Biblia Todo Logo
Bib sou entènèt

- Piblisite -




Matio 8:4 - ŊWÀʼ NYÙY

4 Jesus kàntì ji wù wáa yen a fó dù, e suúy e wìr. Wù ku dù duùn tìítiy, e dìn a wún və́ e taà cù, e kfə̀n fò á kifá ke cù ke Mooser‑iì suuyin ji wìr bónen fo yàsí fèn, wù fò. Wù yii bèy, é wìr dzə̀m nèn kìíy a ji wù bònén ne.

Gade chapit la Kopi




Matio 8:4
31 Referans Kwoze  

Jesus yén áwune, e jàŋ jii, «Vèn du, e yèn taà cù, é wù leéy ven.» Áwune ku nèn a dù, e lòo dù e dzəə, e nèn bònén.


Jesus kàntì jii, «Á yen fó suúy e wìr. Ku dù duùn tìítiy, e dìn wún wóo e taà cù, e kfə̀n fò kifá ke cù ke Mooser‑iì suuyin ji wìr bónen fo shìvnsay fèn, wù fò kí. Aà yii bèy, é wíri fíʼ kiíy ji à bònén ne.»


Jesus kfə́n fo wír vìyi, e kàntì fo á fer kinyo kee shooy e wìr. Mo Jesus kàntìn bey, á ku nèn màysì, a fèr kinyo kee shooy férin.


Sí yéví ku nèn mvə̀ʼə̀m. Jesus kàntì feyì ji á wáa yen a fó suúy e wìr.


A ntèʼ yìmòʼ tèn fó səəsí ven, e yu kinyo kén, vèn wàa lò fo fo. Vèn lóo lò, á tèr nsay fo bàm, é wáa dzə kisəəm ké kinyò ke wír vee shooyi yiìn.»


Jesus kàntì áwune jii, á wáa yen fó yiì, é wìr kiíy á kinyo ke wun yiìn kin. Wù kfən sùúy jii, á taʼ á kifá, e fò e wàn, é wù yí.


Wùn à Jesus lòo kaày fo gwan fèy, wù kàntì áwune jii, «Vèn wáa yen fó wìy suúy kinyo ke vèn yenen e wìr, e meé e ghan se ŋgaà wo yírí dzəə̀n *Wanwìr və̀n wíy kpu, é Nyùy fəə́r wun fo kpu.»


Á wíy a toy vinyo e věn bàm, bìʼ fo vèn dzəə̀n wír vém, a lì, a dù sho fo vitú vé bàràʼ vi wùn aàfoné si. A wíy yiì Nyùy bèy ji vèn lóo tiy fo, é vèn fíʼ a fìʼtì a dzə̀ kinyo kfə́, é vitúm wùn à vé wòŋe wáa yu adzə̀m.


Jesus kfə́n a suúy jii, «Vèn lóo yiì kinyo ke á yii bìʼ Nyùy, vèn wàa yen fó a fəə sho ji wíri fíʼ a yen. A vèn lò, a yiì bèy, é la vèn yòʼ dzəə wìy a ker vilaámé fo Tàr won wo wù dzəə̀n é yuv gheéy.


«Lá vèn yòʼ a kwàʼtì ji m wìy ji m laar vinyo veé Ŋwàʼ Nsər Mooser wùn à vinyo ve aŋgàa ntum Nyùyi‑iì saŋen. M wìy ji m yii, é vinyo ve vé‑eè saŋen vidzə̀m vi koóy, e kfə̀n màysì, e dìn rú mo ví dzəə̀n.


Nyùy Tàr nàn yéʼéy rə́ wùn à nsər sə́ sí, sí wáa taa e kitu ke vifa vidzə̀m. Wù nàn bèy, e shií woo ji á wáa yen vitaáví ve ví dzəə̀n shó, a ghan e mbòv wó.


M yii bèy, a bó m yòʼ leey ji wíri wáa burí a dzə̀ mo. Kù gwarìr Nyùy kee shooy, a kù wíy bìnèr wun fo fo.


Wìr wo wù yii kinyo ji yii wun, ŋgaàŋ taʼ a dzə̀ ji wíri wáa burí wun. Wìr wo wù kù yii taʼ kfə́ ji á wáa burí a dzə̀ wír wo wù tumen wun, nén a suúy a dzə̀ vinyo ve ru ví, a bó yòʼ dzə̀ wù lòʼ kinyo.


«A bó m yòʼ fə̀m suuy bèn ji wáa binsí wír kinyo kém.


Vèn wíy tiím fo, é vèn koóy a dzə̀ kintóʼ ke dzə̀ vèn wàa fìʼtì kinyo ke Nyùy aáwune.


Jesus kàntì jii, «Vèn wáa yen rì fó wìy yiì, é wìr kiíy.»


Jesus suúy bey, e nèn kàntì wón və́ lìm jii, «Vèn wáa yen fó wìy suúy e wìr ji m dzə̀ Mfə̀ə́r.»


Jesus bìnèr jii, «Wòsò ku yiì ke kí dzəə̀n ji á yii lèn, e fíʼ yiì kinyo ke Nyùy taʼ kidzə̀m, é kí wáa dzə réŋréŋ.» Wù suúy bey, Joon nèn biìmé,


«Vèn wáa kiíy ji á wíy a nyàvrì e vèn, a koorí, a dù sho e lav se nsaʼ, e kfə̀n a dzə̀v ven é ŋgày se bùnrì, bìʼ fo vèn dzəə̀n wír vém. Á wíy a lì nsaʼ yen fó mbìy, a dù sho fo afone, kfə̀n a dù sho fo vitú ve saʼ ve bàràʼ vi. A vèn wíy a tiím e wír vee shooyí si, a fìʼtì a dzə̀ sáʼka Nyùy wo juŋ, aá wáa yu sa.


kí wáa dzə ji mfə̀m sí səə́ne səə̀nén, kìn ji sí baaŋè baàŋèn, bo dzə̀ ji ntèmntém. Á kù kér fó dìn e taà cù, a fə̀m dzə̀ ndzə̀y, a fə̀m dzə̀ júv.


Á lóo rəəmé bèy, wù nèn a kàntì anyùy vìy kitávín ji lá á yòʼ a suúy a ji wun dzə̀ Wan Nyùy.


Wùn áwune yiì lòo səy fo gwan foo fèy, wù kàntì jii, á wáa yen a fó wìy suúy kinyo ke á yenen e wìr, e meé e ghan se ŋgaà wo yírí dzəə̀n *Wanwìr və̀n wíy fəə fo kpu.


Wír aníne wáa dzə ve anyùyi jívir áwune. Á wiy sho, anyùy vee shooyi nèn a fəəkír fo wír vee shooyí wùn, a nyeŋ. Lóo nyeŋ, á wàa waamé, a yòŋ Jesus jii, «À dzə̀ Wan Nyùy.» Jesus nèn a kàntì fo áwune wáa suŋnín, bìʼ fo áwune‑eè kiìn ji Jesus dzə̀ á *Mfə̀ə́r wo Nyùy‑iì kàʼàn.


Taà wàn wùn yeè wàn yén kinyo kee shooy, shúu yúm áwune. Jesus kàntì ji á wáa yen a fó yiì, é wìr kiíy kinyo ke kí kooyin.


Jesus nèn kàntì áwune fo á wáa suúy e wìr ji wun dzə̀ Mfə̀ə́r.


Swiv nou:

Piblisite


Piblisite