Matio 22:3 - ŊWÀʼ NYÙY

³ Kishiíy kí gheén, wù túm nshèelav sə́ jii, ‹Vèn ghán, e tòóy wír ve vé‑eè biiné.› Á toóy, la wìr yòʼ wìy.

Matio 22:3 Referans Kwoze

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Ŋwàʼ woó Rom 10:21

A Nyùy suuy ké wìr veé Isray jii, «M kù rə́si shiy wír vìn ji m mán vinyo vév, aá kù táv kitú, fáŋnin fàŋnín.»

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Lim Aŋgàa Ntum 13:45

Wír veé Juda ámóʼó yén mo màŋgòŋ baʼtin bey, e nèn a ghèʼ Por wùn Banabar, a kìnèn kinyo ke Por fiʼtì, a kuùrì wun.

Ŋwàʼ Luk 19:27

Á bèy lèn, fo aŋgaà vém vibàn ve vé‑eè tén fo m wáa saʼ áwune, vèn wiy shó lèn, e yùyrí e mǒ si.› »

Ŋwàʼ Luk 15:28

Wù yú bey, kilòŋ kfə́ kí shwiíy, wù nèn a ten fó nəə́ e laʼ. Tàr wov yú, e fəə̀, e dù, a boòrì jii, ‹Ku wìy e lav.›

Ŋwàʼ Luk 13:34

Wù nèn yòŋ jii, «Éè Jerusalem, éè Jerusalem, à yúyri aŋgàa ntum Nyùy, yúyri wír ve Nyùy túm fo wò adzə̀m e tíyí. M mùm ne akàŋ anín ji m báʼti wón vé mo yeè ŋgvəv kùʼtí wón é sar vàv, la à yòʼ a biimé.

Matio 23:37

Jesus nèn lò, e yòŋ jii, «Éè Jerusalem, éè Jerusalem, à yúyri aŋgàa ntum Nyùy, tsə́mri wír ve Nyùy túm fo wò adzə̀m e tíyí, aá kpúkirì. M mùm ne akàŋ anín ji m báʼtí wón vé mo yeè ŋgvəv kùʼtí wón é sar vàv, la à yòʼ a biimé.

Matio 3:2

wíri biner á melív mev. Ghán se Nyùy sí lo, a saʼ vifon və́ sí sì á fo mentsə̀m.

Tsəfaniya 1:7

Vèn lem nyaáŋ e Nyùy Tàr woo Taà Ndzə si. Kishiíy kfə́ ké nsaʼ ki sì fó mentsə̀m. Wù bàʼtí ne wír və́ moo nyám se cù, e bì aŋgàa vibàn vév ji á wiy á, e seèrí.

Hosea 11:7

Wír vém veé Israyi wày ne wáyín ji á kù‑úù tín kiwuú fo mǒ bàm. Áwune wíy a toŋ, a kàn Nyùy woo Taà Vitu, yii bèy, é la wù yòʼ nàn áwune.

Hosea 11:2

Yii bèy, mo m kù‑uù waʼrì, jaŋ áwune akàŋ akàŋ, kù dzə̀ mo á nyéŋ mo nyéŋén, du, cu a dzə̀ mebvə̀m mee *Baal, ton kiláy, cu anyùy sho.

Jeremia 35:15

M tsə̀nsí vé lìm vém vee aŋgàa ntum fo věn wùn akàŋ akàŋ, á wíy, a fìʼtì e vèn ji wìr mòʼón mòʼón fo vèn maʼti á yii rə́ kisaŋe, e kùvsín, a yiì a réŋ, e làa yòʼ a jùmrì a anyùy kisaŋe, a lìm fo fo, é vèn ku nèn wìy a dzə a e nsay ye mò‑oò foon e vèn aàtàr véné. Yii bèy, la vèn yòʼ a gwàrìr kinyo kém, e làa yòʼ yuurí.

Jeremia 25:4

«Nyùy Tàr kú a tum vé lìm və́ vee aŋgàa ntum adzə̀m fo věn wùn akàŋ akàŋ, yii bèy, la vèn yòʼ a yuurí, a vèn yòʼ fə̀m gwarìr kinyo kfə́.

Aysaya 30:15

Ke Nyùy Tàr woo Tàr wor, wun woo Ŋgaà wo Ranén woó Isray suuy ki dzə̀ jii: «A vèn kfə̀n fo mǒ wùn, e dzə̀ʼə̀m ji nyaáŋ, bo m yíi bòyìr ven. A vèn neèm e mǒ sar, e yèʼtí e mǒ wùn, bo m yíi tavír ven. Yii bèy, a bó vèn yòʼ fə̀m taʼ, e yiì bèy.

Nsùyrì Nyùy 68:11

Nyùy Tàr‑iì tsə̀nsí ntum, vikìy ló ntum rə̀n e ŋkfə̀n, a ghan, a fìʼtì jii,

1 Samuel 9:13

Vèn du, e lòo nəə́ e mvə̀mlaʼ, é vèn ku nèn yèn wun, é bo wù wáa koʼ e kirə̀ʼ ké cù ji wun du e yìkír. Yòʼ dzə̀ wír ve á kì biiné kèʼ a yikír, a bó wù wíy, e səə̀vì vifá ve cù. Vèn a dù rì lèn, é vèn yén wun.»

Hibru 12:25

Vèn wáa yen rì fó ŋway kinyo ke Nyùy wo wù súŋnin e vèn ŋwáyín. Vèn kì sá ji wù‑uù lo màʼ ŋgeʼ e wír ve vé‑eè ŋwáy kinyo ke ŋgaà wo wù‑uù lèmèn é nsay fèn ji wù wáa tir wíri. Mo kí dzəə̀n ben, bo bó wìr wo wù ŋwáy kfə́ a dzə̀ kinyo ke wun woo Nyùy súŋnin fo yuv yòʼ wíy bòy fo ŋgeʼ gheéy.

Matio 21:34

Ghán se á yii káv vifá fo sum sí gheén, wù túm aŋgàa lìm və́ fo vé vintir vìyi jii, á du, e sə̀ á rə́ə yee mbìv vifa.

Matio 9:15

Jesus bìnèr jii, «Vèn kwaʼ ji dzə̀ wíri dù vijín, wùn à lùm jìn wàa dzə, á kfə̀n a ser e vifù á? Yii bèy, vèn wáa kiíy jii, ghán sí wíy gheén, á faasì lum jìn və̀n fo vé vijiné, aáwune nèn a dìy, a lèm jíŋ.

Hibru 9:15

Fo mvə̀m mensàŋ me fíy mèn, Kristu nén a tiy e Nyùy wùn à wírí nsàn, é wír ve Nyùy‑iì shoʼon ji vəə́ fíʼ a nəə́ e mvə̀m vijùŋ ve wù kàʼàn wír və́ shó, a dzə̀ ve bó yòʼ dzə̀ ví ghàn mày. A dzə̀ áwune kù nə̀ə́ sho, bìʼ fo wìr‑iì kpuun, e tìn áwune fó njò ye vé‑eè liìn bìʼ fo vé‑eè yaʼayin mensaŋ me mbìy mè.