Matio 8:2 - ŊWÀʼ NYÙY

² Wìr wùmòʼ wáa dzə fo, a wù‑uù joy shivnsay. Wù wìy, e tsə̀m e Jesus si, e yòŋ jii, «Tàr, m kì jii, aà kòŋ, à fèr mo.»

Matio 8:2 Referans Kwoze

Matio 18:26

Fòn suúy bey, wìr woo shooy nèn gbù e si wo, a buʼ wó jii, ‹Ku rə̀r mendzən mem mè, e fò mo ghán, é m wìy làʼ mbàm see shooy sidzə̀m.›

Matio 15:25

Wù bìnèr bèy, wiíy və̀y ku wìy, e tsə̀m é si wo, a lon jii, «Tàr, ku sə̀ mo.»

1 Korin 14:25

Mo kí sáʼ bèy, é wù nèn kuùmé vinyo ve wù litì e wùn shiliv vidzə̀m, e tsə̀m fó nsay, a fo ghvə́m e Nyùy, a binsí ji Nyùy dzə̀ rú e věn mvəm.

Lim Aŋgàa Ntum 10:25

Pita wìy, e lòo nəə́ e lav, Konelur tsə́m é si wo, a fo ghvə́m sho.

Joon 9:38

Wù nèn yòŋ jii, «Tàr, bo m biìmé ne,» e tsə̀m é si wo, a fo ghvə́m sho.

Matio 28:17

Wùn áwune tár, á nèn tsə̀m e Jesus si, a fo ghvə́m sho. Yii bèy, ámóʼó wáa meŋnín wun.

Ŋwàʼ Luk 4:27

«Wáa dzə e ghan se Elisha‑aà dzəə̀n ŋgaà ntum Nyùy, kímóʼ kí koóy sa bèy. Wíri‑iì joy shivnsay e wòŋ Isray fèn aneénín, a bó Elisha yòʼ‑oò lo fèr áwune. Wù kù‑uù fèr a dzə̀ Naaman cáʼcáʼ, a dzə̀ wír woó wòŋ Siiria.»

Matio 26:6

Jesus yiì lò, e dù e ntèʼ yee Betani, e dù kiŋgàn e wìr wùmǒʼ lav, aá yoŋ ji Simon woo ŋgaà shìvnsay.

Matio 20:20

Yìy à wón Sebedi nèn wìy e wón vəə́, e tsə̀m e Jesus si ji wun lón a kifá.

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Matio 13:58

Mo áwune tenen fó way shilív e Jesus wùn, la wù yòʼ dzəə yiì viŋgaʼnìn ve vinyò fo vinín.

Matio 9:18

Mo Jesus fer vinyo vìn bèy, taà laʼ wùmòʼ wìy, e tsə̀m e wùn si, a lon jii, «Wan wom woo wiíy kù kpù lèn bèn. Yii bèy, a m kì jii, aà wìy, e màʼ kiwó ké e wùn wó, wù kòʼór.»

2 Afòn 15:5

Á bèy, Nyùy Tàr nèn màʼ shivnsay e Fòn Ussiya wùn, wù wáa jòy sho, e dù mèé e wun kishiíy ké kpu. Wù‑uù dzə́ lav rə jeéy, a wù sótí ne wó rə́ fó vinyò ve saʼ, wáa lìm wán və Jotam vinyo vìn vidzə̀m, a saʼ woŋ.

2 Afòn 5:27

Á bèy, bo shìvnsay ye yì kì dzəə̀n e Naaman wùn lo, e gbù e wò wùn, e gbù e rám yée wùn, e wìy dù, e jòʼsì.» Gehasi nèn lò fo tàr wóv si ji wun waà sí fəə́, a shìvnsay gbú ne e wùn wó, wù wáa fər moo kfə́m bey.

Kintaŋ 12:10

Kù mo mbàʼ lo fo kitu ke kibàn, yàsí woó jùv wùn nèn koò Miriam, wù nèn lò, a fər moo mentíy bèy. Mo Aaron bìnkìn, e lòo leéy, e yèn a Miriam sí kér yàsí woó jùv wùn ŋkuuŋkùŋ,

Ŋgaà Yen 19:10

M nèn lò, e gbù e si wo ji m ghvə́m á wun, wù sháʼnín jii, «Màʼtì kee shooy ki. M kù dzə̀ kém sá ji ŋgaà lìm Nyùy mo vèn aàfə́r vé ve á tíy e kinyò ke Jesuse dzəə̀n. A kinyo ke Jesus kìn ki kù dzə̀ kíwun ke kí bánri wír ve á tiísi ntum Nyùy adzə̀m. Kú a ghvəm a dzə̀ Nyùy.»

Matio 28:9

Á lòo dù, e tò e Jesus wùn, wù shàʼtì jii, «M shaʼtì ven.» Áwune nèn gbù e si wo, a baamé wúu rə́, a fo ghvə́m sho.

Matio 10:8

Vèn kfə́n a fèr vé yàsíi, a yìm aŋkfə, aá wáa fəəkír fo kpu, a fèr aŋgàa shìvnsay, a kàntì anyùy, aá wáa màʼtì wíri. M fò ne vitaáví vin e vèn kisáŋ, vèn du ri, a sə sa wíri shó kisáŋ.

Matio 4:9

Wù dìn bèy, e sùúy jii, «M yíi fo wò vifá vìn vidzə̀m, kù dzə̀ cáʼ ji à gbu e mǒ si, e ghvə̀m mo ji Nyùy.»

Matio 2:11

Á dù, e mèé fo wù tiimen, e nə̀ə́ e lav, e yèn wán wùn yè wov Maria, e tsə̀m e wǎn si, e bùn. Á bùn, e nèn mvə̀ʼtì vibam vév, e fə̀ə́r vifá ve kimbùnfòn, a ví dzə̀ jii, *kisha ke mbàm ke baar kí wùn à kiláy kee *frankinsen ki, à kee *mer ki.

2 Afòn 5:1

Wìr wùmòʼ wáa dzə, a yír rəə́ dzə̀ Naaman, a wù dzə̀ mfòómé fòn woó Siiria. Wù‑uù dzə̀ wir fòn wo ghaʼán, a fòn koŋ wun e ŋàŋ, bìʼ fo wù‑uù danèr wír veé Siiria, aá só rə́r. Wù‑uù dzə̀ kintav ke wìr, é bo shìvnsay wáa jivír wun.

2 Samuel 3:39

Wúné seèmè ne mo lán mo m fə̀m dzəə̀n fon wo yoʼon Nyùy. Wón Tsəruyia vìne sí táv, gháʼ mo. Nyùy Tàr ku làʼ ŋgaà yiì ye bií mo yii rəə́ dzəə̀n.»

Matio 8:1

Jesus sə́y fó gwan fèy, wíri lò e wùn bàm aneénín.

Matio 8:25

Wón və́ lìme kóʼtí, e yìm, e yòŋ jii, «Tàr, vèr sí lay e ndzəv, ku sə̀ ver.»

Lim Aŋgàa Ntum 10:14

Pita bìnèr jii, «Nyaa mǒ Tàr, bó yòʼ dzə̀ m mùm. Bó m yòʼ‑oo yíi ne yì kifá ke kí kóʼoyì, ke kí kér *kifàn.»