ jii, mbaà yú ó, mbaà yú ó, a bó kfə́nbàm yòʼ kfə̀n dzə̀.

Aysaya 13:1

Sáʼ Nyùy ye wù‑uù ghemen ndzə, e fò e Aysaya woo wan Amot kùm Babilone rə̀ne. Yí dzə̀ jii:

Kèʼlo 10:11

Wù wìy lò, e fəə̀ fó fo, e dù e mbìv Assiriya, e bàʼrì Nineve wùn à Rehobot‑Ir, à Kala, à

Aysaya 23:1

Sáʼ Nyùy yee kùm wír veé Tayàa rə̀ne. Yí dzə̀ jii: Ven vee ansə̀ŋkìkoŋ ve á kfə́n fo Tarshish, vèn wáa toŋ, a jeetí. Á laàr ne Taya, e tàtí lav sidzə̀m wùn à virə́ʼ ve á tsəər vikóŋ fo vi. Sáʼka wo vèn‑ee meen é Saypur, e yù və̀y dzə̀ rú.

Aysaya 21:1

Sáʼ Nyùy yee kùm nsay wòʼ yeé ŋguùŋè rìbà ndzə̀ví rə̀ne. Nsay wòʼ féyì feyì ye dzəə̀n Babilon. Sáʼ rə̀ne dzə̀ jii: Kinshùʼùm ki lo, e sàsìn, e bvəy fo woʼ, kirə́ʼ a dzə̀ kitúm, aá yii fan fànèn. Kí lo, e bvəy moo kiìkir wo wù kar virə́ʼ é Negev.

Aysaya 15:1

Sáʼ Nyùy yee kùm kinyo ke kí wíy koóy wír veé Moavi rə̀ne. Á lò ne vitsə́ʼ vimòʼón, e laàr ŋkàlaʼ yee Ar, Moav kpú, e rə̀. Á lò ne vitsə́ʼ vimòʼón, e laàr ŋkàlaʼ yee Kir, Moav kpú, e rə̀.

Aysaya 14:28

Yì‑iì dzə̀ é kiya ke Fòn Ahas‑iì làyìn, Nyùy Tàr fəə́r sáʼ, a yí dzə̀ jii:

Aysaya 22:1

Sáʼ Nyùy yee kùm Jerusaleme rə̀ne, Jerusalem wo dzəə̀n kiwoóy ke mò‑oò yenen é njà kinjeenjèm. Sáʼ rə̀ne dzə̀ jii: Vèn kóʼ e věn vikfəv ve lav, yí ŋkàʼ fó bèy, kwaʼtì ji vèn yii a dzə̀ ka?

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

2 Afòn 19:36

Á bèy, Sennakeriv woo fon woó Assiriya nèn kìv kiláʼáy, e kfə̀n é Assiriya. Wù dù, e gòʼ, a dzə e Nineve.

Habakuk 1:1

Kin ki dzə̀ sáʼ Nyùy ye wù‑uù ghemen ndzə e Habakuk woo *ŋgaà ntum və, wù yén é njà vinjeenjèm.

Malakay 1:1

Kinyo kìn ki dzə̀ sáʼ Nyùy ye Nyùy Tàr‑iì tumen Malakay sho ji wù tiísí e wír veé Israyi.

Aysaya 10:5

Nyùy Tàr suuy jii, «Oomboò, fòn woó Assiriya, à sì mbàŋ, mbàŋ feyì ye m yíi shwiíy kilòŋ, a ndzən wíri shó, ŋkoó wo dòʼshwiíy yíi kiv mo, é m boó.

Jeremia 28:8

Aŋgàa ntum Nyùy vee fó ŋgùʼ ve vé‑eè wìyìn mbìy fo wòsòo‑oò wìy, a fìʼtì ji rə́r wùn à jiŋ, à kifə̀ʼ ki wíy nəə́ a vitúm vinín wùn à woŋ se tavkín sí.