Matio 12:3 - ŊWÀʼ NYÙY

³ Jesus dzə́r kfə́ jii, «Vèn yòʼ‑oò yiì ne yòŋ fo ŋwàʼ mo jìŋ‑eè loòn, e yàr Fòn Davir wùn aàŋgaà və́ ŋgoo, wù yiì à?

Matio 12:3 Referans Kwoze

Ŋwàʼ Luk 6:3

Jesus dzə́r kfə́ jii, «Vèn yòʼ‑oo yií ne yòŋ fo ŋwàʼ mo Fòn Davir‑iì yiìn é ghan se jìŋ‑eè ghaʼtin wùn aàŋgaà və́ ŋgoo a?

Maak 12:10

Bó vèn yòʼ‑oo yií ne yòŋ kinyo kee shooy fo Ŋwàʼ Nyùy à? Vé‑eè sàŋ jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav.

Matio 21:16

a saʼ Jesus jii, «Bó à yòʼ yú kinyo ke wón víne sí suuyì à?» Wù bìnèr jii, «M yú feyì. Bó vèn yòʼ‑oò yiì ne yòŋ kinyo ke vé‑eè saŋen é Ŋwàʼ Nyùy jii, ‹Nyùy yiì ne, wón ve terií wáa burí wun, à ve á dzəə́ nyóŋ víne shó à?› »

Maak 12:26

Mo vèn kinèn ji bó wíri yòʼ wíy fəə fo kpu, bó vèn yòʼ‑oo yií ne yòŋ kinyo ke Mooser‑iì saŋen ji Nyùy‑iì sùúy e wun fo mvə̀m və̀y wo wú‑uù shwí e kici à? Wù‑uù sùúy jii, ‹M dzə̀ Nyùy Abraham, à wo Aysi, à wo Jakov.›

Matio 22:31

Mo vèn kinèn ji wíri yòʼ wíy fəə fo kpu, vèn yòʼ‑oò yiì ne yòŋ kinyo ke Nyùy‑iì suuyin e vèn e wùn ŋwàʼ kùm kee shooy à? Wù‑uù suuy jii,

Matio 12:5

Wù kfən dzə̀r jii, «Vèn yòʼ yii yoŋ Ŋwàʼ Nsər Mooser à? Kí suuy fo jii, atàá cùu kér fó a yiì lim yév é lav cù e vishiíy vé bam, a bó yòʼ dzə̀ á wàa saʼ áwune ji á bívir kishiíy ké bam.

Ŋwàʼ Luk 10:26

Jesus dzə́r shó jii, «Á sàŋ é Ŋwàʼ Nyùy ji wìr wáa yiì ka? À yoŋ ké yú ji ka?»

Matio 19:4

Jesus bìnèr jii, «Vèn yòʼ yii yoŋ Ŋwàʼ Nyùy, yú à? Vé‑eè sàŋ jii, ‹Yì‑iì dzə̀ é ghan se Nyùy‑iì kèʼèn ndzə, wù‑uù bòm wír abaà ji lumèn wùn wiíy,

Matio 12:2

Wír veé mbìv *Farasi ámóʼó yén, e nèn sùúy e Jesus jii, «Ku yèn kinyo ke wón vé lìme yii ki, a kí kér nsər fo wìr yii é kishiíy ké bam.»

Matio 12:4

Wù‑uù nə̀ə́ é lav cù, e lì kibán ke vé‑eè cuùn Nyùy sho, wùn aàŋgaà və́ ŋgoo yí, a dzə̀ nsər feyì fo wìr yí, e shaà taà cù.»

Cù 10:20

Mooser yú bey, kí gheén wun.