Matio 8:5 - ŊWÀʼ NYÙY

⁵ Jesus dù, e nə̀ə́ e ntèʼ yee Kapeenahum, a wìr wùmòʼ dzə̀ fó, a dzə̀ mfòómé wìr veé *Rom. Wù nèn wìy, wùn Jesus tárnín,

Matio 8:5 Referans Kwoze

Matio 27:54

Mo Jesus kpuun, kitú ke vé rər wùn à wír və́ ve vé‑eè shiy fo vé‑eè taan Jesus e kintame yú mo nsay səʼ bèy, e kfə̀n yèn vinyo ve ví‑iì kooy vidzə̀m, shuu wóví yúm, á wáa suúy jii, «Wìr və̀n‑eè dzə̀ rú Wan Nyùy.»

Lim Aŋgàa Ntum 27:43

Kilìmbìy kév kí wáa tàʼ, e bavtí Por, e nèn shèm, e sùúy jii, wìr wo dzə̀ wù làʼ ndzə́v tómbìy gbù e ndzəv, a mùm, a fəəsín e shùu kwaʼ.

Lim Aŋgàa Ntum 27:31

Por kiíy, e sùúy e kilìmbìy ke rər kí wùn à wír vəə́ jii, «A vé kikoŋe dzə̀ là fó gòʼ sa e kikoŋ, bo bó wìr yòʼ wíy lùŋ.»

Lim Aŋgàa Ntum 23:17

Por jàŋ kilìmbìy ke vé rər kímóʼ kí, e sùúy sho jii, «Ku lì wán və̀n, e dù sho fo kitú kén kí. Wù kér kinyo kée fìʼtì sho.»

Matio 4:13

Yii bèy, e làa yòʼ a dzə aáwuné ntèʼ yee Naasarer. Wù dù, a dzə e Kapeenahum, e ghaa kibaŋ keé Galeli. A ntèʼ yee shooy dzə̀ é ghaa njàvìn rám Sebulun wùn à rám Navtali.

Lim Aŋgàa Ntum 27:13

Shishwér shi yiì lò, e wìy fo ndzəv ji weè, vé kikoŋe wáa kwàʼ ji vishí vév ví bòŋ a ne. Á nèn shòʼ ŋgòvìr ye yì yii ghár kikóŋ e ndzəv, a dù, a gwaàmè a dzə̀ é ghaa kwaʼ.

Lim Aŋgàa Ntum 23:23

Kitú ke vé rər kí siíy, e jàŋrì vilìmbìy və́ vibaà, e sùúy jii, «Vèn shóʼtí vé rərí ghii baà, e kfə̀n shòʼtí vé nyàm se ŋkoʼo msaàmbà, e shòʼtí vé kòŋé sá ghii baà, aá báʼtí fó lì Por vitsə́ʼ, shúy bvə̀ʼə̀, a dù sho e Sisaria.

Lim Aŋgàa Ntum 22:25

Á nèn dù, e kùr, e lò ji á waà sí támé, a kilìmbìy ke vé rər kímóʼ kí tíy fo, Por dzə́r shó jii, «M dzə̀ wír bàràʼ woó *Rom, nsər biímé ji dzə̀ á tàm mo, a bó á yóʼ ne sàʼ nsaʼ yem á?»

Maak 15:39

Kitú ke vé rər ke kí‑iì tíy e Jesus ghaa kintam ki yén kpú ye Jesus kpuun, e sùúy jii, «Wìr və̀n‑eè dzə̀ rú Wan Nyùy.»

Maak 2:1

Vishiíy ví lòo tumsín, Jesus kfə́n é ntèʼ yee Kapeenahum. Wíri yú ji wù sì á fo laʼ,

Matio 9:1

Jesus nəə́ é kikoŋ, a tumsín kibáŋ, a kfən e mvə̀mlaʼ yee Kapeenahum fo wù‑uù bee.

Matio 11:23

Aà, ké ven vee wír veé Kapeenahum, vèn kwaʼtì ji Nyùy wíy koʼór ven, é vèn kúy, e mèé e yuv a? Àáy, wù wíy sèn sènèn, é vèn sə́y áàŋkfəə́ wòŋ. A vé‑eè yii viŋgaʼnìn ve vinyò ve mò‑oò yii e věn mvəm vin a dzə̀ é ntèʼ yee Sodom, bo wír vee fóo‑oò lo bìnèr melív mev, la Nyùy yòʼ dzəə laàr fó mo wù‑uù laàrìn.

Lim Aŋgàa Ntum 9:38

A Joppa və̀n dzə̀ fó mentsə̀m me Lida. Aŋgàa biimée yú ji Pita dzə̀ é Lida, e nèn tùm wír fo abaà. Áwune dù, e lòn jii, «Kii wò, ku wìy cér.»