Matio 2:6 - ŊWÀʼ NYÙY

⁶ «Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

Matio 2:6 Referans Kwoze

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Joon 7:42

Á sà yòʼ‑oò sàŋ é Ŋwàʼ Nyùy ji Mfə̀ə́r wíy fəə a dzə̀ fo Fòn Davir ram, a wù wíy lò a dzə̀ fó Betlehem fo láʼ à Daviri‑iì dzəə̀n á?

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Aysaya 40:11

Wù wíy a leéy fo wír vəə́ kijuŋ, kù mo nshìy lèéy fo njiì və. Wù wíy a geʼsín aáwune, kù mo nshìy yii lo, wù shùr wan njiì, e kòytí. Wù wíy a dànèr áwune ji weè weè, kù mo á dànèr anjiì ve á nyoor wón.

2 Samuel 5:2

Yì‑iì dzə̀ é ghan se sí‑iì shaàn, a Saul dzə̀ fon wor, a yì‑iì li wò wír veé Isray, du sho e shùu rər. A Nyùy Tàr‑iì lo kàʼ wò ji à wíy a leéy a fo wír və́ veé Israyi mo nshìy lèéy fo njiì, aà wíy a dzə a taà saʼ woó Isray.»

Kolosia 1:18

A kfə̀n dzə̀ wun kitú ke kintatì ke wìr Nyùy ke dzəə̀n ji wún və́. Kù‑uù yiì wun, bo kintatì kìn ki keʼ a dzə, bìʼ fo dzəə̀n wun wir mbìy wo Nyùy‑iì fəərin fó kpu, nén a dzə wun wo wù tíy mbìy vinyò vidzə̀m.

Matio 2:1

Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii,

Efesor 1:22

Nyùy wày ne vifá vidzə̀m a dzə̀ e wun woo Kristu kiwo, e lèm ji kitú ke kintatì ke wìr və́, á wáa yu a dzə̀ fó fo.

1 Wòŋ 5:2

Mo rám Judàa fə̀m‑eè siiyin, a ker vitaáví, a taà saʼ wo wù sáʼ kfəə́ sidzə̀m kù fəə́ a dzə̀ fó fo, gháy viŋgày vé wìri ku yòʼ gòʼ a dzə wó Joosev.

Kintaŋ 24:19

Ŋgaà saʼ kù wíy fəə fo rám Jakov, a wù wíy laàr wir dzə̀m wo wù tuùtìn, e bòy e ŋkàlaʼ.»

Joon 21:16

Wù kfən dzə̀r fó akàŋ vee abaà jii, «Simon woo wan Joon, à koŋ mo á?» Pita sii bìnèr jii, «Eènó Tàr, à kì ji m koŋ wò.» Wù nèn kfə̀n sùúy sho jii, «À wàa leéy rì fo wír vémé mo wìr lèéy fo njiì.»

Esra 2:21

Wír veé Betleheme‑eè dzə̀ wír nshòv sitaár e mbaà é wiì (123).

Ŋgaà Yen 7:17

bìʼ fo Wàn Njiì wo wù dzə́ e shùu kàvàʼ wíy a shìy áwune, a dànèr áwune moo njiì, a dù sho fo adàn ve á fəər mendzə́v me mè fó dzəʼə̀m yee là mayi dzəə̀n. A Nyùy wíy sòr mensíy medzə̀m fo wír vìné si.»

1 Wòŋ 2:51

a wan və woo Salma dzə̀ tàr à wìr veé Betlehem, é bo wan və woo Harev wáa dzə tàr à wìr veé Bet‑Gader.