Mayka 4:3 - ŊWÀʼ NYÙY

³ Nyùy Tàr wíy saʼ nsaʼ se vitúm vi tsə́ynin vitú sho, e tinén sé vitum ve tavkín ve ví dzəə̀n é ndzəywoŋ. Wù tínenè, aáwune li nyùy sév sé rər, e fèr a dzə̀ visoó ve kwaʼ sho, e lì kòŋ sév, e fèr a dzə̀ akòómèntá shó. Bó kitúm ki yòʼ dzəə́ wìy a màʼ rə́r wùn à kímóʼ kí, a bó á yòʼ kfə̀n dzəə́ wìy a yeʼéy mo á yii maʼ rə́r.

Mayka 4:3 Referans Kwoze

Aysaya 2:4

Nyùy Tàr wíy saʼ nsaʼ se vitúm vi tsə́ynin vitú sho, e tinén vinyo ve wìr anín. Wù tínenè, aáwune li nyùy sév sé rər, e fèr a dzə̀ visoó ve kwaʼ sho, e lì kòŋ sév, e fèr a dzə̀ akòómèntá shó. Bó kitúm ki yòʼ dzəə́ wìy a màʼ rə́r wùn à kímóʼ kí, a bó á yòʼ kfə̀n dzəə́ wìy a yeʼéy mo á yii maʼ rə́r.

Hosea 2:18

M wíy gwàr *mensaŋ e kishiíy fóo fèy vèr à nyám se kwaʼ si, e gwàr vèr à menə́n mè, à vifá ve ví ŋaŋrì e nsay vi, é la vifá vìn vi yòʼ kfə̀n wìy lèmér wír vém. M wíy laàr vifá ve rər vidzə̀m fo wòŋ. M wíy laàr nyùy rə̀r, e laàr vinte, e laàr rə́r, é wír vémé wáa dzə ji nyaáŋ, là kifá ké a fàn.

Lim Aŋgàa Ntum 17:31

A wù suuy bèy, bìʼ fo wù‑uù sìysìn ne kishiíy ke á wíy a saʼ nsaʼ wìr dzə̀m, a tinén réŋréŋ mo yì dzəə̀n. Wù‑uù shòʼ ne wír wo wù wíy tinén nsaʼ yee shooy, e lòo fəə́r ŋgaàŋ fo kpu, e dìn, wìr dzə̀m yén ji kinyo kee shooy ki wíy koóy rú.»

Aysaya 65:25

Akoosàʼ wùn aànjìi wíy a yikír kirə́ʼ kimòʼón, é bvərə̀ʼ wáa yi viyíkìr a dzə̀ ve yí nyám si, a viyíkìr ve yò vi kù sí wìy a dzə nsay. Kifá ki yòʼ kfə̀n wíy a lemér kímóʼ kí e mǒ gwan wo ranén, a bó kímóʼ kí yòʼ kfə̀n wíy a yuyrí kímóʼ kí. Suuy mo woo Nyùy Tàr.»

Nsùyrì Nyùy 98:9

Á wáa yòv, a səəsí Nyùy Tàr, wun, wo wù wiy ji wun sáʼ á kitú ke nsay. Wù wíy a saʼ wir dzə̀m e dzəə yee réŋ, a saʼ vitúm e dzəə yee tìítiy, là kiloʼ.

Nsùyrì Nyùy 96:13

Á kú a sheʼrí wun, bìʼ fo wù sí wiyì, a wù wiy ji wun sáʼ kitú ke nsay. Wù yíi a saʼ kitú ke nsay là kiloʼ, a saʼ vitúm e suuyrú və.

Ŋgaà Yen 19:11

M kfən yèn kinyo kímóʼ kí, a shúu yuví tíy e rə́, a nyàmŋkoʼ tíy fo e fə́vír. A wìr dzə́ e kitu wo, aá yoŋ yír ji Suuyrú, kfə̀n yoŋ ji Làkìloʼ. A dzə̀ jii, jay yòʼ yii dzə́ e wùn kinyò ke wù yii, kìn wù tínen a dzə̀ nsaʼ, kìn wù maʼ a dzə̀ rə́r.

Sekariya 14:3

Á bèy, é Nyùy Tàr nèn fəə̀ kfə́, e nə̀ə́ vitúm vìn e rə́r sí, e kù a màʼ réŋréŋ mo wù‑uù maʼ fo ŋgùʼ.

