Matio 2:1 - ŊWÀʼ NYÙY

¹ Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii,

Matio 2:1 Referans Kwoze

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Joon 7:42

Á sà yòʼ‑oò sàŋ é Ŋwàʼ Nyùy ji Mfə̀ə́r wíy fəə a dzə̀ fo Fòn Davir ram, a wù wíy lò a dzə̀ fó Betlehem fo láʼ à Daviri‑iì dzəə̀n á?

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Matio 2:5

Á bìnèr jii, kí‑iì dzə̀ á ji á wíy dzəə́ e ntèʼ yee Betlehem, e wòŋ woo Juda fèn. A dzə̀ mo *ŋgaà ntum Nyùy wùmòʼ‑oò saŋen ji Nyùy suuy a jii:

Matio 1:25

Yii bèy, la wùn wun yòʼ a shiíy moo wiíy wùn lum e meé e ghan se wù‑uù dzəən wán woo shooy. Wù dzəə́, Joosev nèn shù yír wan ji Jesus.

Ŋwàʼ Luk 2:15

Nshèelav se Nyùy sìy si màʼtì áwune, e kfə̀n é yuv, á nèn sìíy, e sùŋnín jii, «Mo Nyùy Tàr yiìn ne, vèsən kiíy kinyo ke kí kooyin, vèsən ku dù e Betlehem, e yèn kinyo kee shoon e sí yesəné.»

Ŋwàʼ Luk 1:5

Yì‑iì dzə̀ é ghan se Fòn Heror‑iì sáʼ woŋ woo Juda, taà cù wùmòʼ wáa dzə fo, aá yoŋ ji Sekariya, a wùn à vé cù ámóʼó lim e kiŋkàŋ ke kí‑iì loòn fo Abija ram. Wù‑uù kér wiíy a dzə̀ sá wan taà cù, a yír rəə́ dzə̀ Lisaber.

1 Afòn 4:30

Á bèy, vifií vé Fòn Solomon vi nèn shaà vé wìr dzə̀m woó mbìv yee fo shùy yii tó, à woó Ejiv.

Kèʼlo 25:6

Fo ké wón vikìy ve wù‑uù lèmèn lémené, wù‑uù fò áwune afómo é ghan se wù‑uù dzəə̀n e tin, e shàʼàr, e tsə̀nsí e mbìv wòŋ yee fo shùy yii tó ji wun kiír á fo Aysi ghaŋ.

Matio 2:19

Wáa dzə e ghan se Fòn Heror‑iì làyìn, a Joosev kù dzə̀ə́ e wòŋ Ejiv, wù yén nshìylav Nyùy Tàr é njèm, yì suúy shó jii,

Matio 2:3

Á lòo dzətí, kí tó e Fòn Heror kitùʼùr, vifíi və́ ví bír, vé wìr veé Jerusalem vi bvəə́rí sá adzə̀m.

Kèʼlo 10:30

A nsay ye wír vìne‑eè dzə́ sho‑oò kèʼ fó Mesha, a dù e mbìv ye shùy yii tó fo fo, e bàʼ e Sefar e mbìv agwan.

Ŋwàʼ Jov 1:3

Wù‑uù dzə̀ ŋgaà kav, a wù kér njiì nsə̀kì saàmbà, akamer ansə̀kì ataár, anàʼ ve á lim súm ghii tàn, e lì vimbèʼbìy vee vikìy ghii tàn. Wù kfə́n a ker sa wír ve á lim fo wun nyanyày, la wìr yòʼ kfə̀n a dzə wo a dzə̀ wùn wun dzə̀v kiwó fo wù‑uù dzə́, e mbìv yee fo shùy yii tó.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Atǎr Nsaʼ 17:7

Wánlè nsùm wùmòʼ wáa dzə e Betlehem e nsay Juda, a dzə̀ wír woó ram Levi. Wù‑uù wìy, a beè beèn é Betlehem.

Matio 2:7

Heror yú bey, e nèn kwàr akiíy viy bámbám, wùn áwune dzə̀ʼə̀m, wù bónén, e dzə̀tí ghán se sàŋ woo shooy‑ii fəən.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

1 Wòŋ 2:51

a wan və woo Salma dzə̀ tàr à wìr veé Betlehem, é bo wan və woo Harev wáa dzə tàr à wìr veé Bet‑Gader.