Matio 2:4 - ŊWÀʼ NYÙY

⁴ Wù nèn tòóy vitú ve atàá cù wùn à wír ve vé‑eè duŋrì nsər Nyùyi adzə̀m. Á wìy, wù dzə́r aáwune jii, á sà‑aà sàŋ ji á wíy dzəə́ *Mfə̀ə́r wo Nyùy‑iì kàʼàn a dzə̀ feé á?

Matio 2:4 Referans Kwoze

Lim Aŋgàa Ntum 23:9

Fóo nèn kfə̀n màysì, e bvəə̀rí bvəərín. Aŋgàa yeʼéy veé mbìv Farasi ámóʼó túm é yuv, a shaʼnín kitávín jii, «Vèr yoʼ yèn kinyo ke wìr və̀n jayin gheéy. Ghanmóʼ rú, bo nshìylav Nyùy kìn kiyoy kímóʼ kí‑iì lo sùŋnín sho.»

Lim Aŋgàa Ntum 6:12

Á bèy kí ku nèn ŋàʼár melív me wíri, e kfə̀n ŋàʼár me atǎr wòŋ wùn à me wìr ve á duŋrì nsər Nyùyi. Á nèn koò Tefan, e dù sho fo vé wòŋé si.

Matio 21:23

Jesus kfən kfə̀n é lav cù fèy, e lòo yeʼéy wíri, vitú ve atàá cù wùn aàtǎr wòŋe wìy, e yèn wun, e dzə̀r shó jii, «Vinyo ve wò‑oò mùmèn é lav fèn vìy, wò‑oò yii moo la? Fò la wò dzə́ə?»

Matio 7:29

bìʼ fo wù‑uù yéʼey moo wír wo wù kiìn kinyo ke wù suuy a dzə̀ fo wùn vifii. Wù yòʼ‑oò yéʼey moo wír ve á yii duŋrì wír veé Isray nsər se Nyùy.

Lim Aŋgàa Ntum 4:5

Yì rán kibvəə́shí, vé saʼa wùn à vé wòŋe, à wír ve á yii duŋrì nsər Nyùyi tár é Jerusalem.

Joon 18:3

Wù nèn wìy fo wùn à vé rərí ŋgoo e fur, à wír ámóʼó sá ve á yii shiy lav cù, aá wáyrí vifá ve rər, e sə̀ʼtì vikaʼày, e sə̀ʼtì lam si, a túm vitú ve atàá cù wùn à wír veé mbìv *Farasii wír vée shooy.

Joon 8:3

Wír ve á yii duŋrì nsər Nyùy wùn à wír veé mbìv *Farasi ámóʼó nèn wìy e wiíy, aá koó é kwaʼ viŋkar. Á tiír wiíy və̀y fo ntìntìn,

Joon 7:32

Wír veé mbìv *Farasii yú mo wíri kfəynìn kinyo kee kùm Jesus kìn, e nèn dù, e sìysì wùn à vitú ve atàá cùu, á túm vé rərí ji á du, e koò á Jesus.

Joon 3:10

Jesus bìnèr jii, «Yéʼey wò wír veé Isray, kfə̀n méŋ vinyo vìn à?

Ŋwàʼ Luk 23:10

Wù wáa dzətí, a vitú ve atàá cù wùn à wír ve á yii duŋrì nsər Nyùyi dzə́ fo ghaŋ, lór vinyo ve ghaʼtín ví e Jesus wùn vinín.

Ŋwàʼ Luk 20:19

Jesus yòv ŋgàn rə̀y, wír ve vé‑eè duŋrì nsər Nyùy wùn à vitú ve atàá cùu kiíy ji wù yòv a dzə̀ á bìʼ áwune, e nèn a tàʼ ji á koó é ghan see shó, e bóo fàn wíri, e màʼtì.

Jeremia 8:8

«A dzə̀ vèn wàa yòŋ ji vèn dzə̀ afií á? A dzə̀ vèn wàa yòŋ ji á kì yéʼéy yee mǒ Ŋwàʼ Nsər a? Kí aŋgàa saŋe bìnèr ne yéʼéy yém e kimboʼtì ki? Á sáŋ vinyo ve á sáŋé, wáy kimboʼtì sho.

Maak 8:31

Jesus nèn kèʼ, a yeʼéy wón və́ lìm mo dzəʼə̀m rəə́ dzəə̀n, a suúy jii, «Ŋgaà wo yírí dzəə̀n *Wanwìr və̀n kér fó wìy yen ŋgeʼ sinín. Atǎr wòŋ wùn à vitú ve atàá cùu, à wír ve á duŋrì nsər Nyùyi wíy kay wun, e yuyrí. Yii bèy, vishiíy ví mee vitaár, é wù fəə́ fó kpu.»

Matio 27:1

Yiì lòo dzə kijàvndzə kijàvndzə, vitú ve atàá cù wùn à vé wòŋe dzə̀ʼə̀m, a sìysì mo dzə̀ á yiì, é bo á yúyrí Jesus.

