Matio 2:8 - ŊWÀʼ NYÙY

⁸ Á suúy, wù nèn tiìsí jii, áwune du é Betlehem, e bònen tàʼ wán woo shooy a fo fo. Á taʼ, yéné, á wìy, e sùúy a wun, é wun du sá, e dù bùn.

Matio 2:8 Referans Kwoze

Yòvdìy 3:37

A dzə̀ yòŋ la kinyo, kí kòóy, a bó kóŋ Nyùy Tàr ji kí koóy?

Ŋgàn 21:30

A wìr fə̀m fìír e le, a kiíy jeéyjeéy fó vinyò, a tir wíri é le, bo bó yòʼ dzə̀ wù ghàʼ Nyùy Tàr.

1 Afòn 19:2

Jesebel nèn tùm wír fo Elija wùn, wù dú, e tiìsí ji Yaà suuy a ji a lòo dzə moo lèn bèn kibvəə́shí, a bó wun yoʼ lòvtí e wun mo wù kì lovtin áàŋgàa ntum və́ víyi, anyùyi kù màʼ ŋgeʼ a e wun kitu, e kfə̀n dzə̀sì.

2 Samuel 17:14

Absalom wùn à wír veé Isray adzə̀me nèn bìnsí ji ntir Hushay waà bòŋ, e shaà a ye Ahitofel, a yií Nyùy Tàr ji lá áwune yòʼ jùmrì a ntir Ahitofel ye kù‑uù dzəə̀n ye juŋ, é wun fiʼ wìy a e ŋgeʼ si e Absalom kitu.

Matio 2:1

Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii,

Matio 2:7

Heror yú bey, e nèn kwàr akiíy viy bámbám, wùn áwune dzə̀ʼə̀m, wù bónén, e dzə̀tí ghán se sàŋ woo shooy‑ii fəən.

Matio 2:9

Áwune nèn lò, a dù. Á lòo dù, e kfə̀n yèn sàŋ wo áwune‑ee yenen aáwuné wòŋ və̀y, a wù du fo mbìy, danèr áwune. Wù dù, e tìím fo wàn‑eè dzəə̀n.