Matio 10:8 - ŊWÀʼ NYÙY

⁸ Vèn kfə́n a fèr vé yàsíi, a yìm aŋkfə, aá wáa fəəkír fo kpu, a fèr aŋgàa shìvnsay, a kàntì anyùy, aá wáa màʼtì wíri. M fò ne vitaáví vin e vèn kisáŋ, vèn du ri, a sə sa wíri shó kisáŋ.

Matio 10:8 Referans Kwoze

Lim Aŋgàa Ntum 3:6

Pita suúy shó jii, «Bó m yòʼ kér mbàm gheéy, a mo‑óò fó wò kém kee kifá ke m kérí. M suuy e wò e Jesus Kristu woó Naasarer yir jii, lò, a ghan.»

Lim Aŋgàa Ntum 4:30

Ku yiì, é vèr wáa fèr wíri, a yiì viŋgaʼnìn ve vinyò e Jesus woo Ŋgaà wò Lìm wo juŋ yir, é wíri wáa yen vitaáví vé.»

Ŋwàʼ Luk 10:9

Vèn wáa fèr vé yàsíi é ntèʼ fóo fèy, e kfə̀n a fìʼtì ji ghán se Nyùy sí wìy a saʼ vifon və́ e wír vee shooyí mvəm sí sì á fo mentsə̀m.

Matio 10:1

Jesus wìy lò, e yòŋrì wón və́ lìm vee nshòv sibaà e ghvə̀m. Á wìy, wù fó áwune vitaáví jii, á wáa kàntì anyùy, aá wáa màʼtì a wíri, aá kfə́n a fèr a kfəə́ se yàsí wùn à ndzə́m e dzə̀m.

Maak 16:18

A wìr fə̀m wìy ghàr yó e kiwó ki, kìn wù nò a dzə̀ ndzəʼ, é la wù yòʼ lèm. Wìr láʼ kiwó e ŋgaà yàsí wùn, é wù bónén.»

Kintaŋ 18:7

Yii bèy, lóo dzə lim ye dzəə̀n yé taà cù, bo kù yii vèn à wón vée yee shooy. Kinyo kee kùm kíy cù kidzə̀m, à keé bǎm ràŋ ki, bo kù yii ven. M fò ne kinyo ke atàá cù e vèn ji yén yee lim. A wìr wo sən kòʼtí e ghaa vifa vee jeéy ví, á kù yùyrí ŋgaàŋ.»

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.

Matio 10:7

Kinyo ke vèn wáa ghan, a fìʼtì ki dzə̀ jii, ‹Ghán se Nyùy sí lo, a saʼ vifon və́ sí sì á fo mentsə̀m.›

Matio 10:9

Vèn lóo ghan, lá wìr yòʼ wày mbàm e vikuuví, a fə̀m dzə̀ se ŋeerín sí.