Matio 3:9 - ŊWÀʼ NYÙY

⁹ Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Matio 3:9 Referans Kwoze

Ŋwàʼ Luk 3:8

A dzə̀ vèn kù tòmbìy, a yiì vinyo ve ví wáa dìn ji vèn bìnèr ne rú melív men. Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. Kee shooy ki yòʼ kér kinyo fo Nyùy. A dzə̀ wù lì tíy sin, e bìnèr ji rám Abraham.

Joon 8:33

Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»

Ŋwàʼ woó Rom 4:1

A dzə̀ vèsən lì mfìʼ vinyò vìn fo ke kí‑iì kooyin Abraham woo tàr à ràm yér yeé Juda.

Lim Aŋgàa Ntum 13:26

Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.

Ŋwàʼ Luk 16:24

Wù nèn a jàŋ jii, ‹Taàtá Abraham, ku shàm mendzən mem mè, e tùm Laasaror, é wù wáy wan kiwo e mendzə̀v, e wìy, e rəə̀r kiliímé kém shó. M yén ŋgeʼ ye tavín é mvə̀m və̀y fen.›

Joon 8:53

À shaà tàr wor Abraham wo wù‑uù kpuun, e kfə̀n shaà sa aŋgàa ntum Nyùy ve á kù‑uù kpúkirì à? À kwaʼtì ji à dzə̀ la?»

Ŋwàʼ Luk 5:22

Jesus ku nèn kìíy kinyo ke á ghvəvrì, e dzə̀r jii, «Vèn kér lám woo bey e bvə̀m bìʼ ka?

Maak 7:21

Vinyo ve bi ve wìr yii vidzə̀m vi kù yii lo a dzə̀ fo ŋgaàŋ shiliv. Wìr lo, wù nèn a kwàʼtì a dzə̀ vinyo ve bi ví, a jàŋ kinjàŋ, a ghan viŋkar, a shoŋ vishóŋ, a yuyrí wír, a lì wiiy wìr.

Esiker 33:24

«Wàn wìr msòŋ, wír ve á berin é vifə̀m veé Israyi kù goʼ jii, ‹Abraham‑eè dzə́ wùn mòʼón, yii bèy, a Nyùy‑iì fò nsay sho ji rə́ə, vèr wáa dzə wír nyanyày, bo nsay rə̀n kù‑uù sì yéer.›

Lim Aŋgàa Ntum 15:14

Simon kì sùúy ne mo Nyùy‑iì kèʼèn, e dìn ji wun koŋ sa wír ve bó yòʼ dzəə̀n veé Juda, e shòʼtí ámóʼó fo áwuné mvəm ji və́ vee wír.

Ŋwàʼ Luk 19:40

Jesus bìnèr jii, «M suuy e vèn jii, aá fə̀m yàr, bo dzə̀ tíyí kù a ndzəʼ.»

Ŋwàʼ Luk 7:39

Wìr Farasi wo wù kì jàŋèn Jesus və̀y yén bey, e rə̀m fo wùn bvə̀m jii, a Jesus kì dzə̀ rú ŋgaà ntum Nyùy, bo wù ku lò kìíy a kfə́ə wiíy wo wù kum wun və̀n. Dzə̀ á ŋgaà viŋkar.

Ŋwàʼ Luk 12:17

Wù nèn a ghay jii, m yíi yèe e vifá vìn vi, a bó m yòʼ dzəə́ kér fó lèm?

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.