M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.
«Vèn leéy, e yèn, ghán sí wiyì, se m wíy yiì, é tám woo réŋé fəə́ e Davir ram, é m kóʼór ji fon. Wù wíy a saʼ vifon və́ é dzəə yee réŋ, a tinén vinyo tìítiy, a yiì a dzə̀ vinyo ve ru ví é wòŋ. Suuy mo woo Nyùy Tàr.
«Tùm mo woo Jesus nshìylav yem ji yì wiy, e fìʼtì vinyo vìn e wír vémé ji á fiʼti e vintatì vi. Dzə̀ mo wo dzəə̀n Rám Fòn Davir, kfə́n a dzə mo Sàŋ wo wù lo, ndzə nèn ràn.»
Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»
Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»
Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»