Sekariya 9:10

Nyùy Tàr suuy jii, «M wíy tsə̀ʼ *viténtén vé rər fó Isray, e tsə̀ʼ sa nyám se ŋkoʼ fo Jerusalem. Tsəʼə̀, é m béʼtí vinte vév vé rər. Fòn wov wíy neèr sáʼ nyaáŋé e vitúm ví mvəm. Sáʼ rəə́ wíy kèʼ fo rìbà ndzə̀v wùmòʼ, e dù, e bàʼ e wùmòʼ, e kèʼ fo ndzəv yee Yufret, e dù, e bàʼ e ndzəywoŋ.»

Mayka 5:15

M wíy siìr sa ŋkfə́tír e vitúm ve ví tenen fó yunín mo ví, a siìr, a dzə̀ é mvə̀m dòʼshwiíy.»

Joel 3:2

Siirì, é m báʼtí vitúm vee aŋgàa vibǎn wìr vém é Kiwoóy ké Jehoshafat. Dzə̀ fó, fo m wíy way áwune é kibàʼ ke nsaʼ, e saʼ áwune bìʼ kinyo ke á yiìn e wír vém veé Israyi, kitúm, ke mò‑oò shavin ji wír vém vee jeéyí. Áwune jùm ne wír veé Isray, á táʼrí, e dùkìr e vitum ve sən ví, e jàv nsay yev ye dzəə̀n yéem féyì feyì.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Aysaya 60:12

Á kù kér fóo wìy a wìy sho bèy, bìʼ fo, a kitúm ki tèn, bo á wíy tòn kitúm kee shooy, é kí lay ŋkuuŋkùŋ. Á wíy tatí vitúm vee shooy, e laàr vidzə̀m.

Aysaya 51:5

Yii yém yee réŋé lo, e fəəsín cér, a ntàm yòʼ‑óò dar, a bó m lúŋér ven. M sí lo, a saʼ vitúm veé kitu ke nsay e vitaáví vém ví. Wír ve á dzə́ e ŋguùŋè rìbà ndzə̀ví kù sí shiy a dzə̀ mo, aá kù wíy a yòy, a tiír a dzə̀ e mǒ wùn.

Aysaya 25:3

Bìʼ bey, vitúm ve tavkín ví yíi a binsí vikuʼùy vé. Wír veé vitum ve ví nyárnin vìne yíi a fàn wò.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Nsùyrì Nyùy 82:8

Éè Nyùy, ku shaà fo mbìy, a saʼ kitú ke nsay ki. Vitúm vidzə̀m vi dzə̀ vé.

Nsùyrì Nyùy 72:7

Yii ye juŋe ku tèʼ e wun ghan, é nyaáŋ wáa dzə, e dù, e jòʼsì.

Nsùyrì Nyùy 46:9

Wù mayìr rə́r fó kitu ke nsay, béʼti vinte, kívti kòŋ sí kivtín, ton *viténtén vé rər e və́yí.

1 Samuel 2:10

Nyùy Tàr wíy bvəʼə́y aŋgàa vibàn və́. Wù wíy wam áwune fó yuv é njà kishèv, e lovtí e kitú ke nsay ki lóvtín kidzə̀m. Wù wíy fo vitaáví e fòn və. Wù wíy tavír sáʼ wìr wo wù yoʼon.»

Nsùyrì Nyùy 72:3

Ku yiì, é nsay fó wíri vifá ve juŋ vi nyanyày, é wóŋe wáa dzə ji dèʼ bìʼ sáʼ ye juŋe.

Sekariya 8:20

Ke Nyùy Tàr woo Taà Mànjòŋ suuy ki dzə̀ jii, «Ghán sí wíy gheén, é vitúm vi wáa wìykìr e ŋkàlaʼ Jerusalem, é wíri wáa wìykìr fo ŋkà se laʼ símóʼ sí sinín.

Nsùyrì Nyùy 46:10

Nyùy suuy jii, «Vèn yar vindzəʼ vi, a kiíy ji m dzə̀ Nyùy. Sáʼ mo vitúm vidzə̀m. Kù kér mo kitú ke nsay.»

Hosea 2:20

Rúrú, m wíy way wò e lav, e kù lum a dzə̀ wò, e kpu sho, áà nèn bìnsí ji m dzə̀ á rú Nyùy Tàr.