Matio 26:47

Kù mo Jesus suuy bèy, Judar woo wír fo wìr vee nshòv sibaà e ghvə̀me nèn bvə̀y wùn à ŋgoo wìr ve vitú ve atàá cù wùn à vé wòŋe tumen. Aá wiy, kér nyùy sí wùn à vibur vi.

Matio 26:3

Ku nèn a dzə e ghan fóo fèy, vitú ve atàá cù wùn à vé wòŋe tár e Kayfar woo taà cù wo kuʼǔn ntoʼ,

Matio 21:15

Vitú ve atàá cù wùn à wír ve vé‑eè duŋrì nsər Nyùyi yén viŋgaʼnìn ve vinyò ve wù‑uù yii, e kfə̀n yù mo wónlèé ndzə́ʼ jii, «Fon wor èy, Wàn Davir èy», áwune nèn a yu bír,

Matio 13:52

Wù suúy jii, «Dzə̀ rú, wìr wo wù sí yéʼey kinyo ke saʼ Nyùy ye yí wiy lèn, ŋgaàŋ dzə̀ moo taà laʼ wo wù kér ambùʼmé vee fó ŋgùʼ wùn à vee lène e wùn kitàv. Wù lo, wù fə̀ə́r wo wù gheenen wun e ghan se wù kòŋèn.»

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Nsùyrì Nyùy 2:2

Afon veé nsayi báʼti rə́r, aàtǎr wòŋe dzəʼə̀m, táŋ sáʼ Nyùy Tàr, táŋ sáʼ ŋgaà wo wù yoʼon ji fon.

Nehemia 12:7

à Sallu, à Amok, à Hilkia, à wùmòʼ woo Jedayia. Á wír ve yì‑iì dzəə̀n vitú ve atàá cù wùn aàfə́r véví e ghan se Jeshua‑aà dzəə̀n taà cù wo kuʼùn.

Esra 10:5

Esra ku nèn yòŋ vilìmbìy ve atàá cù wùn à wír veé ram Levi, à wìr dzə̀m woó Isray ji á liʼ á mo nshù kì dzəə̀n. Áwune ku nèn lìʼ.

Esra 7:6

Esra wáa dzə, a dzə̀ ŋgaà dùŋrì, a wù kì Ŋwàʼ Nsər Mooser kijuŋ, ŋwàʼ wo wú kér nsər se Nyùy Tàr woo Nyùy wìr veé Isray‑iì foon. Wìy lòo dzə e kiya ke kí‑iì meen ji saàmbà mo Fòn Artakerkes‑iì saʼan ne vifon və́, Esra nèn lò fo Babilon a dù e Jerusalem. Mo Nyùy Tàr woo Nyùy və‑əə̀ leey fo wun, fòn nèn biìmé kinyo kidzə̀m ke wù‑uù dzə́rí. Wír veé Isray ámóʼó ve vé‑eè duùn wùn áwune é Jerusaleme‑eè dzə̀ jii, wír vee viy wùn aàtàá cùu, à wír veé ram Levìi, à vé yòvi, à wír ve á yii leey lav cùu, e lì ve á yii lim e lav Nyùy.

2 Wòŋ 36:14

Atàá cù ve dzəə̀n ji vilìmbìy, à wìr dzə̀m kù‑uù bìn ne ndzə̀m bínen e Nyùy Tàr, a jùmrì vinyo ve koʼoyín ví ve vitúm vi‑iì yii, cu mebvə̀m. Áwune nèn bìvír lav Nyùy Tàr yeé Jerusalem, la yì yòʼ dzə́ə a dzə e ránén ye dzə̀ á wàa cù wun fo.

2 Wòŋ 34:15

Wù nèn sùúy e Shafan woo ŋgaà saŋ jii, «M bòŋ ne Ŋwàʼ Nsər Nyùy fo Nyùy Tǎr lav.» Wù suúy bey, e nèn fò ŋwàʼ e Shafan.

2 Wòŋ 34:13

vé‑eè lèm áwune, á wáa leéy vé lìm ve vé‑eè béʼ vifá, kfə̀n a leéy vé lìm ve vé‑eè lim lim see jeéy jeéyí sí. Wír veé ram Levi ámóʼó‑oò dzə̀ aŋgàa saŋ, ámóʼó vilìmbìy, ámóʼó anshìy veé shuù se kày.

Matio 2:3

Á lòo dzətí, kí tó e Fòn Heror kitùʼùr, vifíi və́ ví bír, vé wìr veé Jerusalem vi bvəə́rí sá adzə̀m.

Matio 2:5

Á bìnèr jii, kí‑iì dzə̀ á ji á wíy dzəə́ e ntèʼ yee Betlehem, e wòŋ woo Juda fèn. A dzə̀ mo *ŋgaà ntum Nyùy wùmòʼ‑oò saŋen ji Nyùy suuy a jii: