Matio 7:2 - ŊWÀʼ NYÙY

² Vèn wáa kiíy jii, mo vèn roomè wír, bo kù dzə̀ mo Nyùy wíy a roòmè sa ven. Wù kù wíy a yiì kinyo e wìr réŋréŋ mo ŋgaàŋ yii e wír ámóʼó.

Matio 7:2 Referans Kwoze

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Maak 4:24

Wù kfən sùúy jii, «Vèn lóo yuurí kinyo ke Nyùy, vèn wàa kiíy, a səə̀m ke kí dzəə̀n, a kiíy jii, mo wìr səəmè, kù dzə̀ mo Nyùy yíi siìr e ŋgaàŋ, e kfə̀n dzə̀sì.

Ŋwàʼ Luk 6:38

Vèn wáa fo fómo, é Nyùy wáa fo sa e ven. Wù lóo fo, é wù fiʼ kijuŋ, e nàŋsín, e nyòʼtì, é ví wáa fàmtìn, a fəə fo nsay. Mfìʼ ye wìr fiʼ kifá sho, e bó a fo e wìr, dzə̀ yìwun ye Nyùy yíi fìʼ sa ké ŋgaàŋ sho.»

Obadia 1:15

«Kishiíy ké Nyùy Tàr kí sì fó mentsə̀m, dzə̀ kishiíy ke m tínen nsaʼ vitum vidzə̀m. Edom, kinyo ke vèn yiìn kí dzə̀ kíwun ke á yíi yiì sa e vèn. Yii yéné yíi bìnkìr e věn kitu.

Ŋgaà Yen 18:6

Á kù yíi lovtí sho lèn mo wù‑uù lóvti e wíri, e kfə̀n dzə̀sì. A wù‑uù yiì kinyo kimòʼón, bo á siir sho lèn vibaà. Á kù li bàr və wo wù‑uù jav meluʼ sho, e way abàr vee shooy lèn abaà, é si ŋgeʼ, é wù jiíyí.

2 Korin 9:6

Vèn wáa kuumé jii, a wìr wày kifá shishàr, bo wù kù wíy kav shishàr. Wìr wáy kikuʼùn, bo wù wíy kav kikuʼùn.

Atǎr Nsaʼ 1:7

Adoni‑Besek nèn lò, a toyrí jii, «Mò‑oò yòŋ, á shétí viyìy vé wo wùn à viyìy vé wuù vé afòn msaàmbà, á wáa dzə, a siy kfə́ʼ se viyikìr fo mǒ sar kidàŋ. Á bèy, ké lèn ki, Nyùy siìr ne ŋkfə́tír e mò.» Adoni‑Besek yòŋ bèy, á ku nèn lì wun, e dù sho e Jerusalem, wù kpú fó.

Jeremia 51:24

Nyùy Tàr kfə́n a suúy e wír veé Israyi jii, «M wíy lovtí e Babilon, e lovtí e wír veé nsay foo fèyi, e siìr ŋkfə́tir kinyò ke kisaŋ kidzə̀m ke áwune yiìn é Sion, a m wíy a siìr, é vèn wáa yen.

1 Samuel 15:33

Yii bèy, Samuel suúy jii, «Mo nyùy yè yiìn ne, vikìy wáa dzə là wón, bo yè won yíi a dzə sa là wán e vikǐy mvəm.» Samuel suúy bey, e nèn gwàtì Agag e vinsher vinshèr e Nyùy Tǎr kirə̀ʼ ké cù e Gilgal.

Nsùyrì Nyùy 109:17

Mo wù kù‑uù koŋ fó a tin kàʼ ji lòné shóv á wír, wú ku shòv a dzə̀ wun. Mo wù‑uù tén fó a səə̀vì wíri, bòŋ é wù búŋ sá kisəəvì.

Aysaya 33:1

Lòné dzə̀ wón, ven ve vèn laar wíri, aá yòʼ‑oò ghàn ne laàr ven. Lòné dzə̀ wón, ven ve vèn kár menàŋ e wírí bàm, aá yòʼ‑oò ghàn ne kàr e věn bàm. Vèn yíi laàr, kén kí mayì, aá laar sá ven. Vèn yíi kar, méen mè mayì, aá fiine sá ven.

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Matio 6:14

Vèn kú a bùnrì bèy, bìʼ fo, a vèn fèn laysìn vinyo ve wíri jáy e vèn, bo Tàr won wo wù dzəə̀n é yuv yíi a làysìn sa vén vee ajay.

Ŋwàʼ Fəə 21:24

Wáa dzə sí, bo ŋkfə́tír dzə̀ sí, wáa dzə sóŋ, bo dzə̀ sóŋ, wáa dzə kiwó, bo dzə̀ kiwó, wáa dzə kiwuú, bo dzə̀ kiwuú.

Atǎr Nsaʼ 5:27

Sisera‑aà rə̀vkír, e wìy, e gbù e Jael wuù. Fo wù‑uù gbuùn, kù dzə̀ fo wù‑uù kpuun.

2 Samuel 21:5

Á bìnèr e fòn jii, «Saul‑iì taʼ ji wun laar á ver, é la wìr fo vèr yòʼ bèr é nsay wìr veé Isray.