Matio 4:7 - ŊWÀʼ NYÙY

⁷ Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »

Matio 4:7 Referans Kwoze

Remrí 6:16

«Lá vèn yòʼ wìy a ghiʼ Nyùy Tàr woo Nyùy won ghíʼín mo vé‑eè ghíʼ wun e Massaa.

1 Korin 10:9

Lá vèsən yòʼ a ghiʼ sa Nyùy ji wù ku yiì kinyo mo wír vìn ámóʼó‑oò ghíʼí, Nyùy nèn tsə̀nsí yó, sí térí wír vee shooy, e laàr.

Nsùyrì Nyùy 78:18

Áwune‑eè mum Nyùy e kúmé, táv ji wù fó á vifá ve yi ve vé‑eè diyì.

Nsùyrì Nyùy 78:41

Áwune‑eè mum wun à fó à fó, nyárir shilív shé wun woo Ŋgaà wo Ranén woó Isray.

Hibru 3:9

Nyùy suuy jii, ‹Atàr véné‑eè ghán fo, kiyá mkweè, mum mo, aá kù yén vinyo ve ghaʼtín ve mò‑oò yii.

Ŋwàʼ Fəə 17:7

Wù nèn shù yír kirə̀ʼ kee shoon ji Massaa, bìʼ fo wír veé Israyi‑iì mum Nyùy Tàr fó, gháy jii, «Nyùy Tàr dzə̀ vèr áwune moo ŋgáŋ á?» Wù kfən shù sa yímóʼó ji Meriba, bìʼ fo áwune‑eè taʼ melaà fo.

Ŋwàʼ Fəə 17:2

Wíri nèn a tàʼ melaà wùn à Mooser, à Aaron, a suúy jii, «Vèn fó ver mendzə́v, é vèr nó.» Mooser dzə́r aáwune jii, «Vèn taʼ melaà vèsən ben bìʼ ka? Vèn ghíʼ Nyùy Tàr ji wù ku yiì kinyo ji ka?»

Lim Aŋgàa Ntum 5:9

Pita nèn kfə̀n dzə̀r jii, «Vèn lum wò yòʼ kì kwàʼ ji ka féyì, e bóo wìy, a mùm Kiyoy ke Nyùy Tàr? Yú mo wíri giv nsən e shùu lav. Dzə̀ nsən se wìr ve á duùn ne, e dzəə̀mè lum wò, a kfən, aá kù beʼèy sa wò lèn, e dù, e dzəə̀mè.»

Nsùyrì Nyùy 106:14

Áwune wáa ker liì kishwaa e kirə̀ʼ ké woʼ kí, kù mum Nyùy múmen.

Nsùyrì Nyùy 95:9

Nyùy Tàr suuy jii, «Vé‑eè mùm mo fó, a ghiʼ mo, a vé‑eè yèn ne vinyo ve ghaʼtín ve mò‑oò yiìn.

Malakay 3:15

Vèr kù sí yén kér ji bòŋ ké vé kiŋàʼa, a kéŋ wìr ve á méŋ Nyùyi kù kúy kuyín. Jòkìnyàʼ, á tínsin Nyùy, la kinyo ki yòʼ sə̀ʼ áwune.› »

Nsùyrì Nyùy 78:56

Yii bèy, áwune kú a mùm Nyùy woo Taà Vitu, a tsəy kóy wùn áwune, e làa yòʼ a yunín vinyo ve wù‑uù foon.

Kintaŋ 14:22

bó wìr fo wír vìne yòʼ wíy nəə́ e wòŋ wo á du sho. Vé‑eè lo yèn rán yém ye ghaʼáné, e kfə̀n a yen viŋgaʼnìn ve vinyò ve mò‑oò yii e Ejiv, kfə̀n yii e woʼ fen, e kù a ghiʼ mo ghíʼín kàŋ e ghvə̀m, e tèn fó yu jí yem.

Matio 4:4

Jesus bìnèr jii, «Á sàŋ é Ŋwàʼ Nyùy jii: « ‹Bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy shuù simòʼón simòʼón.› »

Aysaya 8:20

Á lóo yòŋ bèy, vèn bìnèr aáwune ji á kú a yuurí a dzə̀ á yéʼéy ye yí dzəə̀n é ŋwàʼ, a yuurí ntum Nyùy Tàr ye yì dzəə̀n shó. A wìr dzə̀, a bó wù yòʼ suuy kinyo ke kí shémsín wùn à kee shooy ki, bo yì wíy sən wun, e làŋsìn.

Matio 4:10

Jesus wám jii, «Satan, kóʼtí fo mǒ ghaŋ. Vé‑eè sàŋ é Ŋwàʼ Nyùy jii: « ‹Wìr wáa ghvəm a dzə̀ Nyùy Tàr woo Nyùy və, a yu a dzə̀ fo wun cáʼ.› »

Matio 21:42

Jesus dzə́r jii, «Vèn yòʼ‑oo yií ne yòŋ kinyo kee shooy fo Ŋwàʼ Nyùy à? Kí suuy fo jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav. Kù yiì Nyùy Tàr kinyo kìn, vèsən wáa leéy, a ker gháʼ.›

Matio 21:16

a saʼ Jesus jii, «Bó à yòʼ yú kinyo ke wón víne sí suuyì à?» Wù bìnèr jii, «M yú feyì. Bó vèn yòʼ‑oò yiì ne yòŋ kinyo ke vé‑eè saŋen é Ŋwàʼ Nyùy jii, ‹Nyùy yiì ne, wón ve terií wáa burí wun, à ve á dzəə́ nyóŋ víne shó à?› »

Ŋwàʼ Luk 4:12

Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »

Lim Aŋgàa Ntum 15:10

Mo kí dzəə̀n bey, kfən yiì ka, bo vèn wáa tàʼ ji á wáa tinsín Nyùy, a neèr kibeʼèy áàŋgàa biimé vìné mbèʼ? Kibeʼèy kee shooy ki dzə̀, a vèsən aàtàr vesəné‑eè mùm ne ntéŋ.