Matio 8:9 - ŊWÀʼ NYÙY

⁹ M kì ji dzə̀ kí wàa dzə bèy, bìʼ fo m dzəə̀n sá, a dzə̀ m kù a yu jí wìr wo wù kér mo. A m sáʼ sa wóm woo shúu rər. M túm wír, wù kù nèn dù, jaŋ wo jaŋèn, wù kù nèn wìy. M suuy e kwàn wómé ji wú yii kin, wú kù nèn a yiì yiìn.»

Matio 8:9 Referans Kwoze

Titur 2:9

Lóo dzə wír ve dzəə̀n akwàn, à kù a tir ji á wáa yu a dzə̀ fo atàr véví, a yiì vinyo vidzə̀m, é ví wáa bòŋ áwune. Lá áwune yòʼ a bìʼtì kimbìʼtì wùn aàtàr véví,

Kolosia 3:22

Ven vee akwàn, vèn wáa kuumé jii, wìr lóo lìm fo wìr e nsay fèn, wù kù a yu vinyo vidzə̀m a dzə̀ á fo tàr wov woo shooy, a lìm fo fo shilív shimòʼón, e làa yòʼ a lìm a dzə̀ é ghan se wù tíy fo si ji wù fíʼ a yen ji wun yii búʼ. Wù wáa lìm ghán sidzə̀m, é wáa yen Nyùy.

Ŋwàʼ Luk 7:8

A wun suuy bèn, bìʼ á fo wun dzəə̀n sá, a dzə̀ wun kù a yu jí wìr wo wù kér wun. Wun sáʼ saa və́ woo shúu rər. Wun túm wír, wù kù nèn dù, jaŋ wo jaŋèn, wù kù nèn wìy. Wun suuy e kwàn vəə́ ji wú yii kin, wú kù nèn a yiì a yiìn.

Ŋwàʼ Luk 4:39

Wù nèn dù, e tìím fo wù‑uù néŋé, e kàntì kinjàʼ kìy. Kí nèn màʼtì wiíy və̀y, wù bónén, e kù nèn lò e yuv, a ker áwune, a yiír.

Nsùyrì Nyùy 148:8

Kishèv, mentíy, kintòn wùn à mbàʼ, à kinsəm ki. Ví yú sáʼ Nyùy Tàr.

Nsùyrì Nyùy 119:91

Vifá vidzə̀m vi dzə̀ shó e to lán, mo wò‑oò foon sáʼ, bìʼ fo ví kù yú a dzə̀ fo wò.

Matio 8:8

Mfòómé və̀y nèn kfə̀n yòŋ ji «Tàr, bó m yoʼ ghèén e wìr wo dzə̀ à nə̀ə́ e wùn lav. Ku sùúy a dzə̀ jí fo shuù, é wánlè wom bónén.

Matio 8:10

Jesus yuúrí, a ker gháʼ, e bìnkìr, e sùúy e wír ve vé‑eè wiy e wùn bàmé jii, «Vèn wáa kiíy rú jii, m yòʼ‑oo yií ne yèn wír woó Isray wùmòʼ wo wù wayin shilív e mǒ wùn moo kiŋgwìy kìn.

Maak 1:27

Wíri yén, a ker gháʼ, a ghaynín jii, kee ben ki sà dzə̀ ka á? Sà dzə̀ kfə́ə dùŋrì ye fíy yímóʼó á? Wìr və̀n kér vitaáví, kantì anyùy, aá yú a wun.

Ŋwàʼ Luk 9:1

Jesus wìy lò, e yòŋrì wón və́ lìm vee nshòv sibaà e ghvə̀m adzə̀m. Á báʼtí, wù fó vitaáví ve dzə̀ á wàa jùm *anyùy ve á jívir wíri, e kfə̀n a fèr ayàsí.