Matio 9:2 - ŊWÀʼ NYÙY

² Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»

Matio 9:2 Referans Kwoze

Matio 9:22

Mo wù kùmèn, Jesus bìnkìr, e yèn, e yòŋ jii, «Yaà, vishí vé vi bòŋ ne. Mo à wayin shilív e mǒ wùn, à bònén ne.» Wù ku nèn bònén fo ghan see shooy.

Jeem 2:18

A tàm wìr wùmòʼ wàa dzə jii, kfə́ kí dzə̀ á ji wun wáy shilív e Nyùy wùn, ké wùmòʼ woo wír a ji wù yii lim se Nyùy. M nén a ghay kém jii, wù din mo á mo wù wáy shilív e Nyùy wùn, a bó wù yòʼ yii mo Nyùy suuyì. A m yíi dìn sa sho mo m wáy kém shilív e Nyùy wùn a dzə̀ fó vinyò ve m yii mo Nyùy suuyì.

Lim Aŋgàa Ntum 19:12

A fə̀m‑eè dzə̀ vifá ve wù‑uù sí maʼ e wùn, ví kù a fèr wír. Wíri nèn a tàʼ vinsàʼ və́ vé ndzə̀y, kìn dzə̀ sé lìm, a dù, a neèr e vé yàsií wùn, á wáa bonén, anyùy ve vé‑eè jívir wírií wáa màʼtì sa áwune.

Joon 21:5

Wù nèn jàŋ áwune jii, «Ŋkàr sem, vèn ku koò sə́ à?» Á bìnèr jii, «Vèr yoʼ koò kifá.»

Matio 8:10

Jesus yuúrí, a ker gháʼ, e bìnkìr, e sùúy e wír ve vé‑eè wiy e wùn bàmé jii, «Vèn wáa kiíy rú jii, m yòʼ‑oo yií ne yèn wír woó Isray wùmòʼ wo wù wayin shilív e mǒ wùn moo kiŋgwìy kìn.

Matio 4:24

Leŋ vəə́ nèn sàmèr, e dù, e mèé e wòŋ Siiria. Wíri wáa yu, a lì vé yàsíi, a wìy, a yen wun sho. Kìn wìr joy kfə́ə yàsí a dzə̀ woo ka, á kù wìy sho, wù fèr áwune adzə̀m. Kìn dzə̀ wír ve *anyùyi jívir áwune, kìn ve á gbu kimgbù, kìn ve virə́ʼ ví kpuun ne.

Ŋwàʼ woó Rom 5:11

A bó yòʼ jòʼsì kishéʼrì ke vèsən wíy a ker e ghan see shooy. Vèsən sí yú vijuŋ lèn vèsən à Nyùy, mo Tàr wòsən Jesus Kristu yiìn ne, vèsən à Nyùy koó viŋkar.

Lim Aŋgàa Ntum 14:9

a yuurí kinyo ke Por fiʼtì. Por yén, a wìr və̀y biímé ji dzə̀ Nyùy fèr á wun,

Joon 16:33

M sùúy ne vinyo e vèn, é vèn fíʼ a tiy e mǒ wùn, é melív men mè wáa dzə nyaáŋ. Vèn dzə́ e ndzə fèn lèn, a ŋgeʼ si kooy ven sinín. Yii bèy, vèn wáa wàrkìr, bìʼ fo m ghaʼan ne vitaáví vé ndzə rə̀n.»

Matio 9:6

A m kù suuy lèn, é vèn yén ji ŋgaà wo yírí dzəə̀n *Wanwìr kér vitaáví é nsay fèn fó làysìn ajay wìr.» Wù nèn sùúy e ndzə́m və̀y jii, «Nànèn é yuv, e lì kifá ke à néŋ sho kìy ki, a dù fo laʼ.»

Matio 8:16

Yiì lòo dzə e ŋkuùr, wíri wáa wìykìr e wíri anín ve *anyùyi jívir áwune, a yen Jesus sho. Á wiy sho, wù súŋnin sùŋnín, anyùy vee shooyi nèn a màʼtì wír vìy, a nyeŋ. Wù kfən fèr aŋgàa yàsí ámóʼó adzə̀m.

Aysaya 44:22

M làysìn ne ajay vén, e sə̀ʼsí, á ŋeémé, e lày, kù moo mbàʼ ye shwéri jùmèn. M shàʼàr ne vinyo vén ve bi ví, ví máy, kù moo kintòn ke shùy lóo ban, kí mày. Vèn kfə́n é bàm, e kòʼtí e mǒ mentsə̀m, mò‑oò yùn ne ven, e làʼ.

Joon 2:25

A bó yòʼ‑oò dzə̀ á kfə̀n a naàrì liì wìr sho náarin gheéy. Wù‑uù kì vinyo vidzə̀m ve ví dzəə̀n e wìr shiliv.

Maak 5:34

Jesus lò, e yòŋ jii, «Yaà, à bònén bèn, bìʼ fo à wayin shilív e mǒ wùn. Dù ri kijuŋ, yàsí wò yòʼ dzəə́ wìy kfən.»

Maak 1:32

Yiì lòo dzə e ŋkuùr, a ndzə jí ne, wíri lì vé yàsíi, e wìy, e yèn Jesus sho. Á kfən wìy sa e wír ve anyùyi‑iì jívir áwuneé.

Ŋgaà Tàrvìnyò 9:7

Kí nén a dzə jii, kú a yi viyíkìr vé vi, a yu vijuŋ vi, a no meluʼ mè, é wúné wáa bòŋ wò, bìʼ fo kin ki dzə̀ kinyo ke Nyùy kù yenen ji dzə̀ à wàa yiì.

Matio 6:12

a làysìn ajay vér mo vèr laysìn vé wìr ve á jáy e vèr.

Matio 9:5

Vèn yén ji m mèér a dzə̀ ké cér ki fó shuù ji Nyùy laysin ajay wìr və̀n, a bó yòʼ dzə̀ m sùúy ji wù lo é yuv, a ghan à?

Matio 14:27

Jesus ku nèn yòŋ áwune, e sùúy jii, «Lá vèn yòʼ a fàn. Dzə̀ mo. Vèn ghár shilív.»

Maak 6:50

Mo á yenen, a wù wiy bèy, wún wóví wáa yàʼ feyì. Jesus ku nèn yòŋ aáwune jii, «Dzə̀ mo, vèn ghár shilív shí, lá vèn yòʼ a fàn.»

Maak 10:49

Jesus yú, e tìím, e sùúy ji á wàá jaŋ. Á jàŋ, e sùúy sho jii, «Vishí vé vi bòŋ ne, wù jaŋ wò, lò ri e yuv.»

Lim Aŋgàa Ntum 23:11

Yiì lòo dzə vitsə́ʼ, Jesus wìy, e tìím e Por ghaŋ, e sùúy sho jii, «Kúr shilív shí, mo à suuyin mo é Jerusalem fèn, à kù kfə̀n wíy suúy e Rom.»