Matio 19:3 - ŊWÀʼ NYÙY

³ Wír veé mbìv *Farasi ámóʼó nèn dù wìy, a woóy wun, a dzər sho jii, «Nsər yèsən biíme ji dzə̀ wír, wù fə̀ə́r wiíy və bìʼ kinyo kímóʼ kí gheéy á?»

Matio 19:3 Referans Kwoze

Maak 10:2

Wír ve vé‑eè dzəə̀n é mbìv *Farasi ámóʼó nèn lò wìy, a woóy wun, a dzər sho jii, «Nsər yèsən biímé ji dzə̀ wír, wù fə̀ə́r wiíy və á?»

Hibru 3:9

Nyùy suuy jii, ‹Atàr véné‑eè ghán fo, kiyá mkweè, mum mo, aá kù yén vinyo ve ghaʼtín ve mò‑oò yii.

Joon 8:6

Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.

Maak 12:15

Vèsən wáa màʼ, mo la á yòʼ a màʼ a?» Jesus kiíy kinyo ke vé‑eè woóne sho, e bìnèr jii, «Vèn wooy mo bìʼ ka? Vèn wiy e sí mbàm yee *danarìi, é m yén.»

Maak 12:13

Á wìy tùm wír veé mbìv *Farasi wùn à vé Fòn Heror ámóʼó ji á du, a woóy Jesus, a yùtì a shuu və́.

Matio 22:35

Wìr wáa dzə e mvə̀m ŋgoo fèy, a wù yéʼéy ne nsər feyì. Wù nèn wòór kinyo, a dzər e Jesus jii,

Matio 16:1

Wír veé mbìv *Farasi wùn à veé mbìv *Sadusìi nèn lò, e wìy yèn Jesus, a woóy wun, a tàʼ ji wù yii á kiŋgaʼnìn ke kinyò ke kí wáa dìn ji wù sə́ vitaáví a dzə̀ fo Nyùy.

1 Korin 7:10

M nén a suúy fo wír ve á sí dzə́ e melavi jii, wiíy wáa yen a fó fəə fo lum və. A bó m yòʼ suuy bèn ji suuy a mo, dzə̀ nsər ye foon Tàr wòsən Jesus Kristu.