Matio 3:2 - ŊWÀʼ NYÙY

² wíri biner á melív mev. Ghán se Nyùy sí lo, a saʼ vifon və́ sí sì á fo mentsə̀m.

Matio 3:2 Referans Kwoze

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Maak 1:15

Wù‑uù fiʼtì jii, ghán se Nyùy‑iì sìysìn sí ghèén ne, a wù sí lo, a saʼ vifon və́. Wíri biner á melív mev, e biìmé sáʼka Nyùy wo juŋ və̀n.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Matio 6:10

e kfə̀n yiì, é sáʼ yee wiy é nsay fèn, aá wáa yu mo á sí yú e yuv.

2 Korin 7:10

Wìr yii lóo sòv kitú ji wun jày e Nyùy, Nyùy nèn sə̀ wun, wù bìnèr shilív sə́, e dù, e nə̀ə́ e dzə̀ʼə̀m yee là may. A bó yòʼ dzə̀ wù kfə̀n a rə̀m ntéŋ. Wù lóo yu a dzə̀ nyár mo á yii lóo dìn jay wìr, wù wàa yu a dzə̀ nyár, kí nèn dànèr wun, e wày wáyín é kpu yee là may.

Matio 10:7

Kinyo ke vèn wáa ghan, a fìʼtì ki dzə̀ jii, ‹Ghán se Nyùy sí lo, a saʼ vifon və́ sí sì á fo mentsə̀m.›

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

Ŋwàʼ Luk 15:10

Vèn wáa kiíy jii, kù dzə̀ sá réŋréŋ mo nshèelav se Nyùy si shéʼri ŋgaà vinyò ve bi ví e mòʼón wo wù bìnèrìn shilív sə́.»

Ŋwàʼ Luk 13:3

Bó yòʼ dzə̀ bey. A m suuy e vèn jii, a vèn dzə̀ là fó bìnèr melív men, bo vèn kù wíy lày sa bèy adzə̀m.

Ŋwàʼ Luk 11:20

Wáa dzə, a m jum rú anyùy a dzə̀ é vitaaví vé Nyùy, bo dzə̀ ji sáʼ Nyùyi kèʼ ne lèn e nsay e sén see ghán sí.

2 Pita 3:9

Kinyo ke wír vìne keŋ ji Kristu kàʼ, e kfə̀n a ndzə̀y ki yòʼ dzə̀ bey. Ke kí dzəə̀n kí dzə̀ jii, wù kfə̀mén, a leéy a ji wíri biner melív mev adzə̀m, bìʼ fo wù yòʼ koŋ ji wìr mòʼón lay.

Lim Aŋgàa Ntum 17:30

Yì‑iì dzə̀ fó ŋgùʼ, a bó Nyùy yòʼ‑oò ló a nəə́ e mvə̀m vinyò ve wíri‑iì yii, a bó á yóʼ ne kìíy wun. Yii bèy, a wù suuy lèn ji wír adzə̀me biner á melív mev fó vinyò ve kisaŋ vi.

Lim Aŋgàa Ntum 11:18

Wíri yú kinyo ke Pita kìn, kí gheén áwune. Á nèn a burí Nyùy, a suúy jii, «Bo Nyùy fò ne sa kilíŋ e wír ve bó yòʼ dzəə̀n veé Judàa ji á wáa bìnèr melív mev, e fíʼ wìy lùŋ.»

Lim Aŋgàa Ntum 2:38

Pita bìnèr jii, «Wìr mòʼón mòʼón biner shiliv sə́, aá wáy ven é ndzəv e Jesus Kristu yir, é Nyùy laysin vinyo vén ve bi ví, e kfə̀n fò ven fómo və wo dzəə̀n Kiyoy ke Ranén kí.

Ŋwàʼ Luk 6:20

Jesus yiì lò, e lèéy wón və́ lìm, a suúy jii: «Bòŋ kén, ven ve á tanè, bìʼ fo dzəə̀n ven ve á sí yú vijuŋ ve saʼ Nyùy.

Matio 13:52

Wù suúy jii, «Dzə̀ rú, wìr wo wù sí yéʼey kinyo ke saʼ Nyùy ye yí wiy lèn, ŋgaàŋ dzə̀ moo taà laʼ wo wù kér ambùʼmé vee fó ŋgùʼ wùn à vee lène e wùn kitàv. Wù lo, wù fə̀ə́r wo wù gheenen wun e ghan se wù kòŋèn.»

