Mayka 2:3 - ŊWÀʼ NYÙY

³ Bìʼ bèy, Nyùy Tàr ló kfə́, e sùúy jii: «M sí báʼti ji m yíi màʼ ŋgeʼ e ven vee aŋgàa vinyò ve bi vií kitu. Yì yíi ghar ven fó vilòŋ moo fáŋ, a bó yòʼ dzə̀ wìr yù fóo fəə́r kitú fo fo. A bó vèn yòʼ kfə̀n wíy yu fó a ghan, a koʼór wún. Ghán sin si wíy a dzə sé ŋgeʼ ye tavín e věn wùn.

Mayka 2:3 Referans Kwoze

Amos 5:13

Bìʼ bey, fiì nen gòʼ kfə́ kisə́sə, bìʼ fo ghán sí kù siìn sé yiì ye bií.

Jeremia 8:3

Ké kiber ke wìr veé ŋgwàʼ ye yì kér liì wo bi rə̀n, m wíy jùm, aá du é nsay vitum. A virə́ʼ vidzə̀m fo á wíy a dzə, á wíy a shèŋ a dzə̀ kitú, a suúy jii, yì‑iì bòŋ á ji áwune kpúkír, e shaà ké a dzə atin. Suuy mo woo Nyùy Tàr woo Taà Mànjòŋ.»

Jeremia 18:11

Á bèy Jeremia, bo dzə̀ lèn ji à yoŋ e wír veé Juda wùn à ve á dzə́ e Jerusaleme ji Nyùy Tàr suuy a jii, ‹Vèn leéy, e yèn, m sí siysì ŋgeʼ ye m lo, e kìʼ ven shó, báʼti mo m lo, e nəə́ ven shó. Wìr mòʼón mòʼón kú a kuvsín liì və, a màʼtì liì və wo bi, e màʼtì yíi kisaŋe.›

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Yòvdìy 5:5

Wír ve á nyoorì verí sí koóri nsən sér, a vèr sí kee keèn, là meemè.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Efesor 5:16

Vèn li kilíŋ ke Nyùy foon e vèn, a yiì a dzə̀ vinyo ve juŋ vi, bìʼ fo vinyo ve bi ví kùʼùn é ghan sin e ŋàŋ.

Ŋwàʼ woó Rom 16:4

Aáwune‑eè lo wày féyì ji a fə̀m dzə̀ kpú, á kù kpù á fo mǒ kitu. A bó yòʼ jòʼsì mo wo m shéʼri áwune gheéy. Vintatì ve wìr Kristu ve ví dzəə̀n é vitum ve bó yòʼ dzəə̀n veé Juda vidzə̀m vi shéʼri sa áwune.

Mayka 2:1

Ŋgeʼ dzə̀ ye wìr ve á táŋ a dzə̀ kinyo ke bi kí. Wír ve á lóo neŋ e kikun, á kù a baʼtí a dzə̀ kighèʼ, ndzə javì, á nèn kèʼ a bùʼtì vinyo ve vé‑ee siyin, a ba vitsə́ʼə́, bìʼ fo áwune kér vitaáví ve dzə̀ á yiì kinyo ke áwune koŋè.

Amos 2:14

Bó wìr yòʼ wíy bàʼàr fo m sen wun, fə̀m wír wo wù lonen kiwuú fo nshàá. Ntav yòʼ wíy bòy, bìʼ vitaáví və́, a wìr fə̀m ghaàmé e shùu rər é le, bo wù yòʼ wíy sə kitú kfə́.

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Yòvdìy 1:14

«Nyùy Tàr bàʼtí ne nyanyày ajay vém, e kùr é kimbùŋ e wó rəə́. Wù neèr ne e mǒ mbèʼ, m wéʼ. Wù wáy mo áàŋgaà vém vibàné wo, a bó yòʼ dzə̀ m bòy fo áwuné wo.

Jeremia 43:2

Mo wù màysìn, Asaria woo wan Hoshayia wùn à Johanan woo wan Karea, à vimbaa ve wìr vímóʼ ví vidzə̀m vi nèn sàyín e Jeremia wùn jii, «À bóʼti a dzə̀ kimboʼtì. Bó Nyùy Tàr woo Nyùy wor yoʼ tùm wò ji à wiy, e yòŋ ji lá vèr yòʼ dù, a dzə e Ejiv.

Jeremia 36:23

Jehudi yoŋ vilíŋ ve ŋwàʼ və̀y vitaár kìn vikweè, fòn nèn shèr vee shooy e shishwàshwàʼ shi, e tòn e kiy. Kù bey, e meé mo kiŋkur ke ŋwàʼ kìy ki‑iì màyìn.

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Jeremia 27:12

Kù dzə̀ sáʼka wo mò‑oò fèrìn sá e Fòn Tsədekiya woó Juda. Mò‑oò sùúy shó jii, «Fòn wùn à kitúm kfə́ kí wáa yunín a fon woó Babilon, a lìm a fo wùn à wír vəə́, é wùn à kitúm kfə́ kí nèn waà wìy lùŋ.

Aysaya 5:19

Lòné dzə̀ wó wìr ve á nye lám jii, «Nyùy Tàr ku yiì o kinyo ke wù taʼ ji wun‑éè yii. Wù ku yiì rì cér, é vèr yén ó. Wun woo Ŋgaà wo Ranén woó Isray, wù ku lìm kinyo ke wù‑uù baʼtin, é vèr yén ó.»

Aysaya 3:16

Nyùy Tàr suuy jii, «Vikìy veé Jerusaleme kóʼor wún é ŋàŋ. Á kù ghán e kilòŋ kí yuv, kív sí, e bó a leéy wír sho, shóʼ kiwuú, tiir e kímóʼ kí kitu, kù ji lùmèn yén, ghán, a visháráŋ vé sùsù ve á səŋrin é wuù ví sháʼá.

Remrí 28:48

Kí nén a dzə jii, vèn wíy a lìm fo aŋgaà vén vibàn ve Nyùy Tàr wíy tsənsí, aá ton vené. Vèn wíy a tooŋé jíŋ, a kpu kilòŋ ke yumén kí, a dzə kilor, a ghiy ghiyín é mvə̀m kitàn. Wù wíy yiì, aá wáy fáŋ kishàa e věn kilòŋ, e meé mo á wíy laàr ven.

Amos 3:1

Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii:

Amos 3:2

«Fo vitum vidzə̀m veé kitu ke nsay, m shòʼ a dzə̀ ven ji wír vém vee jeéy, Kí nén a dzə jii, m kér fó yìi màʼ ŋgeʼ e věn kitu, bìʼ vinyo ve vèn buʼtì.»

Aysaya 29:20

Rúrú, á wíy sèn wír ve á taá aámóʼó kitu, yii, aá yén ŋgeʼ. Wír ve á shéʼ Nyùyi yòʼ kfə̀n wíy a dzə sho, aá kù wíy laàr wir dzə̀m wo ntaŋ və kù dzəə̀n ji wun wáa bùʼtì vinyo.