Matio 4:1 - ŊWÀʼ NYÙY

¹ Mo Kiyoy ke Nyùy ki wìyìn fo Jesus, e nèn tsə̀nsí ji wù du é kwaʼ, é Satan mum wun fo.

Matio 4:1 Referans Kwoze

Hibru 2:18

Mo wù‑uù yenen ŋgeʼ, vinyo vi mùm wun vinín, wù nèn kìíy mo dzə̀ wù sə̀ wír ve vinyo vi mum sa áwune.

Ŋwàʼ woó Rom 8:14

Wír ve dzəə̀n rú wón Nyùyi nén a dzə ve á yú a dzə̀ fo Kiyoy ke Nyùy ki, a kí danèr áwune.

Esiker 43:5

Kiyoy ke Nyùy Tàr kí nèn shùr mo, e nə̀ə́ sho e maàndzə yee fó mvəm, e ké ru kí, a vikuʼùy vé Nyùy Tàr ví rún ne lav cù.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Esiker 3:14

Kiyoy ke Nyùy ki nèn shùr mo, a dù sho. Vitaáví vé Nyùy Tàr ví nəə́ e mǒ wùn, a rəʼə́y mo, a m du, yú nyár ye tavíné e mǒ shiliv, Kiyoy ke Nyùy ki nèn kfə̀n nə̀ə́ e mǒ wùn, a dànèr mo.

Lim Aŋgàa Ntum 8:39

Á fəə́ fó ndzəv, Kiyoy ke Ranén kí nèn lì Filiv fo fo, la wìr wo kuʼùn və̀y yòʼ dzəə yèn wun gheéy. Yii bèy, wù kú a dù dzə́ə rə, a sheʼrí.

Esiker 3:12

Á bèy, Kiyoy ke Nyùy ki nèn nàn mo, e tìír e mǒ shwin, m yú kiléŋléŋ, a kí nyamkìr e mǒ bàm, a wìr súŋnin, suuy jii, «Á wáa burí vikuʼùy vé Nyùy Tàr, a burí e wun kirə̀ʼ ké dzə.»

Esiker 40:2

Wù‑uù lì mo é njà kinjeenjèm, e dù sho e nsay Isray, e tìír mo é kitu ke gwan wo da wùmòʼ. M yén kifá e mbìv yee tsə́n, a kí dzə̀ é nshwìnin ŋkàlaʼ.

1 Afòn 18:12

M yòʼ kì fo dzə̀ Kiyoy ke Nyùy Tàr kí lì wò, e dù sho, a bó m yòʼ dzə̀ə́ wòsò. A m lòo dzə, e dù, e sùúy e Fòn Ahav, wù taʼ wò ntéŋ, bo wù yùyrí ne mo woo kwàn wó. M dzə̀ ben, a mò‑oò kèʼ ne, a ghvəm Nyùy, e kèʼ fo meterí.

2 Afòn 2:16

a suúy sho jii, «Vèr kér wíri fen mtàn, a dzə̀ antav adzə̀m. Ku màʼtì, aá du, e tàʼ tàr won lìm. A tàm bo Kiyoy ke Nyùy Tàr kí lì ne wun, e màʼ e kitu ke gwan wùmòʼ, kìn é kiwoóy kímóʼ kí.» Elisha sháʼnín jii, «Àáy, lá vèn yòʼ tùm áwune.»

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Esiker 11:24

M ku nèn yèn é njà vinjeenjèm mo Kiyoy ke Nyùy Tàr kí shurin mo, e kfə̀n shó e bàm é Kaldea fo vé nsàmé wùn. Kinjeenjèm kee shooy ki ku nèn shaà bèy, e mày fo mǒ si.

Esiker 11:1

Mo m yenen vinyo vìy bèy, Kiyoy ke Nyùy ki shúr mo é yuv, e dù sho e shùu kibùʼ keé mbìv yee fo shùy yii tó, e lò fo lav cù. Ké ru kí, m yén wír e shùu kibùʼ fèy nshòv sitàn e mbaà. E mvə̀m wìr fèn, m yén Jaasania woo wan Asur, e yèn Pelatia woo wan Benaya, wír vee abaà vin ve kù dzəə̀n vilìmbìy ve wìr veé Isray.

Esiker 8:3

Wù tsə́nsí kifá moo kiwó, e bàm mo shó fo nəŋ. Kiyoy ke Nyùy ki shúr mo é yuv, e ghàn shó e njà kinjeenjèm, e dù sho e Jerusalem. Kí dù sho bèy, e lèm e shùu kibùʼ wo wú nəə e maàndzə lav cù, e mbìv yee kuy fo shibvə̀m shímóʼ shí dzəə̀n, dzə́ fo bèy, tínsin Nyùy Tàr é ŋàŋ.

Jeem 1:14

Ke kí dzəə̀n kí dzə̀ jii, báyir a shií wo wìr sí kér fo kinyò, yú a dzə̀ fó fo, a wù sí wáy wun e kitam.