Matio 13:47

«Sáʼ Nyùyi kfə́n a dzə̀ moo kinyo ke wìr ve á màʼàn lálán e ndzəv, vifá vi wáa baʼtí sho vidzə̀m.

Matio 13:33

Wù kfən yòv yìmòʼ yee ŋgàn sa jii, «Sáʼ Nyùyi kfə̀n dzə̀ moo *nyaà wo wiíy fìʼìn meŋkfəŋ vighín vitaár, e wày nyaà woo shooy sho, e tòv, e tìír. Wù nen sìíy, e ghànén e mvə̀m meŋkfə̀ŋ fèy medzə̀m.»

Matio 12:41

«A wíy lòo dzə e kishiíy ke Nyùy wíy a tinén nsaʼ, é wír veé Ninevèe wáa roòmè wír woo lèn və̀n, a dzə̀ bìʼ fo áwune‑eè yuun kinyo ke Jona fiʼtì, e bìnèr melív mev. Wìr wùmòʼ wáa dzə fèn lèn, a kfə́ kee kinyo ki shaà ké Jona, la á yòʼ a yu gheéy.

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Kolosia 1:13

Wù‑uù fə̀ə́r ne vèsən fó saʼ yeé ndzə vitsə̀ʼ, e wày a dzə̀ é saʼ ye kér Wán və wo wù koŋ e ŋàŋ.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Ŋwàʼ Luk 15:7

Vèn wáa kiíy jii, kù dzə̀ sá réŋréŋ mo á wíy a sheʼrí e Nyùy wòŋ woó yuv, bìʼ ŋgaà vinyò ve bi ví e mòʼón wo wù bìnèrìn shilív sə́. Aá wíy a sheʼrí woo shooy, e shaà wír vee nshòv bvə̀ʼə̀ e mbvə̀ʼə̀ ve á yén ji áwune dzə̀ ajuŋ, a bó á yòʼ dzəə́ kér shií fó bìnèr melív mev.

Ŋwàʼ Luk 13:5

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

Ŋwàʼ Luk 9:2

Wù nèn tùm áwune ji á du, a fìʼtì e wíri mo sáʼ Nyùyi dzəə̀n, e kfə̀n a fèr aŋgàa yàsí.

Maak 6:12

Á nèn fəə̀, a ghan, a fìʼtì kinyo ke Nyùy ji wíri wáa bìnèr a melív mev.

Maak 1:4

Wìr wùmòʼ nèn wìy fəə̀, aá yoŋ ji Joon, a shiíy e kwaʼ, a fìʼtì e wíri ji á wáa bìnèr melív mev, é wun wáa way áwune é ndzəv, é Nyùy laysin á vinyo vév ve bi ví.

Matio 5:10

Bòŋ ké wìr ve á yii vinyo ve Nyùy taʼà, aá ban áwune, bìʼ fo dzəə̀n áwune ve á sí yú vijuŋ ve saʼ Nyùy.»

Matio 5:3

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

Esiker 33:11

Ku sùúy aáwune ji mo woo Nyùy Tàr woo Taà Ndzə, mo m dzəə̀n shó e tin, bó m yòʼ diy ji wìr liì kisaŋ kpú á kpuún. Ke m diy ki dzə̀ ji wù bin á ndzə̀m é vinyò ve wù buʼtì, e lùŋ. Abaày, wír veé Isray, vèn kóŋ e kpu bèn ji ka? Vèn maʼti liì kisaŋ, vèn ku màʼtì.

Ŋwàʼ Jov 42:6

M kù sí kér a dzə̀ dzə̀rkìtu bìʼ vinyo ve mò‑oò fəərin fó shuù. M fə̀tí ne wó yém fó fo, a ser a dzə̀ é kibvə̀r, kìn é kibvə.»

Ŋgaà Yen 2:21

A mò‑oò fò ghán shó ji wù biner shilív sə́, wù tén fó màʼtì liì və visàkì woo shooy.

Matio 13:31

Jesus kfən yòv yìmòʼ yee ŋgàn, a yì dzə̀ jii, «Sáʼ Nyùyi dzə̀ moo ŋgoòy shishùr shímóʼ shí she wìr liìn, e màʼ e sum.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Ŋgaà Yen 2:5

Vèn kuúmé mo vèn‑eè dzə́, a shilív shén shí dzəə́ tíy e mǒ wùn kitávín. Vèn biner melív men, a yiì mo vèn‑eè yii fo mbìy. A vèn dzə̀ là fóo bìnèr melív men, bo m yíi wìy, e shàʼàr kitiir kén ké làm, é kintatì ki lay.

