Á wìy, e nə̀ə́ e lav, e nèn tòsín, e kòʼ e yee fó yuv fo áwune‑eè bee. A vé‑eè dzə̀ jii, Pita, Joon, Jeem wùn Andru, Filiv wùn Tomar, Batolome wùn Matio, Jeem woo wan Afiyur, à Simon wo vé‑eè yoŋ ji ntom wòŋ, wùn à Judar woo wan Jeem.
Wù yiì lò, e lòo dù, e yèn wír wùmòʼ, aá yoŋ ji Levi woo wan Afiyur, a dzə̀ wír wo wù yii báʼti mbàm se bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.» Levi ku nèn lò, wùn à Jesus wáa ghan.
Jesus lò fo fo, e lòo dù, e yèn wír wùmòʼ, aá yoŋ ji Matio, a dzə̀ wír wo wù‑uù báʼti mbàm se bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.» Matio nèn lò, wùn wun wáa ghan.
wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.
Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.
Áwune kfən lòo yen mo Nyùy rə́si sə́ mo, a kinyo kfə́ kí du fo mbìy, Jeem wùn à Pita, à Joon ve vé‑eè yoŋ ji ntom se kintatìi nèn fò kiwó e vèr Banabar ji vèr áwune lim a lim e mòʼón, e bìnsí ji vèr wáa dù rì fo wír ve bó yòʼ dzəə̀n veé Judàa, aáwune wáa dù kév á fo wír veé Judàa.
Wù nəə́, e sə̀r áwune e kiwó ki, a fèr mo Nyùy kì yiìn, e bóo fəə́r wun fo sháŋ. Wù màysì, e sùúy jii, á fiʼti á kinyo kee shooy e Jeem, e kfə̀n fìʼtì aàŋgàa biimée adzə̀m, e nèn lò, a dù fomóʼó.
Jesus nèn lò, e fəə̀, a ghan. Wù lòo dù, e yèn wír wùmòʼ, aá yoŋ ji Levi, a dzə̀ wír wo wù‑uù báʼti mbàm se *bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.»
Judar wùmòʼ, a bó yòʼ dzə̀ wo á yoŋ ji Iskariyor və̀y, nèn dzə̀r jii, «Tàr, kí ghàn é le, bo à wáa suúy ji à wíy dìn kitú ké a dzə̀ e vèr, e làa yòʼ dìn e wír veé ndzə fène adzə̀m?»
Jesus yòŋ jii, «Filiv, m rə́si dzə́ vèsən, e kèʼ fo ŋgùʼ, a bó à yòʼ kì mo m dzəə̀n a? Wìr wo wù yenen mo, yèn a dzə̀ Tàr wor. A dzə̀ à kfə̀n a suúy ji m din Tàr wor dínen e vèn é le?
Wù du, e tèn fó yu kinyo ke áwune suuyì, wù lì kinyo kee shooy lèn, e dù, e neèr e kintatì kí si. Wù kfə́n du, kinènè, á màʼtì dzə́ə rə, a leʼ wun léʼén moo wir kitum, kìn wír wo wù sov mbàm se *bàràʼ.
Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.
Wìr wo wù‑uù báʼti mbàm se bàràʼ və̀y ku tìím kfə́ a dzə̀ fó bàm, e jòór kitú, e wày wóm, a lon jii, ‹Éè Nyùy, ku rə̀r mendzən mem mè, mo woo ŋgaà vinyò ve bi ví.›
Nataniar dzə́r jii, «À ghàn é le, e bóo kiíy mo m dzəə̀n?» Jesus bìnèr jii, «Kú a kiíy jii, bo Filiv wiy, a jàŋ wò fo sar kici ké *fig, a m kì kì ji à dzə̀ á fo.»