Matio 4:9 - ŊWÀʼ NYÙY

⁹ Wù dìn bèy, e sùúy jii, «M yíi fo wò vifá vìn vidzə̀m, kù dzə̀ cáʼ ji à gbu e mǒ si, e ghvə̀m mo ji Nyùy.»

Matio 4:9 Referans Kwoze

2 Korin 4:4

Ké wír vìn ki dzə̀, a sə̀tí Satan woo nyùy wo wù kér ndzə rə̀n lèn vifií vév fo á biíme sáʼka Nyùy wo juŋ. A bó yòʼ dzə̀ áwune yèn rán ye sáʼka Nyùy wìyìn shó, a kiíy mo Kristu dzəə̀n. Kristu, wo wùn Nyùy dzəə̀n kikúv kimòʼón.

Ŋgaà Yen 19:10

M nèn lò, e gbù e si wo ji m ghvə́m á wun, wù sháʼnín jii, «Màʼtì kee shooy ki. M kù dzə̀ kém sá ji ŋgaà lìm Nyùy mo vèn aàfə́r vé ve á tíy e kinyò ke Jesuse dzəə̀n. A kinyo ke Jesus kìn ki kù dzə̀ kíwun ke kí bánri wír ve á tiísi ntum Nyùy adzə̀m. Kú a ghvəm a dzə̀ Nyùy.»

Joon 16:11

Mo fòn wo wù sáʼ ndzə rə̀n dzə́ lèn, a wù lí ne lòn, kí nen kfə̀n a dìn sa ji áwune jáy fó a meŋ lǒn vinyò ve bi ví.

1 Timoti 3:6

A bó kí yoʼ ghèén sa ji á lem wír ji kilìmbìy ke kintatì, a dzə̀ wo dzə̀ə́ wír wo fíy e kinyò ke Jesus Kristu. Aá yiì bèy, ghanmóʼ, é wù nèn a yen kitú kfə́ é ŋàŋ, lóo gùynìn, é wù nèn gbù mo Satan‑eè gbuùn.

Nsùyrì Nyùy 72:11

Afon adzə̀me kú a dzə e wun sar saʼ, é wìr dzə̀m woó kitu ke nsay wáa lìm fo wun.

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.

Matio 26:15

e dzə̀r jii, a wun sà wày Jesus aáwuné wo, á fò ka e wun a? Á yú bey, e nèn tàŋ mbàm mtaár, e fò shó.

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Ŋgàn 8:15

Fó mo vifií áàfone, é bo á wáa saʼ kijuŋ, fó mo vifií e vé saʼa, é bo á wáa tinén vinyo e nsànloŋ.

Matio 4:10

Jesus wám jii, «Satan, kóʼtí fo mǒ ghaŋ. Vé‑eè sàŋ é Ŋwàʼ Nyùy jii: « ‹Wìr wáa ghvəm a dzə̀ Nyùy Tàr woo Nyùy və, a yu a dzə̀ fo wun cáʼ.› »