Matio 4:8 - ŊWÀʼ NYÙY

⁸ Satan kfən lì Jesus fo fo, e kòʼ shó lèn e kitu ke gwan wo da wùmòʼ, e dìn vitúm veé kitu ke nsay sho vidzə̀m, e kfə̀n dìn bùʼ wo wù dzəə̀n shó.

Matio 4:8 Referans Kwoze

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

1 Pita 1:24

A dzə̀ mo vé‑eè saŋen é Ŋwàʼ Nyùy jii: «Wìr dzə̀ moo viŋgà, a vijuŋ və́ ví dzə̀ moo vibuushì. Viŋgà, a ví yúm, vibuushì ví keèsí,

Daniel 4:30

Fòn nèn lò, e njàʼàm jii, «Yímóy, ku yèn búʼú, ŋkàlaʼ ye kuʼùn yee Babilon ye m bàʼrìn ji ntoʼ yem kishìíy. M bàʼrì a dzə̀ e vitaáví vém ve ghaʼán ví, a yì din vikuʼùy vém féyì feyì, din viwìr vém vee ji fon.»

Esta 5:11

Áwune wìy, Haman nèn kèʼ, a saà wún, a taŋ mo vikuʼùy və́ ví dzəə̀n, a taŋ nyanyày wòn wo wù kérí, a fìʼ mo fòn koʼorin ne ntaʼ və, wù wáa fo sáʼ aàtǎr laʼa adzə̀m, e kfə̀n lèm wun ji kitú ke atǎr ntoʼ.

Esta 1:4

Áwune‑eè yì ŋkàʼ vən ŋwee ntuùfú, a fòn kù din bùʼ və moo fon, din vifá ve sùsù wùn à vikuʼùy və́ ví.

Matio 4:5

Kee shooy ki gháʼ, Satan nèn kfə̀n lì wun, e dù sho e Jerusalem, e kòʼ, e tìír e ntoò kitu ke *lav cù. Wù tiím fó,

Kintaŋ 23:3

Balaam lò, e sùúy e Balak jii, «Tiím e wò ghaa cù ye tonèné, é m du, e yèn ó ji vèr Nyùy Tàr sà‑áà tárnín á? Kinyo ke wù dìnèn e mò, bo dzə̀ kíwun ke m yíi suúy e wò.» Wù suúy bey, e nèn ŋàʼáy, e kòʼ é ntoò gwan.

Joon 5:20

bìʼ fo Tàr wov koŋ wun e ŋàŋ, din vinyo ve wù yii sho vidzə̀m. A wù kfə̀n wíy dìn, é Wàn wáa yiì vinyo ve ví shaàn ve vèn yén vìn, é vèn wáa leéy, a ker gháʼ.