Matio 4:3 - ŊWÀʼ NYÙY

³ Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Matio 4:3 Referans Kwoze

1 Tesalonika 3:5

Mo mò‑oò sí rəm vinyo vìn vidzə̀m, a ví tárir mo, m nen yèn ji bó yòʼ dzə̀ m kfə̀n a siʼsíʼ, e tùm Timoti fo vèn ji wù wiy, e lèéy a ji vèn sà kù dzəə́ wáy shilív e Nyùy wùn á? A mò‑oò fan fo kí wáa dzə ji kìn Satan woo ŋgaà mùm bìnèr ne ven, é lim yérí lay kisáŋ.

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Hibru 12:16

Vèn kfə́n a yen sa fo wìr wáa ker liì kisaŋ, a jàŋ kinjàŋ, a ghan viŋkar. Lá wìr yòʼ kfə̀n a lì kinyo ke Nyùy fo tèr moo Esav wo wù‑uù fiìnèn kilíŋ ke Nyùy‑iì foon e wun ji wán woo ŋgàywìr bìʼ kimbéʼ ke kiban keé ghan see shó.

Ŋwàʼ Fəə 16:3

a suúy aáwune jii, «Yì‑iì bòŋ ke Nyùy Tàr yúyrí ver é Ejiv fo vèr‑iì dzə́, yí kibán e nyàm, a bvəm yérí kúrí, e shaà ke vèn li ver, e wìy sho fèn, e màʼtì ji màŋgòŋ və̀n e dzə̀m kpú jíŋ.»

Lim Aŋgàa Ntum 9:20

e kù nèn a ghan e ŋgày se bùnrì se wìr veé Juda see fó, a fìʼtì kinyo ke Jesus, a suúy feyì jii, «Jesus dzə̀ á Wan Nyùy.»

Ŋwàʼ Luk 4:9

Satan nèn lì lèn, e dù sho e Jerusalem, e tìír e ntoò kitu ke lav cù, e sùúy sho jii, «Mo à dzəə̀n Wan Nyùy, líy ri fo fèn, e tìím fo nsay.

Ŋwàʼ Luk 4:3

Satan nèn wìy, e sùúy sho jii, «Mo à dzəə̀n Wan Nyùy, suúy ri, é tíy rə́ne binkir ji kibán.»

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

Maak 3:11

Wír ve *anyùyi‑iì jívir áwuneé wáa yen Jesus, a gbù e si wo, anyùyi wáa yiì, á wáa rəəmé jii, «À dzə̀ Wan Nyùy.»

Maak 5:7

Wù yiì lò, a rəəmé jii, «Jesus woo Wan Nyùy woo Taà Vitu, à taʼ ji à yée le e mò? Ku lìʼ e Nyùy yir ji bó à yòʼ yíi fo mo ŋgeʼ.»

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Ŋwàʼ Luk 4:41

Wír aníne wáa dzə ve anyùyi jívir áwune. Á wiy sho, anyùy vee shooyi nèn a fəəkír fo wír vee shooyí wùn, a nyeŋ. Lóo nyeŋ, á wàa waamé, a yòŋ Jesus jii, «À dzə̀ Wan Nyùy.» Jesus nèn a kàntì fo áwune wáa suŋnín, bìʼ fo áwune‑eè kiìn ji Jesus dzə̀ á *Mfə̀ə́r wo Nyùy‑iì kàʼàn.

Ŋwàʼ Luk 22:70

Áwune nèn sàsìn wír adzə̀m jii, «Kí bo dzə̀ ji à dzə̀ Wan Nyùy?» Wù bìnèr jii, «Kí dzə̀ mo vèn suuyì.»

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Joon 9:35

Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

2 Korin 1:19

A kí dzə̀ bey, bìʼ fo Jesus Kristu woo Wan Nyùy wo vèr à Timoti, à Silvanur fiʼtì e vèn yòʼ yii binbìnè. Wù kù yii tíy a dzə̀ e wùn jì.

Galatia 2:20

Mo Kristu‑uù kpuun é kintam, sì yém yee kpú. M dzə́ lèn bèn, a bó yòʼ dzəə́ dzə́ mo gheéy, sí dzə́ Kristu e mǒ wùn. A dzə́ ye m dzə́ rə̀n, m dzə́ a dzə̀ bìʼ fo m wáy shilív e wun woo Wan Nyùy wùn, wo wù kòŋèn mo, e lì kitú kfə́, e tàŋrí mo shó.

Hibru 4:14

Vèsən wáa kuumé ji vèsən kér taà cù wo kuʼùn wo wù táti vèsən à Nyùy, a dzə̀ Jesus woo Wan Nyùy wo wù‑uù duùn, e mèé e ntoò yùv fo Nyùy dzəə̀n. Vèsən ku nèn ghàr kinyo kfə́ ke vèsən biimen kitávín,

Hibru 7:3

Bó wìr yòʼ kì fo Melkisedek və̀n‑eè loòn, a bó á yòʼ kì tàr wov wùn yè wov, a bó á yòʼ kì rám yév. Bó á yòʼ kì sá ghán se vé‑eè dzəən wun, a bó á yò kì se wù‑uù kpuun. Wù nén a dzə moo Wan Nyùy, a dzə̀ taà cù wo wù gòʼòn kàŋ mòʼón, e dù, e mày.

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.