Matio 2:2 - ŊWÀʼ NYÙY

² wan wo á dzəən ji Fon wìr veé Juda sà bèé á? Áwune dzə́r bèn a, bìʼ fo vé‑ee yenen, a sàŋ və ló, e nèn a wìy a ji á bun wun.

Matio 2:2 Referans Kwoze

Kintaŋ 24:17

M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.

Jeremia 23:5

«Vèn leéy, e yèn, ghán sí wiyì, se m wíy yiì, é tám woo réŋé fəə́ e Davir ram, é m kóʼór ji fon. Wù wíy a saʼ vifon və́ é dzəə yee réŋ, a tinén vinyo tìítiy, a yiì a dzə̀ vinyo ve ru ví é wòŋ. Suuy mo woo Nyùy Tàr.

Ŋgaà Yen 22:16

«Tùm mo woo Jesus nshìylav yem ji yì wiy, e fìʼtì vinyo vìn e wír vémé ji á fiʼti e vintatì vi. Dzə̀ mo wo dzəə̀n Rám Fòn Davir, kfə́n a dzə mo Sàŋ wo wù lo, ndzə nèn ràn.»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Aysaya 60:3

Vitúm vímóʼ ví wíy a wìy fo Nyùy Tàr woo rán yén wùn, áàfone wáa wìy sa fo Nyùy Tàr won wo wù bán moo shúy wùn.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Hibru 1:6

Wáa dzə e ghan se wù‑uù sí túm Wán və wo wù tíy mbìy vifa vidzə̀m ji wù wiy é ndzə fèn, wù kfən sùúy sho jii: «Nshèelav se wun woo Nyùy sidzə̀m si kù kér fó a gvəʼtí e si wo.»

Ŋwàʼ Luk 23:38

Á sáŋ ŋwàʼ, e bàrír e kintam, e Jesus kitu jii, «Və̀n dzə̀ Fon wìr veé Juda.»

Ŋwàʼ Luk 23:3

Payler dzə́r e Jesus jii, «À dzə̀ rú Fon wìr veé Juda à?» Wù bìnèr jii, «À sùúy ne.»

Nsùyrì Nyùy 2:6

«Mómò, m kòʼór ne wóom woo fon, e lèm e Sion woo gwan wom wo ranén.»

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Ŋwàʼ Luk 19:38

Aá kwá jii, «Nyùy Tàr ku səə̀vì Fon wo wù wiy e wùn yir və̀n. Nyùy woó yuv dzə̀ Ŋgaà Nyaáŋ. Á wáa burí Nyùy woó ntoò yùv.»

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Jeremia 30:9

Á bèy, aáwune wíy a lìm a dzə̀ fo mò woo Nyùy Tàr woo Nyùy wov, a yunín njìlaʼ Davir woo fon wov, wo m wíy koʼór, e fo aáwune.

Nsùyrì Nyùy 45:11

é fòn wáa ker shií wò bìʼ tókír ye à tókirì. Sí kér wun wò, á yunín wun.

Joon 9:38

Wù nèn yòŋ jii, «Tàr, bo m biìmé ne,» e tsə̀m é si wo, a fo ghvə́m sho.

Joon 19:19

Payler sáŋ kinyo kímóʼ kí, e fò, á bárír é kintam ke vé‑eè taan Jesus sho, a kí dzə̀ jii, «Jesus woó Naasarer, Fon wìr veé Juda.»

Joon 12:13

Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»

Matio 27:11

Mo á liìn Jesus, e tìír e ŋgaà saʼ bàràʼ si, wù dzə́r shó jii, «À dzə̀ Fon wìr veé Juda à?» Jesus bìnèr jii, «À sùúy ne.»

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Matio 21:5

«Vèn suúy e wír veé *Sione jii, ‹Vèn yén mo Fòn won wiyì. Wù lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.› »

Matio 2:3

Á lòo dzətí, kí tó e Fòn Heror kitùʼùr, vifíi və́ ví bír, vé wìr veé Jerusalem vi bvəə́rí sá adzə̀m.