Matio 11:3 - ŊWÀʼ NYÙY

³ sà dzə̀ rú wun Mfə̀ə́r wo wù‑uù wíy wìy moo, áwune wáa shìy wo sən á?

Matio 11:3 Referans Kwoze

Joon 11:27

Wù bìnèr jii, «Tàr, m biìmé rú ji à dzə̀ Wan Nyùy woo *Mfə̀ə́r wo Nyùy‑iì kàʼàn ji wù wíy wìy e ndzə fèn.»

Malakay 3:1

Nyùy Tàr woo Taà Mànjòŋ wáa bìnèr kfə́ jii, «Vèn yuúrí, e yù, m wíy tsənsí ŋgaà wom ntum fo mǒ mbìy, é wù wiy, e nàŋsín dzə́ə. Á bèy, é Taà Saʼ wo vèn shiyì nèn sàsìn, e bvə̀y e wun lav cù. Rúrú, ŋgaà ntum wo wù fiʼtì *mensaŋ mem, a vèn tiir vifií shó, sí wiyì.

Hibru 10:37

A dzə̀ mo Nyùy‑iì suuyin jii: «Bèr shishàr, é wìr wo wù wíy wìy wáa wìy, a bó yòʼ dzə̀ wù ndzə̀y.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Joon 7:31

Yii bèy, a wír ámóʼó kù yòʼ wáy shilív e Jesus wùn anín, suuy ji Mfə̀ə́r sà wíy wìy, é wù yii vinyo ve ví din vitaáví vé Nyùy, e shaà ve wìr və̀n yii a.

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Joon 16:14

Wù wíy a nàn yír yém, bìʼ fo wù wíy a lì a dzə̀ vinyo vém, a fèr e vèn.

Joon 12:13

Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»

Joon 4:21

Jesus yòŋ jii, «Yaà, yuúrí kinyo ke m suuy ki. Ghán sí sí gheenè se bó á yòʼ dzəə́ wìy a nyàʼ fo dzə̀ á wáa bùnrì Nyùy, kìn dzə̀ é gwan fèn, kìn dzə̀ é Jerusalem.

Ŋwàʼ Luk 19:38

Aá kwá jii, «Nyùy Tàr ku səə̀vì Fon wo wù wiy e wùn yir və̀n. Nyùy woó yuv dzə̀ Ŋgaà Nyaáŋ. Á wáa burí Nyùy woó ntoò yùv.»

Maak 11:9

Wír ve vé‑eè du fo mbìy wùn à ve vé‑eè wiy fo bàm adzə̀me wáa ndzəʼ jii, «Fòn wor èy, Fòn wor èy, Nyùy Tàr ku səə̀vì wír wo wù wiy e wùn yir və̀n.

Matio 21:9

Màŋgòŋ wùmòʼ shém fó mbìy, wùmòʼ láŋ bám, aá ndzə́ʼ jii: «Fòn wor èy, Fòn wor èy. Á yén mo Wàn Fòn Davir wiyì. Nyùy Tàr ku səə̀vì wír wo wù wiy e wùn yir. Á wáa burí Nyùy woó ntoò yùv.»

Matio 21:5

«Vèn suúy e wír veé *Sione jii, ‹Vèn yén mo Fòn won wiyì. Wù lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.› »

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Hagay 2:7

M yíi sə sáʼ fo vitúm vi vidzə̀m, e koomé bùʼ wov e dzə̀m, e wìy sho e mǒ lav cù, é vijuŋ ve lav yem ví wáa dzə vigháʼtín.› Suuy mo woo Nyùy Tàr woo Taà Mànjòŋ.

Obadia 1:21

A vé saʼa kù wíy a koʼ e Gwan Sion, é wír veé Gwan Esavi kú a yu sáʼ a dzə̀ fó fo, é vifon vi wáa dzə vé Nyùy Tàr.

Hosea 3:5

Yii bèy, a ghán sí wíy gheén, é wír veé Israyi binkir, a leéy a dzə̀ Nyùy Tàr woo Nyùy wov, e kfə̀n a leéy wír wo wù wíy fəə fo Davir ram, a dzə fon wov. Wíy lòo dzə e ghan sé bàm sí, aáwune wáa koʼtí e Nyùy Tǎr si, a fàn, a yàʼ, a kìʼ kisəəvì a dzə̀ ke fó wun woo Nyùy.

Aysaya 7:14

Mo á tenen ne fóo lon kisəəm fo Nyùy Tàr, bo wúnwun woo Nyùy Tàr lo, e dìn a kisəəm aáwune. Á yuúrí á kijuŋ, wánlè ŋgòn woo shó wíy tiím a bvəm, e dzəə́ wán lumèn, dzəə, é wù shu á yír ji Immanuel.

Nsùyrì Nyùy 118:26

Nyùy Tàr ku səə̀vì wír wo wù wiy e wun yir. Vèr səəvì ven fo Nyùy Tǎr lav.

Kintaŋ 24:17

M yén ŋgaàŋ, a bó wù yòʼ sì lèn. M màʼ sí, a m yén wun ntàmda. Fòn wíy lò fo Jakov ram mo lò sàŋ, kitoómé ké vifòn ki wíy koʼ e Isray. Wù wíy bvəʼtí vitú ve wìr veé Moav, e teè wónlě vilum veé Shet.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Kèʼlo 12:3

M wíy a səə̀vì wír ve á ghvə́m wò, a shov wír ve á roʼ wò. M wíy shaà fo wò, e səə̀vì rám yeé kitu ke nsay e dzə̀m.»

Matio 11:4

Jesus dù, e bìnèr jii, «Vèn kfə́n é bàm, e fèr vinyo ve vèn yú, kfə̀n yén vi e Joon.

Matio 11:10

Dzə̀ Joon və̀n wo vé‑eè saŋen ji Nyùy suuy a jii: « ‹Yuúrí, e yù, m wíy tsənsí ŋgaà wom ntum fo wò mbìy é wù wiy, e nàŋsín dzə́ə yè, é bo à wáa wìy.› »