Matio 11:1 - ŊWÀʼ NYÙY

¹ Jesus tír wón və́ lìm vee nshòv sibaà e ghvə̀m, e màysì, e nèn lò, a ghan e ntèʼ see fó, a yeʼéy wíri.

Matio 11:1 Referans Kwoze

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Ŋwàʼ Luk 8:1

Vishiíy ví lòo tumsín, Jesus wùn à wón və́ lìm vee nshòv sibaà e ghvə̀me nèn lò, a kfən, a ghan e mvə̀m sé laʼ, a ghan e ntèʼ sí. Wù wáa fìʼtì sáʼka Nyùy wo juŋ, a naàrì mo sáʼ Nyùyi dzəə̀n.

Matio 9:35

Jesus nèn lò, a ghan e mvə̀m sé laʼ, e kfə̀n a ghan ntèʼ see fó sidzə̀m, a yeʼéy wíri é ŋgày se bùnrì, a fìʼtì sáʼka wo juŋ woo kùm sáʼ Nyùy. A wù ghán bèy, fer kfəə́ se ayàsí wùn à ndzə́m e dzə̀m.

2 Tesalonika 3:10

Vèn kuúmé nsər ye vèr‑iì foon e vèn é ghan see shooy jii, a wìr tèn fó lìm kifá, lá á yòʼ biìmé saa, é wù yíkír.

2 Tesalonika 3:6

Afə̀r ver, vèr nén a fo sáʼ yímóʼó, a vèr fó a dzə̀ e Taàtá wòsən Jesus Kristu yir ji vèn wáa baàmè a afə́r vesən ve á yii ŋgòy, káy kinyo ke vèr‑iì yeʼeyin ven shó.

1 Tesalonika 4:2

A vèn kì ntir se vèr‑iì tír ven shó e Tàr wòsən Jesus yir.

Lim Aŋgàa Ntum 10:42

wù wáa suúy e vèr ji á wáa fìʼtì kinyo ke Nyùy e wíri, a suúy a jii, Nyùy‑iì lèm a dzə̀ wun woo Jesus ji wír wo wù wíy saʼ nsaʼ wìr ve tine wùn aàŋkfəə.

Lim Aŋgàa Ntum 1:2

e meé e ghan se wù‑uù koʼon é yuv. Bo wù wáa koʼ e yuv, wù‑uù beè Kiyoy ke Ranén kí, e tìr aŋgàa ntum və́ ve wù‑uù shoʼtin.

Joon 15:14

A vèn yú kinyo kém rú, bo vèn sì ŋkar sém.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Matio 28:20

Vèn wáa yeʼéy áwune, aá wáa lèm sa vinyo ve mò‑oò yeʼeyin vèn shó vidzə̀m. Vèn wáa kiíy jii, m kù wíy a dzə vèsən, e dù, e meé e ghan se ndzə wíy mày.»

Matio 7:28

Jesus fèr vinyo vìn vidzə̀m, ví mày, màŋgòŋ wo wù‑uù yuúri wáa ker gháʼ,

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

1 Timoti 6:14

Kú a yiì vinyo vìn vi, a yen fó màʼày kímóʼ kí, a ker bèy, e meé mo Taàtá wòsən Jesus Kristu wíy kfən.

Maak 6:12

Á nèn fəə̀, a ghan, a fìʼtì kinyo ke Nyùy ji wíri wáa bìnèr a melív mev.

Ŋwàʼ Luk 23:5

Áwune ku nèn a tavtí tavtín jii, «Wù‑uù ghán, yéʼey wíri woŋ woo Juda e dzə̀m, bívir vifií vév, aá taʼ melaà. Wù‑uù kèʼ ghán fo mbìv wòŋ yee Galeli, a wù nə̀ə́ ne lèn e ŋkàlaʼ fèn.»