Matio 11:4 - ŊWÀʼ NYÙY

⁴ Jesus dù, e bìnèr jii, «Vèn kfə́n é bàm, e fèr vinyo ve vèn yú, kfə̀n yén vi e Joon.

Matio 11:4 Referans Kwoze

Matio 11:3

sà dzə̀ rú wun Mfə̀ə́r wo wù‑uù wíy wìy moo, áwune wáa shìy wo sən á?

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Joon 5:36

«Kinyo kímóʼ kí nén a dzə sho, ke kí din mo m dzəə̀n, a kí shaà ké Joon. A kí dzə̀ jii, Tàr wor fò ne lim ye m wáa lìm. Vinyo ve m yii vìn vi nén a dìn ji tùm rú á Tàr wor mo.

Matio 8:3

Jesus nèn ràmsì kiwó, e kùm sho, e sùúy jii, «M kòŋ ne, bónén ri.» Shìvnsay ku nèn mày fo wìr və̀y wùn, wù bónén.

Matio 15:30

Màŋgòŋ kfən bàʼtí fo e gháʼán. Ámóʼó wáa wìy aàŋkivkìri wùn aàntèŋe, aàmfìri, à vindzə̀mer vi, wùn à vé yàsí ámóʼó sá anín, a yen wun sho, wù wáa fèr áwune.

Matio 21:14

Jesus dù e lav cù bèy, amfìr wùn aàntèŋe wìy, e yèn wun fo, wù fèr áwune.

Joon 14:11

A dzə̀ vèn wàa biimé mo m suuy ji kù dzə̀ vèr Tàr wor, a vèr wun dzə̀ ji kitú kimòʼón. Búŋ bèy, vèn wàa leéy rì a dzə̀ vinyo ve m yii, a biimé bìʼ vee shooy.