Matio 2:5 - ŊWÀʼ NYÙY

⁵ Á bìnèr jii, kí‑iì dzə̀ á ji á wíy dzəə́ e ntèʼ yee Betlehem, e wòŋ woo Juda fèn. A dzə̀ mo *ŋgaà ntum Nyùy wùmòʼ‑oò saŋen ji Nyùy suuy a jii:

Matio 2:5 Referans Kwoze

Joon 7:42

Á sà yòʼ‑oò sàŋ é Ŋwàʼ Nyùy ji Mfə̀ə́r wíy fəə a dzə̀ fo Fòn Davir ram, a wù wíy lò a dzə̀ fó Betlehem fo láʼ à Daviri‑iì dzəə̀n á?

Ŋwàʼ Rut 1:1

Yì‑iì dzə̀ é ghan se woŋ Israyi yòʼ‑oò sí kér fon, a kù‑uù lo wàa saʼ wír ve vé‑eè yoŋ ji atǎr nsaʼ, jìŋ koó é kiya kímóʼ kí é ghan fóo fèy. Wìr wùmòʼ nèn lò, e lì wiíy wùn à wón və́ ve vé‑eè dzəə̀n abaà, a dù ji á bee é wòŋ Moav. Yír wìr və̀ne‑eè dzə̀ Elimelek, yé wiíy Naomi, sé won ji Maalon wùn Kiliyon, a dzə̀ vilum vilum. Áwune‑eè dzə̀ kfəə́ yeé Efrata e ntèʼ yee Betlehem, e nsay Juda. Áwune dù bèy, e mèé e Moav, e nèn a dzə fo.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

Ŋwàʼ Rut 2:4

Shintàm shi lòo dàr, Boas kitú kfə́ nèn wìy fo Betlehem, e shàʼtì vé lìme jii, «Nyùy Tàr kú a dzə vèn áwune.» Áwune bìnèr jii, «Nyùy Tàr səəvi wò.»

Ŋwàʼ Rut 4:11

Atǎr ntèʼ wùn à wìr dzə̀m wo wù‑uù dzəə̀n fó bínsí jii, «Vèr dzə̀ anjen. Nyùy Tàr ku yiì, é wiíy və̀n wáa dzə sa moo Racel wùn Lea ve rám yeé Israyi‑iì loòn fo áwune. Wù ku kfə̀n yiì sa ji à wáa dzə wir keŋ e ram yeé Efrata, aá yúʼnín yír yé Betlehem e dzə̀m.

Ŋwàʼ Rut 1:19

Wùn wun ku nèn a dù, e mèé e Betlehem, e lòo nəə́ ntèʼ, wìr dzə̀m yúʼnín, a ker gháʼ feyì. Vikìy wáa ghaynín ji və̀n sà kù yòʼ dzə̀ rú Naomi a?

Joshua 19:15

Nsay rə̀n tàtí Kattat, Nahalal, Shimron, Idala, e lì Betlehem. Ŋkà se laʼ sév sidzə̀m si nén a dzə nshòv sibaà e ghvə̀m, e lì ntèʼ sév.

Kèʼlo 35:19

Racel kpú, á dzəə̀mè e ghaa dzəə yeé Efrat fo á yoŋ lèn ji Betlehem.

Matio 2:1

Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii,

Matio 2:4

Wù nèn tòóy vitú ve atàá cù wùn à wír ve vé‑eè duŋrì nsər Nyùyi adzə̀m. Á wìy, wù dzə́r aáwune jii, á sà‑aà sàŋ ji á wíy dzəə́ *Mfə̀ə́r wo Nyùy‑iì kàʼàn a dzə̀ feé á?

Atǎr Nsaʼ 17:7

Wánlè nsùm wùmòʼ wáa dzə e Betlehem e nsay Juda, a dzə̀ wír woó ram Levi. Wù‑uù wìy, a beè beèn é Betlehem.