Matio 8:3 - ŊWÀʼ NYÙY

³ Jesus nèn ràmsì kiwó, e kùm sho, e sùúy jii, «M kòŋ ne, bónén ri.» Shìvnsay ku nèn mày fo wìr və̀y wùn, wù bónén.

Matio 8:3 Referans Kwoze

Ŋwàʼ Luk 5:13

Jesus nèn ràmsì kiwó, e kùm sho, e sùúy jii, «M kòŋ ne, bónén ri.» Wìr və̀y ku nèn bònén fo shìvnsay fèy.

Nsùyrì Nyùy 33:9

Wù‑uù súŋnin, kí nèn kù a dzə e wun jì. Wù fó sáʼ, kifá kidzə̀m ki nèn kù fəə̀sín.

2 Afòn 5:14

Naaman nèn sə̀y é ndzəv yee Jordan, e dù, e gbù sho kàŋ saàmbà mo ŋgaà ntum Nyùy kì yòŋèn, e kù nèn bònén, wún vəə́ wáa dzə moo wó wan wo bór bèy.

Maak 1:41

Mendzən mè rə́r Jesus, wù ràmsì kiwó, e kùm wír və̀y sho, e sùúy jii, «M kòŋ ne, bónén ri.»

Joon 5:21

Mo Tàr wov fəər wíri fó kpu, aá kfə́n atin, dzə̀ sá réŋréŋ mo Wàn luŋèr wír wo wù koŋè.

Maak 4:39

Jesus yìmèn, e wàm kinsəm kìy, e kfə̀n wàm ndzə́v jii, «Tiím ji nyaáŋ.» Kinsəm ki kpúrín, ndzə́ví rə̀sìn, a tiy ji nyoòŋ.

2 Afòn 5:11

Kí nyár Naaman, wù nèn a kfən e bàm, a suúy jii, «M kì kí ji wìr və̀n yíi fəə, wíy tiim fo m dzəə̀n, yoŋ yír Nyùy Tàr woo Nyùy və, shaa e wó rəə́ é virə̀ʼ ve ví yárí, é shìvnsay bónén.

Kèʼlo 1:3

Nyùy nèn sùúy jii, «Ráne wáa dzə.» Yí ku nèn a dzə.

Joon 11:43

Wù suúy bey, e yòŋ kitávín jii, «Laasaror, fəə́ fèn.»

Ŋwàʼ Luk 7:14

Wù suúy bey, e shaà, e làʼ kiwó e kibàʼ ke vé‑eè béʼ ŋkfə və̀y sho. Á nèn tìím. Wù yòŋ ŋkfə və̀y jii, «Wánlè nsùm, m suuy e wò jii, nànèn é yuv.»

Maak 9:25

Jesus lòo yen, a màŋgòŋ keémé ne, a wìy fo, wù nèn wàm nyùy və̀y jii, «Wò woo nyùy wo à jívir fo wan və̀n wáa suŋnín, e kfə̀n a yu vinyo, màʼtì wun, e làa yòʼ dzə́ə wìy kùm.»

Maak 7:34

e lò, e lèéy yúv, e shèŋ kitú, e sùúy sho aáwuné làm jii, «Efata,» a dzə̀ ji mvə̀ʼə̀me.

Maak 5:41

Wù ghár kiwó ke wan, e sùúy sho aáwuné làm jii, «Talita kum,» a dzə̀ jii, «Wánlè wiíy, lò é yuv.»

Joon 15:24

A mò‑oò dzə̀, e làa yòʼ a yiì vinyo ve bó wìr yòʼ‑oò yiì ne yiì aáwuné mvəm, ve ví din vitaáví vé Nyùy, bo bó á yòʼ‑oò lo lì njò. Yii bèy, a vé‑eè lo yèn, e kù a bàn mo, e kfə̀n a bàn Tàr wor.

Ŋwàʼ Fəə 4:7

Wù kfən sùúy jii, «Siìr kiwó ké ki é mvə̀m ndzə̀y.» Mooser siìr, e lòo fəə́r, a kí bónén ne, e kfə̀n fó réŋréŋ mo kí kì dzəə̀n.

Matio 12:13

Wù nèn sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó, e tàv, a dzə réŋréŋ moo ke tin ki.

Ŋwàʼ Luk 4:27

«Wáa dzə e ghan se Elisha‑aà dzəə̀n ŋgaà ntum Nyùy, kímóʼ kí koóy sa bèy. Wíri‑iì joy shivnsay e wòŋ Isray fèn aneénín, a bó Elisha yòʼ‑oò lo fèr áwune. Wù kù‑uù fèr a dzə̀ Naaman cáʼcáʼ, a dzə̀ wír woó wòŋ Siiria.»