Matio 24:3 - ŊWÀʼ NYÙY

³ Jesus dù, e dzə̀ʼə̀m e gwan wo á yoŋ ji Gwan Vicì vé Oliv, a sì wùn à wón və́ lìme, áwune áwune, á kóʼtí, e dzə̀r shó jii, «Kinyo ke à kì suuy kìy ki wíy koóy a dzə̀ é ghàn ka? Kisəəm ke kí wíy dìn ji à sí kfə́n, é ndzə may kí dzə̀ ka?»

Matio 24:3 Referans Kwoze

Lim Aŋgàa Ntum 1:7

Wù bìnèr jii, «Tàr wor sìysì ne fo wùn vitaáví ghán se kinyo kee shooy ki wíy koóy, e kfə̀n sìysì fìʼ, a bó yòʼ dzə̀ kirə́ʼ kén fóo kiíy.

Matio 24:37

Ke kí dzəə̀n kí dzə̀ jii, wíy lòo dzə e ghan se ŋgaà wo yírí dzəə̀n Wanwìr wíy a kfən, é wíri wáa dzə mo vé‑eè dzə́ e Noa ghan,

Matio 13:49

Ku dzə̀ mo kí wíy koóy e ghan se ndzə rə̀n wíy a mày. Nshèelav se Nyùy si wíy wìy, e tàr wír ve bií fo wír Nyùyí mvəm,

Ŋwàʼ Luk 21:7

Áwune dzə́r jii, «Ŋgaà Yèʼey, kinyo kee shoon ki wíy koóy e ghàn ka? Kisəəm ke kí wíy dìn ji kinyo kìn ki sí yiì a koóy ki dzə̀ ka?»

Matio 21:1

Áwune dù, e lòo meesín e Jerusalem, e mèé e gwan wo á yoŋ ji Gwan Vicì vé Oliv, aá sì é ghaa ntèʼ ye á yoŋ ji Befage, Jesus túm wón və́ lìm ámóʼó abaà,

Matio 24:39

Á yòʼ‑oò ló a səə̀m vinyo gheéy, e dù, e meé e ghan se ndzə́ví‑iì fəən, e lì áwune adzə̀m. A kù dzə̀ kinyo ke kí wíy koóy e ghan se ŋgaà wo yírí dzəə̀n Wanwìr wíy a kfən.

Matio 24:27

Vèn wáa kiíy jii, ŋgaà wo yírí dzəə̀n Wanwìr wíy lòo kfən, aá kú a yen réŋréŋ moo kishèv ke kí yii ŋwaŋ fo buu ndzə wúmóʼó, kí tòʼnín yúv, e dù e buu wúmóʼó.

Hibru 9:26

A kee shooy ki‑iì dzə̀ é shií, bo Jesus kù dzəə́ rə́si kpú, kfə̀n lo kpú, e kèʼ mo Nyùy‑iì bomen ndzə. Ké Jesus ki dzə̀ jii, wù wìy e ghan se ndzə ye mvə sí shaa sìn ji wun mayir vinyo ve bi ví, e fò kitú kfə́, e tàŋrí wíri shó kàŋ mòʼón.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 17:19

Wón lìm Jesus vìyi yiì lò, a dzər e Jesus bámbám jii, «Kì yiì ka fo vèr jum nyùy woo shooy?»

Matio 24:43

Vèn kì sá jii, a ŋgaà lav lò, a lò, e kìíy ghán se shòŋ yíi siíy, e wìy e kiv lav, wù kù a dzə, a shìy, e làa yòʼ màʼtì lav rə ji shòŋ kív.

Matio 15:12

Wù suúy bey, wón və́ lìme yiì lò, e kòʼtí, e sùúy sho jii, «À kì ji wír veé mbìv *Farasii kì yù kinyo ke à suuyin, kí bír áwune á?»

Matio 13:36

Jesus yiì lò, e màʼtì màŋgòŋ və̀y, e nə̀ə́ e lav, wón və́ lìme wìy, a dzər sho jii, «Ku naàrì ŋgàn yee kùm kikwiíy ke kí kúy e súm vifa ve yi, é vèr yú.»

Matio 16:27

«Vèn wáa kiíy jii, ŋgaà wo yírí dzəə̀n ji Wanwìr wíy lòo kfən wùn à nshèelav sə́ sí, a wù sí wiy a dzə̀ é mvə̀m vikùʼùy ve dzəə̀n vé Tàr wov Nyùy, é wù wáa laamé wir dzə̀m mo wù‑uù yiìn.

Matio 16:28

A m suuy e vèn rú jii, wír ámóʼó tíy fèn lèn, a bó á yòʼ wíy kpukír, a bó á yén, a ŋgaà wo yírí dzəə̀n Wanwìr və̀n sí wiy ji wun wáa saʼ vifon və́.»

Matio 24:30

Aá nèn yèn mo kisəəm ké ŋgaà wo yírí dzəə̀n Wanwìr ki yénsin e yuv. Vitúm vidzə̀m vi wíy a leéy, a dìy, lóo yen, é ŋgaà wo yírí dzəə̀n Wanwìr və̀n nèn bvə̀ysín e mvə̀m mbàʼ, a wù sí kér vitaáví wùn à vikuʼùy ve ghaʼán ví.