Matio 4:4 - ŊWÀʼ NYÙY

⁴ Jesus bìnèr jii, «Á sàŋ é Ŋwàʼ Nyùy jii: « ‹Bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy shuù simòʼón simòʼón.› »

Matio 4:4 Referans Kwoze

Remrí 8:3

Wù‑uù sə̀r ven, e lèm e jìŋ, e yiì lò, e yìír ven e manna wo bó vèn yòʼ‑oò kiìn, a bó atàr véné yòʼ‑oò kì sá. Wù‑uù yii bèy ji vèn kiíy á ji bó yòʼ jòʼsì ji wìr yí kibán, e bóo lùŋ. A dzə̀ wìr kù lùŋ a dzə̀ fó jì se sí fəə́ fo Nyùy Tǎr shuù sidzə̀m.

Ŋwàʼ Luk 4:4

Jesus bìnèr jii, «Vé‑eè sàŋ é Ŋwàʼ Nyùy jii, ‹Bó yòʼ jòʼsì ji wìr yí kibán, e bóo lùŋ.› »

Joon 6:63

Vèn wáa kiíy jii, kù yii fó Kiyoy ke Nyùy dzəʼə̀m yee là may e wìr, a bó yòʼ dzə̀ wìr wàa ker fo wùn vitaaví. A jí se m súŋnin e vèn sin si lo fo Kiyoy kee shooy ki, nén a dzə síwun se sí fó dzəʼə̀m yee là may.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

Efesor 6:17

Vèn lóo dù e shùu rər, vèn wàa kuumé ji Nyùy lùŋèr ne a ven, a bó yòʼ dzə̀ wìr kfə̀n yiì kinyo e vèn. Vèn nén a dzə moo ŋgaà rə̀r wo wù sùmèn kitú kfə́ e tán kishàa, a bó yòʼ dzə̀ wìr kfə̀n gwàr. Vèn lóo dù, vèn lì sá nyùy yen rə̀r ye Kiyoy ke Ranén kí foon e vèn, a dzə̀ Jí se Nyùy.

Ŋwàʼ Fəə 16:15

Wír veé Israyi yén, e làa yòʼ kiíy, e nèn a dzə̀rnìn jii, «Kin ki dzə̀ ka?» Mooser nèn sùúy aáwune jii, «Dzə̀ kibán ke Nyùy Tàr foon ji vèn wáa yi.

Ŋwàʼ Luk 4:8

Jesus bìnèr sho jii, «Vé‑eè sàŋ é Ŋwàʼ Nyùy jii, ‹Wìr wáa ghvəm Tàr wov Nyùy, a yu a dzə̀ fó fo.› »

Ŋwàʼ Fəə 16:35

Wír veé Israyi‑iì yì vifá ve yi ve á yoŋ ji manna vìy kiyá mkweè, e dù mèé mo vé‑eè nəən fo vé‑eè dzə̀ʼə̀mèn. Vé‑eè ghàn, e dù mèé e bìíy yeé Kanan fo vé‑eè dzə̀ʼə̀mèn, aá kù yí a dzə̀ manna.

Ŋwàʼ Fəə 16:8

Mooser wáa dzə̀sì, a suúy jii, «Nyùy Tàr yù ne mo vèn ghvəvrì wun. Wù yíi fo ven nyám e ŋkuùr, e kfə̀n fo kibán kijàvndzə, é vèn yí, é ví gháʼ. Vèn ghvəvrì a dzə̀ wun, vèn yòʼ ghvəvrì ver. Vèr yòʼ siì dzə̀ kér ji ala?»

Matio 4:10

Jesus wám jii, «Satan, kóʼtí fo mǒ ghaŋ. Vé‑eè sàŋ é Ŋwàʼ Nyùy jii: « ‹Wìr wáa ghvəm a dzə̀ Nyùy Tàr woo Nyùy və, a yu a dzə̀ fo wun cáʼ.› »

Matio 4:7

Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »

Ŋwàʼ Luk 4:12

Jesus bìnèr kfə́ jii, «Vé‑eè sàŋ sá jii, ‹Lá wìr yòʼ a ghiʼ Nyùy Tàr woo Nyùy və ghíʼín ji wù yii kinyo.› »

Ŋwàʼ Fəə 23:15

Vèn wáa yiì *Ŋkǎʼ Kiban kee là Nyaà. Vèn kù yíi a yi kibán kee là nyaà kishiíy saàmbà mo mò‑oò suuyin e vèn. Vèn kú a yiì bèy, e ghan se sí dzəə̀n silemèn é ŋwee woo *Abiv, bìʼ fo dzəə̀n ŋwee woo shooy wo vèn‑eè fəən fó Ejiv. Á kuúmé sá ji lá wìr yòʼ wìy a wìy ŋkàʼ wóm e wó rəə́ kisáŋ.

Matio 15:11

Kifá ki yòʼ dzə̀ shó ke kí nəə nə̀ə́n e wìr shuù ke dzə̀ kí bìvír ŋgaàŋ. A dzə̀ kù bìvír kinyo ke kí fəə́ fəə́n fo wìr shuù.»

Maak 7:20

Wù kfən siì sùúy jii, «Kinyo ke kí yii fəə́ fo wìr shuù ki dzə̀ ke kí bívir ŋgaàŋ.

Joon 15:26

«Yii bèy, Ŋgaà Sə wo m suuyì wíy wìy, a wù lò a dzə̀ fo Tàr wor, a dzə̀ Kiyoy kfə́ ke kí yii din kinyo ke dzəə̀n ke ru kí. A wíy lon mo fo Tàr wor, e bóo tum fo vèn. Wù wíy wìy, é wù fiʼti e wíri mo m dzəə̀n,