Matio 3:4 - ŊWÀʼ NYÙY

⁴ Joon‑eè dzə́ e kwaʼ, kúr ndzə̀y se vé‑eè baan e wuy nyàm ye á yoŋ ji *kamer, síŋ e kikuúví kí. Vifá və́ vé yi vi‑iì dzə̀ ŋguùmé, a wù kfə́r, lá dòŋ.

Matio 3:4 Referans Kwoze

2 Afòn 1:8

Áwune bìnèr jii, «Wù kì màʼ á ndzə̀y, a sí dzə̀ á wuy wuy, a wù kúr á kikuúví e wun mentìntìn.» Fòn koóy ji bo dzə̀ á Elija woó Tishbe.

Cù 11:22

Fo vee shooy vi, bo dzə̀ vèn wàa kfər ŋguùmé, mo kfə́ə sév sí dzə̀kìn, a kfər sa ŋguùmé see là wuy, mo kfə́ə sév sí dzə̀kìn, à ŋwàyi, mo kfə́ə rəə́ dzəə̀n.

Maak 1:6

Joon‑eè dzə́ e kwaʼ, kúr ndzə̀y se vé‑eè baan a dzə̀ e wuy nyàm ye á yoŋ ji *kamer, síŋ e kikuúví kí. Vifá və́ vé yi vi‑iì dzə̀ ŋguùmé, a wù kfə́r, kfə̀n lá dòŋ.

Matio 11:8

Wù yòʼ‑oò dzə̀ bey. Bo vèn‑eè fəə̀ ji vèn du, e yèn a dzə̀ wír woó le, wír wo wù rə́si wáyri wún a? Vèn kì sá ji wír ve á wáyri wúné yii rə́si kév a dzə̀ é ntoʼ.

Sekariya 13:4

Wíy lòo dzə e kishiíy fóo fèy, é wìr dzə̀m wo dzəə̀n ji *ŋgaà ntum Nyùy wáa woomé fó kfə̀n a tiisí kinyo ji ghèm á Nyùy ndzə e wun. Bó wìr yòʼ dzəə́ wìy a mùm ji wun maʼ kikúm kee wúy nyàme, ke yii maʼ ŋgaà ntum. Wìr yòʼ wíy mùm, e fíʼ bàʼàr fo wíri kiíy wun.

Ŋwàʼ Luk 1:17

Nyùy wíy fo wun vitaáví réŋréŋ mo wù‑uù foon e Elija fo ŋgùʼ. Wù wíy shem e wun woo Nyùy Tǎr mbìy ji wù fíʼ bìnèr atǎr won, é wùn à wóné mán vinyo vév. Wù wíy bìnèr wír ve á táv kitú, aá wáa ker vifií, a yu Nyùy moo wír ve juŋe. A wù wíy a yiì vinyo vìn vidzə̀m ji wun fíʼ baʼtí wíri, aá wáa shìy Nyùy Tàr.

Malakay 4:5

«Vèn yuúrí, é bo kishiíy ké Nyùy Tàr ke ghaʼtín ke kí beéme kìy ki wìy a wìy. M wíy tòmbìy tsənsí Elija woo *ŋgaà ntum wom fo věn wùn.

Ŋgaà Yen 11:3

Jì yee shooy nèn kfə̀n sùúy jii, wun wíy tsənsí wír və́ abaà ve á wíy a tunér kinyo kfə́. Aá wíy wìy, aá máʼ ndzə̀y sé kpu, é wun wáa shìy áwune, aá tiísí á ntum Nyùy kishiíy kishóv mntuùfú é ghiì baà é nsə̀kì (1,260).

Matio 11:18

A kù dzə̀ mo vé‑eè tuʼùr Joon. Wù‑uù wìy, e làa yòʼ a ghan, a yinín, a nonín, á wáa kuù ji ŋgaà ŋgoo Satan.

Remrí 32:13

Wù‑uù yiì, áwune wáa taa e virə̀ʼ vé agwan, a yi kéŋ ye yí tsəətìn fo, a naá meŋgvə́r fó vici ve ví boʼrì e nsàn se vilan, kfə̀n a yi mfuʼ fo nsàn se vilan.

Aysaya 20:2

kú a dzə e ghan fóo fèy, a Nyùy Tàr súŋnín ne e Aysaya woo wan Amot jii, «Shóʼ ndzə̀y sé kpu se à tìmèn sí, e shòʼtí alábáʼá fó wuù.» Á bèy, Aysaya ku nèn yiì mo Nyùy Tàr‑iì suuyin, e shòʼóy ndzə̀y fó wùn, a ghan kinshóʼ, e wuú nsay.