Matio 2:12 - ŊWÀʼ NYÙY

¹² Áwune lò, e lòo kfən aáwuné wòŋ, e nèn gwàm dzə́ə fó səné, bìʼ fo Nyùy‑iì tirin áwune é njèm ji á wáa yen a fó kfə̀n dù ji á yén Fòn Heror.

Matio 2:12 Referans Kwoze

Matio 2:22

Wù lòo dù, e yù ji Akilor woo wan Fòn Heror yì ne a ntaʼ tàr wov, a saʼ e mbìv wòŋ yee Juda, wù nèn a fàn fó dù fo. Nyùy kfən tìr wun e njèm ji lá wù yòʼ dù a fo. Wù nèn tèém, e dù a dzə̀ é mbìv wòŋ yee Galeli,

Matio 2:19

Wáa dzə e ghan se Fòn Heror‑iì làyìn, a Joosev kù dzə̀ə́ e wòŋ Ejiv, wù yén nshìylav Nyùy Tàr é njèm, yì suúy shó jii,

Matio 2:13

Áwune lò, nshìylav Nyùy Tàr siíy, e wìy, e sùúy e Joosev e njèm jii, «Nànène, e lì wán wùn kiyìy kí, é vèn áwune sám, e dù e wòŋ Ejiv, a dzə fo, e meé e ghan se m wíy suúy ji à wáa kfən. M suuy bèn, bìʼ fo Fòn Heror sí taʼ wán woo shoon ji wun yúyrí.»

Matio 27:19

Bo taaka mo wù kì dzə̀ʼə̀mèn e wùn kirəsí ji wun sáʼ nsaʼ Jesus, wiiy və tsə́nsí ntum jii, lá wù yòʼ kùm a wír və̀y. Wù yòʼ kér a njò yìmòʼ gheéy. Wun suuy bèn a, bìʼ fo njèm se wìr və̀n si siiyin, e shì wun, ndzə rán ranén.

Matio 1:20

Wù kú a kwàʼtì bèy, e lòo buuné, njèm shí wun, wù yén nshìylav Nyùy Tàr. Yì yòŋ wun jii, «Joosev woo wán woo Fòn Davir ram, kú a kiíy jii, Maria dzə̀ e bvə́me, a yiì Kiyoy ke Ranén kí. Lá à yòʼ a fàn fó lì, e way e lav.

Ŋwàʼ Fəə 1:17

Yii bèy, amáŋkooy vìne wáa dzə wír ve vé‑eè fan Nyùy, á nèn a lèm wón vee vilum atin, e làa yòʼ dzə́ə a yiì mo fòn‑eè suuyin.

Kèʼlo 31:24

Yii bèy, lòo dzə̀ vitsə́ʼə́, Nyùy suúy e Laban woo wír woó Aram və̀n e njèm jii, «Á yen fó suúy kinyo, e bemér Jakov sho.»

Hibru 11:7

Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.

Lim Aŋgàa Ntum 5:29

Pita wùn aàŋgàa ntum Jesuse nèn bìnèr adzə̀m jii, «Vèr kér fó a yu a dzə̀ kinyo ke Nyùy, e shaà ké wìr.

Lim Aŋgàa Ntum 4:19

Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a?

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

1 Korin 3:19

A m suuy bèn, bìʼ fo vinyo ve wír veé ndzə fène yén ji vifií ví dzəə̀n ve Nyùy yén kfə́ ji kiyúŋsì. A dzə̀ kíwun ke vé‑eè saŋen é Ŋwàʼ Nyùy jii, «Nyùy koó afií a dzə̀ é kitam ke koʼorin áwune.»

Ŋwàʼ Luk 2:26

a kí‑iì tòʼ ne sho ji wù kù wíy yen *Mfə̀ə́r wo Nyùy‑iì kàʼàn, e bóo kpu.

Lim Aŋgàa Ntum 10:22

Á bìnèr jii, «Tùm Konelur woo mfòóme rə̀r woó Rom ver. Wù dzə̀ wír wo juŋ, ghvə́m Nyùy, a wír veé Judàa búri wun adzə̀m. A nshìylav Nyùy sìíy, e wìy, e sùúy sho jii, wù jaŋ wò e wùn lav, e yù á kinyo ke à yíi suúy e wun.»

Hibru 8:5

Vinyo ve atàá cùu yii e nsay fèn vi dzə̀ vimfìʼìr ve vinyò ve Jesus yii e yuv e Nyùy lav yee rú. Vèn kuúmé mo Mooser‑iì lóo tuy kibàn ji á wáa cù Nyùy sho, Nyùy suúy. Wù‑uù sùúy jii, «Ku shoòshí, é vifá vidzə̀m vi wáa dzə réŋréŋ ji kikúv ke kíwun ke m dìnèn e wò e gwan.»