Matio 5:1 - ŊWÀʼ NYÙY

¹ Jesus yén màŋgòŋ və̀y, e kòʼ, e dzə̀ʼə̀m e gwan. Aŋgaà və́ ŋgoo wìy, e kaàrí fo,

Matio 5:1 Referans Kwoze

Maak 3:13

Jesus lò fo fo, e kòʼ é gwan wùmòʼ, e yòŋrì wír ve wù‑uù taʼ ji və́. Á wìy,

Matio 15:29

Jesus yiì lò fo fo, e dù, e shaà e ghaa kibaŋ keé Galeli, e kòʼ, e dzə̀ʼə̀m e gwan.

Maak 4:1

Jesus kfən wìy kèʼ, a yeʼéy wíri é ghaa kibaŋ keé Galeli. Màŋgòŋ wìy, e bànén e wùn ghaŋ nyanyày. Wù nèn nə̀ə́, e dzə̀ʼə̀m a dzə̀ é kikoŋ e ndzəv, wíri wáa tiy kév é ghaa ndzəv.

Maak 3:20

Jesus dù fo laʼ, wíri kfən bàʼtí fo aneénín, la wùn à wón və́ lìme yòʼ a ker ghán se dzə̀ á yìkír gheéy.

Matio 4:25

Wù lóo dù e kirə̀ʼ ke wù du sho, màŋgòŋ wàa nyòrnìn fo bàm, aá wiykìr virə́ʼ vidzə̀m. Ámóʼó fó mbìv wòŋ yee Galeli, ámóʼó fó mbìv ye á yoŋ ji Ntèʼghvə̀m, ámóʼó fó Jerusalem wùn à fó ntèʼ seé Juda símóʼ sí, aámóʼó wiy fo ndzə̀n ndzə̀v yee Jordan.

Matio 13:2

Màŋgòŋ wìy, e bàʼtí nyanyày, a far wun, wù nəə́, e dzə̀ʼə̀m a dzə̀ é kikoŋ, wíri wáa tiy kév é ghaa ndzəv.

Matio 5:2

wù nèn kèʼ, a yeʼéy áwune, a suúy jii:

Ŋwàʼ Luk 6:12

Kú a dzə e vishiíy fóo fèy, Jesus kóʼ é gwan wùmòʼ ji wun bunrì Nyùy, e sìíy, e bùnrì fo vitsə́ʼ vifur.

Ŋwàʼ Luk 6:17

Mo wù shoʼtin bey, wùn áwune nèn a səy. Á sə́y, e tìím e shimboʼ shímóʼ shí, aàŋgàa ŋgoo Jesus ámóʼó kì bàʼtí fó anín wùn à màŋgòŋ nyanyày, a vé‑eè wìykìr fó Jerusalem wùn à fó ntèʼ seé Juda foo fèy sidzə̀m, e kfə̀n wìy fo wòŋ woo Taya wùn Sidon wo wú dzəə̀n é ghaa rìbà ndzə̀v. Vé‑eè wiy ji á wáa yu yéʼéy Jesus, é wù kfə́n a fèr ayàsí vév.

Ŋwàʼ Luk 6:20

Jesus yiì lò, e lèéy wón və́ lìm, a suúy jii: «Bòŋ kén, ven ve á tanè, bìʼ fo dzəə̀n ven ve á sí yú vijuŋ ve saʼ Nyùy.

Ŋwàʼ Luk 9:28

Kishiíy kí lòo meé waamé mo Jesus‑eè suuyin vinyo vìn, wù lì Pita wùn à Joon, à Jeem, wùn áwune wáa koʼ e gwan wùmòʼ ji wun du, e bùnrì a fo.

Joon 6:15

Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.