Biblia Todo Logo
Bib sou entènèt

- Piblisite -




Matio 3:7 - ŊWÀʼ NYÙY

7 Wù lòo yen, a wír veé mbìv *Farasi wùn à veé mbìv *Sadusìi wiy sa ji wù wáy áwune é ndzəv, wù yòŋ aáwune jii, «Abúv vìn, tìr la ven, bo vèn wáa wìy, a kwàʼ ji dzə̀ vèn bòy fó ŋgeʼ ye Nyùy wíy màʼ e věn kitu?

Gade chapit la Kopi




Matio 3:7
49 Referans Kwoze  

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.


Á kfə́n a fèr sa mo vèn leey fó mbìy, shiy Wán və woo Jesus wo wù‑uù fəərin fó kpu, é wù wiy fó yuv, e tìn vèsən fó ŋgeʼ ye yì wiyì.


Nyùy kfə́n a dìn sa jii, mo wíri méŋ wun, yii vinyo ve bi ví, shilív shí nyár wun a feyì. A wun wíy tsənsí ŋgeʼ fo yuv e wír ve á yii bèyi adzə̀m, ve á téʼtin wíri fo á kiíy kinyo ke dzəə̀n ke ru kí.


Vèn dzə̀ yó se bi sí, rám abúv. Vèn kwaʼ ji a Nyùy tìnén nsaʼ yen, vèn bòy fó və̀y a?


A wù lì ne vèsən lèn ji wír vee là jay, bìʼ fo Kristu‑uù foon kitú kfə́, e kpù fo vèsən. Vèsən nén a kiíy sa jii, mo Kristu‑uù yiìn kee shooy, bo wù kù wíy tin vèsən sáa fo ŋgeʼ ye Nyùy wíy màʼ e wírí kitu bìʼ vinyo vév ve bi ví.


Kú a dzə e kishiíy fóo fèy, wír veé mbìv *Sadusi ámóʼó wìy ji á dzə́r a kinyo e Jesus. A dzə̀ mbìv wìr ve á yii yéʼey ji wíri yòʼ wíy fəə a fo kpu.


Jesus yiì lò, a tir áwune jii, «Vèn wáa baàmè nyaà wìr veé mbìv Farasi wùn à veé mbìv Sadusi.»


Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.


Wír veé mbìv Farasi ámóʼó wáa tiy e Jesus ghaŋ. Á yú bey, e sàyín jii, «À taʼ, a yòŋ ver ji amfìr à?»


Ven vee wír veé Isray wùn à veé Judàa, vèn wáa leʼ fo wòŋ Babilon, wìr wáa leʼ e kitú kfə́ kí. Vèn wáa yen fó lày dzəʼə̀m yén bìʼ jay wìr veé Babilon. Sì ghán se Nyùy Tàr wíy a siìr ŋkfə́tír, a wù wíy a laamé áwune, kù mo yii yéví dzəə̀n.


M nèn yòŋ jii, «M yíi suŋnín, e kàntì a dzə̀ la, é bo wù wáa yuurí? Leéy, e yèn, áwune sə̀tí ne vituʼùr vév, yòʼ dzə̀ á kfə̀n yuùrí. Kinyo ke Nyùy suuy ki sì fo áwune ji kilélé, aáwune yòʼ dzəə́ yén ji lùŋfófo dzə̀ á sho.


Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.


Áwune kì mo kijuŋ, e kèʼ fo ŋgùʼ. Aá kì koŋ, e fèr mo m dzəə̀n, á kù a fèr a dzə̀ ji m kù‑uù sì á ji wír woó mbìv *Farasi, a dzə̀ mbìv ye yì ghvə́m Nyùy, e shaà wír vér adzə̀m.


Vèn wáa tiy rì, a kiíy, a kuumé mo mò‑oò tír ven amòʼón amòʼón, sə́ʼər mensíy, tír e shùy, tír vitsə́ʼ, e dù, e meé viyá vitaár.


Aŋgàa biimé ámóʼó wáa dzə fo a dzə̀ ve vé‑eè lem sa nsər se wìr veé mbìv *Farasi. Áwune nèn sàyín jii, á kù kér fó a saŋ mbèʼ se wìr ve bó yòʼ dzəə̀n veé Juda, e way wayín ji á wáa lèm a nsər se Mooser sidzə̀m.


Taà cù wo kuʼùn wùn à ŋgoo rə ye dzəə̀n wír veé mbìv *Sadusii nèn kèʼ, a ghèʼ aŋgàa ntum Jesus,


Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.


Wù bìnèr bèy, a vé ntum vìy ámóʼó kì dzə̀ wír veé mbìv *Farasi,


Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.


Jesus wáa fèr bèy, a wír veé mbìv *Farasi ámóʼó yú. Á nèn a ndzəə wun, bìʼ fo áwune yii koŋ mbàm e ŋàŋ.


Yii bèy, wír veé mbìv *Farasi wùn à wír ve á yii duŋrì nsər Nyùyi nèn tèn kév kinyo ke Nyùy sìysìn kin ténén, bìʼ fo vé‑eè tenen sá fo Joon wáy áwune é ndzəv.


Wír veé mbìv *Sadusi ámóʼó nèn dù wìy ji á dzə́r a kinyo e Jesus. A dzə̀ mbìv wìr ve á yii yéʼey ji wíri yòʼ wíy fəə fo kpu. Á yòŋ Jesus jii,


Á wìy tùm wír veé mbìv *Farasi wùn à vé Fòn Heror ámóʼó ji á du, a woóy Jesus, a yùtì a shuu və́.


Wír veé mbìv Farasii yú mo Jesus sətin shúu wìr veé mbìv Sadusi, e nèn bàʼtí kév kee kinyo, a wìy sho.


Wír veé mbìv *Farasii yuúrí ŋgàn rə̀y, e nèn fəə̀, e dù, a sìysì mo dzə̀ áwune gòvtì Jesus, é wù jáy lám, aá fiʼ koò.


Wír veé mbìv *Farasi ámóʼó yú mo wíri gháynin bèy, e nèn a toyír ji fó a *Beseber wo dzəə̀n fon anyùy vitaáví e Jesus, bo wù wáa kàntì anyùy, aá wáa màʼtì wíri.


Vèn wáa kiíy kijuŋ jii, a yii yéné dzə̀ là fó bòŋ, e shaà yé wìr ve á duŋrì nsər Nyùy wùn à yé wìr veé mbìv *Farasi, bo bó yòʼ dzə̀ féyì vèn wìy shòv sáʼ Nyùy e si.


kù moo búv wo wù kay wúm, wúm ye a wìr lùʼ é shuù, bo ŋgaàŋ kù‑úù kpú, á bvə́ʼə́, kù fəə̀ yó fo mvəm wó. Yii bèy, menàŋ me wír vìne bá mè kù dzə̀ ji láv taàŋgám.


M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»


Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.


Wù suúy bey, wón və́ lìme yiì lò, e kòʼtí, e sùúy sho jii, «À kì ji wír veé mbìv *Farasii kì yù kinyo ke à suuyin, kí bír áwune á?»


Wír ve á ŋwáy nsəri búri a kù dzə̀ wír ve á méŋ Nyùy, a wír ve á yú nsəri sháʼnin kinyo kév.


Wír veé mbìv *Farasi wùn à veé mbìv *Sadusìi nèn lò, e wìy yèn Jesus, a woóy wun, a tàʼ ji wù yii á kiŋgaʼnìn ke kinyò ke kí wáa dìn ji wù sə́ vitaáví a dzə̀ fo Nyùy.


Swiv nou:

Piblisite


Piblisite