Hibru 6:1

Vèsən ku nèn nàʼ vinyo vee kùm Kristu ve dzə̀ wìr kù yèʼéy fo mbìy vìn, e tùmsín e vinyò ve dzəə̀n vé wìr ve á tuuyin ne. Lá vèsən yòʼ kfə̀n rə̀sí, a way a dzə̀ kinsə̀ŋ ke lav, a ŋeèvì vinyo ve vèn‑eè yeʼeyin ne jii, lá wìr yòʼ a way shilív é vinyò ve yii wun ji dzə̀ wun lùŋ fó fo. Wìr wáa way shilív a dzə̀ á e Nyùy wùn.

Lim Aŋgàa Ntum 26:20

e kèʼ fo Damaskus, a fìʼtì kinyo kfə́, e bóo wìy dù e Jerusalem. Mò‑oò ghán woŋ woo Juda və̀n e dzə̀m, kfə̀n ghán e wòŋ se wìr ve bó yòʼ dzəə̀n veé Juda, fiʼtì ji wíri biner melív mev, e kfə̀n fo Nyùy, a yiì a vinyo ve ví din ji áwune bìnkìr ne.

Matio 22:2

«Sáʼ Nyùyi dzə̀ moo kinyo ke fòn wo wù‑uù kàʼàn vijín vé wiiy wàn.

Matio 25:1

Jesus nèn kfə̀n a suúy jii, «A dzə̀ á fìʼsìn sáʼ Nyùy e ŋgàn yìmòʼ yee kùm wónlě ŋgòn ve vé‑eè fəən, a dù ji á səə́si lúm jìn. Vé‑eè dzə̀ wír e ghvə̀m, á lòo fəə, e sə̀ʼ lam sév, e dù, a shìy e dzəə.

Matio 23:13

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn yoŋ sáʼ Nyùy ji yén, nèn sə́ti dzə́ə fo wír ámóʼó nəə́. A bó ven vitú vén yòʼ wíy nəə́ sho. Vèn yii bèy, téʼtin a dzə̀ dzə́ə fo wír ve á koŋ fó nəə́ shoo nəə́. [

Matio 20:1

Jesus kfə́n a suúy jii, «Sáʼ Nyùyi dzə̀ moo kinyo ke ŋgaà sùm wo wù‑uù fəən kijàvaʼndzə, a tàʼ vé lìme ji á du, a lìm e wùn súm vitiír vé *vayin.

Matio 18:23

«M suuy bèn, bìʼ fo kinyo ke saʼ Nyùy ki dzəə̀n moo ké fòn wùmòʼ wo wù‑uù taʼ ji və́ vé lìme siir mbàm sə́ se sí‑iì dzəə̀n aáwune.

Matio 11:20

Jesus lò, e kfə̀n a roòmè ntèʼ símóʼ sí, a dzə̀ fo wù‑uù din kùʼùn viŋgaʼnìn ve vinyò ve wù‑uù yii, la wír vee fóo yòʼ fə̀m bìnèr melív mev gheéy.

1 Afòn 8:47

aáwune dù e wòŋ foo fèy, e màʼtì jay wov, e bìnèr melív mev, a toŋ e wò, a suúy jii, ‹Vèr jày ne, vèr yiì ne yii ye bií,›

Ŋwàʼ Luk 21:31

Kù dzə̀ sá mo vèn wíy yén vinyo vìn, a ví kéʼ ne, a koóy, vèn nèn kìíy ji Nyùy sí yiì a saʼ a vifon və́.

Ŋwàʼ Luk 16:30

Wù sháʼnín jii, ‹Àáy, tàr wor Abraham, a kì dù ŋkfəsày, e fìʼtì aáwune, bo á biner melív mev.›

Matio 25:14

«Ghán se m wíy kfən sìn si wíy a dzə moo kinyo ke wìr wo wù‑uù lóo dù ghán, e jàŋrì wónlè və́, e lèm mbàm sə́ shó.

Matio 13:24

Jesus kfən yòv ŋgàn yìmòʼ jii, «Sáʼ Nyùyi dzə̀ moo kinyo ke wìr wo wù màʼàn ŋgoòy vifa ve yi e wùn sum.

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Ŋwàʼ Luk 1:16

Wù wíy bìnèr wír veé Isray anín, aá kfə́n fo Nyùy Tàr woo Tàr wov.

Ŋwàʼ Jov 39:12

À yíi a tiír rú vifií é wùn wó ji wù yíi a beʼ sáŋ ye à tinen fó kwaʼ, e kfə̀n a beʼ ye à buʼun é riimé a?