Matio 26:5 - ŊWÀʼ NYÙY

⁵ Á wáa sìysì bèy, a suúy jii, bó yòʼ dzə̀ á mùm kinyo kee shooy e kishiíy ké kiŋkàʼ fo wíri kaáy, e kèʼ a melaà.

Matio 26:5 Referans Kwoze

Matio 27:24

Payler lòo yen ji bó dzəə̀ yòʼ dzə̀ə́, a wun lùmtín e kinyò fèn, bo lo, e fəə a melaà, wù nèn sùúy, á wìy e mendzə́v mè. Wù wáa sù wó rə́ shó e màŋgòŋ və̀y si, a ka kitú kfə́ jii, «Nyaa njò yem, bó m yòʼ kì fo wìr və̀n kpu. Ku kìíy ven.»

Matio 21:26

Vèsən fan jii, aá bìnèr ji kí‑iì lò a dzə̀ fo wìr, é wíri ŋáʼáy e vèsə́n wùn, bìʼ fo á biíme adzə̀m ji Joon‑eè dzə̀ rú *ŋgaà ntum Nyùy.»

Matio 14:5

Heror ku nèn a tàʼ ji wun yúyrí Joon, e bó a fàn wíri, bìʼ fo vé‑eè biíme ji Joon dzə̀ á *ŋgaà ntum Nyùy.

Maak 14:27

Á lòo dù, Jesus wáa suúy aáwune jii, «Vèn yíi bìn ndzə̀m e mò adzə̀m mo vé‑eè saŋen ji Nyùy suuy a jii, ‹M wíy yuy nshìy, é njiì táʼrí.›

Maak 14:12

Ghán sé Ŋkǎʼ Yáʼayshaà sìy si nèn wìy ghèén, a dzə̀ kishiíy ké mbìy ke vé‑eè yíi yi *kibán kee là nyaà, e kfə̀n see wan njiì. Wón lìm Jesuse dzə́r shó jii, «À taʼ ji vèr du, e nàŋsín njiì woo shooy fèé, é bo à yiì yì?»

Maak 14:2

bìʼ fo vé‑eè sí kfəynìn jii, aá màʼtì ji á wíy koo a dzə̀ é kishiíy ké kiŋkàʼ, a wíri sí nyornìn fo anín, aá keʼ á melaà.

Aysaya 46:10

M lo, m fèr kèʼlo kinyò, e fèr mo kí wíy dù, e mày. Kinyo ki lo, kí wàa jì ji kí wìy a koóy, a mò‑oò yoòyí ne fo yàŋgùʼ. Lóo yooyí, m wàa shìvìr jii, ‹Jì yem kù wíy a tiy fo, a m kér fó wìy yiì kinyo ke m suuyin kidzə̀m.›

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

Ŋgàn 19:21

Wìr lo, wù bà antaŋ aneénín, yii bèy, a kù yíi a tiy wo Nyùy Tàr.

Lim Aŋgàa Ntum 4:28

A vé‑eè táŋ vinyo ve vé‑eè táŋé, a kù dzə̀ ve wò woo Nyùy‑iì sìysìn ne fo ŋgùʼ ji á mo ví wíy koóy.

Joon 18:28

Ndzə yiì lòo jàv, á nèn lì Jesus fo Kayfar laʼ, a dù sho e ŋgaà saʼ woo wír woó *Rom ntoʼ. Á dù, e lòo nəə́ e mvə̀m ntoʼ, vé wòŋ vìyi gòʼ fo ndzə, bìʼ fo vé‑eè fan fó ndzəʼ vishí vév e wìr kitum laʼ, e làa yòʼ dzə́ə yi *Ŋkǎʼ Yáʼayshaà woó ghan see shooy.

Ŋwàʼ Luk 22:7

Kishiíy ke á seé wan njiì woó Yáʼayshaà e ghan sé Ŋkǎʼ Kiban kee là Nyaà kí nèn wìy ghèén,

Yòvdìy 3:37

A dzə̀ yòŋ la kinyo, kí kòóy, a bó kóŋ Nyùy Tàr ji kí koóy?

Nsùyrì Nyùy 76:10

Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

Ŋwàʼ Luk 20:6

A vèsən bìnèr ji kí‑iì lò a dzə̀ fo wìr, é wíri yúyrí vèsən e tíyí, bìʼ fo á biíme adzə̀m ji Joon‑eè dzə̀ rú á *ŋgaà ntum Nyùy.»

Lim Aŋgàa Ntum 19:29

Ntèʼ nèn lò, e bvəə̀rí e dzə̀m. Wíri báʼtí, e bàm Gayur wùn Aritakur ve vé‑eè ghán wùn à Por, a dzə̀ wír veé Masedonia, a sə̀ŋ, a dù sho e kirə̀ʼ ké kileèy.

Lim Aŋgàa Ntum 21:38

Bó yòʼ dzə̀ wò wír woó Ejiv wo wù‑uù taʼ, e màʼ sáʼ yeé wòŋàn və̀y à? Kí vèn à wíri‑iì tàtí ansə̀kì akweè, a ghan, a yuyrí wíri, a dù, a lìr e kwaʼ?»