Mayka 7:3 - ŊWÀʼ NYÙY

³ Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Mayka 7:3 Referans Kwoze

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Amos 5:12

M kì mo vinyo ve vèn buʼtì vi kùʼùn, e mèé, a m kì vinyo ve bi ve vèn yiìn vidzə̀m. Vèn nyavrì aàlànjòó, sə́ kòyàr, jívir fo á wáa tinén kinyo ke aghéʼncey é nsànloŋ.

Jeremia 8:10

Mo kí dzəə̀n ben, m wíy fo vikìy vév e wír ve səné, e fo kwáʼ sév e wír ve á wíy tòn fene, bìʼ fo wìr dzə̀m, à wo terí, à wo kuʼùn, kù sí diy a dzə̀ seʼ ŋgwaákínyé. Aŋgàa ntum Nyùy wùn aàtàá cùu, à wìr dzə̀m lò ne, a shwìv a dzə̀ kinshwìv.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Matio 26:15

e dzə̀r jii, a wun sà wày Jesus aáwuné wo, á fò ka e wun a? Á yú bey, e nèn tàŋ mbàm mtaár, e fò shó.

Hosea 4:18

Áwune nó meluʼ, yú, á nèn dù, a shiíy aàsàkì veé kirə̀ʼ ké cùu. Vilìmbìy vév ví kù sí tíy e vinyò, a dzə̀ ve ví wiy e nshoórmé.

Esiker 22:27

Vilìmbìy vév ví dzə̀ moo koosàʼ wo wù koon nyám, a sàʼ, mensə́ mè wáa cùrkìr. Áwune nen kfə̀n a laàr wíri, e shií ji á wáa kuúy séʼ.

Esiker 22:6

« ‹Vilìmbìy vén veé Isray vi dzə̀, a wìr lo, wù lì vitaáví ve wù kérí, a laàr wír sho láarin.

Jeremia 3:5

A dzə̀ tàr wor kù wìy a shwiíy rú a dzə̀ kilòŋ a? A dzə̀ wù kù wìy a màʼ ŋgeʼ e mò, e dù, e mày à?› Isray, á mo à yoŋrì mo ben, kù buʼtì a dzə̀ vinyo ve bi ví mo à kòŋèn.»

Aysaya 26:21

Rúrú, Nyùy Tàr sí wiy fo wun kirə̀ʼ ké dzə, wiy ji wun maʼ ŋgeʼ e wír veé kitu ke nsayí kitu, bìʼ vinyo ve á buʼtì. Nsay wíy fəə́r lím kinjuyrì e dzə̀m fo meranén, a bó yì yòʼ dzəə́ wìy a lìtì wír ve vé‑eè yuyrin.»

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Ŋgàn 17:23

Wìr kisaŋ lo, wù nyàʼtí, e sə̀ kòyàr, e nèn bìn nsaʼ, e fò a dzə̀ e ŋgaà njò.

Aysaya 3:5

Wìr yíi a tay a wùmòʼ woo wír, é ŋkar wáa nyàvrì e yìmòʼ yee ŋkar, é wìr wáa nə̀ʼsì a ŋgaà və shùu lav. Wónlèé yíi lò, a kay ŋgày sé wìr, áàtànfóneèrshwíné wáa fo a sáʼ e vilìmbìy vi.

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

Aysaya 32:7

Vé kisaŋe kù sí yii vinyo kighèʼ kighèʼ, bá antaŋ ve bií ji á maʼ ŋgeʼ e vé kitàné kitu. A vé kitàne fə̀m suuy suuyrú é le, bo wír kisaŋe kù‑úù tiím vinjen ve kisaŋ vi aáwuné bàm.

Esiker 9:9

Nyùy bìnèr e mò jii, «Njò wìr veé Isray wùn Juda kùʼ ne e ŋàŋ. Woŋe sì mensə́ mensə́, a ŋkàlaʼ kù sì yíi kisaŋe e dzə̀m. Áwune yoŋ ji Nyùy Tàr màʼày ne woŋ və̀n, a bó wù yòʼ dzəə́ yén áwune.

Esiker 22:12

Wír vén ámóʼó lo, á biìmé, e sə̀ mbàm, e fíʼ yuyrí wír. Aámóʼó fo věn mvəmé foor mbàm aàfə́rí, sə́ seʼ ŋgwaákínyé ji á kuʼkir. Vèn buʼtì vinyo vìn bèn a bó á yòʼ fan mo. Suuy mo woo Nyùy Tàr woo Taà Ndzə.›

Hosea 7:3

Nyùy Tàr suuy jii: «Vé ntir veé ntoʼo lo, á bà antaŋ ve bií, a levtí fon, wù kù a sheʼrí sheʼrín. Á lo, á lì kimboʼtì, a boʼtí vé saʼa shó, á wàa sheʼrí.

Mayka 2:8

Nyùy Tàr nén a bìnèr e vèn vin, a suúy jii: «Vèn lò ne kén, e bìnkìr, e kìʼ wír vém moo aŋgàa vibàn. Wír, aá kfə́n fo kwaʼ rər, kwaʼ ji á bòy ne, vèn ló kén, e ghàr, e kweèy a dzə̀ ndzə̀y fo áwuné wùn.

Mayka 3:2

Yii bèy, vèn ban kén kinyo ke ru kí bánen, kóyti a dzə̀ ké kisaŋ ki. Yìiy, vèn yuv júv fo wír vémé wùn, aá dzə̀ə́ atin. Vèn kfə̀n ne ji aŋgwàrnyàm, shóʼoy jáv fo wírí vighvər.

Ŋgàn 16:30

Wìr lóo bvəə sí, bo wù sí taáme ji wun yii kinyo ke bi kí, rə́ʼ shuu, bo wù sí taʼ, e bùʼ kinyo.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Esiker 34:21

Vèn‑eè dòm ve á njoon e wúné, e sə̀r e loŋ si, á táʼrí, e dùkìr e vitum.