Matio 2:7 - ŊWÀʼ NYÙY

⁷ Heror yú bey, e nèn kwàr akiíy viy bámbám, wùn áwune dzə̀ʼə̀m, wù bónén, e dzə̀tí ghán se sàŋ woo shooy‑ii fəən.

Matio 2:7 Referans Kwoze

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

1 Samuel 18:21

Wù wáa kwàʼtì ji wun yíi fo a Mikal e Davir, é wù wáa dzə a kitám ke kí yíi yiì, é bo wír veé Filistiàa yúyrí Davir. Saul nèn kfə̀n kàʼ Davir fo akàŋ vee abaà ji wù yíi a dzə a sə́ və.

Ŋwàʼ Fəə 1:10

Vèsən shwéʼ dzə́ə yée sə̀r fo á wáa kùʼ, e dù, e meé e kiliŋ ke a rə́r sí kì gbù e vèsə́n kitu, áwune tòm aŋgàa vibàn vesən, e fùnèn vèsən, e lèʼ fó wòŋàn.»

Ŋgaà Yen 12:15

Wù léʼ, e dù fo, kigàgǎʼsòŋ kiy ki nèn sìíy, e cù ndzə́v fó shuù, yí wáa leŋ, a dù fo ji yí leér á wiíy woo shooy.

Kintaŋ 24:17

M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.

Matio 2:1

Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii,

Matio 2:8

Á suúy, wù nèn tiìsí jii, áwune du é Betlehem, e bònen tàʼ wán woo shooy a fo fo. Á taʼ, yéné, á wìy, e sùúy a wun, é wun du sá, e dù bùn.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Lim Aŋgàa Ntum 24:22

Feliy yuúrí, a wù‑uù kìíy ne dzə́ə yee kùm Jesus rə̀y kijuŋ, e nèn tìír nsaʼ, e sùúy e wír vìyi jii, «Lisiar woo kitú ke vé rər wíy wìy, é bo m tínén nsaʼ rə̀n.»