Matio 10:2 - ŊWÀʼ NYÙY

² A yír sé aŋgàa ntum vee nshòv sibaà e ghvə̀m vìne dzə̀ jii, wo mbìy dzə̀ Simon wo á kfə̀n yoŋ ji Pita. Wùmòʼ ji Andru woo fər Pita. Ámóʼó Jeem wùn Joon vee wón Sebedi,

Matio 10:2 Referans Kwoze

Lim Aŋgàa Ntum 1:13

Á wìy, e nə̀ə́ e lav, e nèn tòsín, e kòʼ e yee fó yuv fo áwune‑eè bee. A vé‑eè dzə̀ jii, Pita, Joon, Jeem wùn Andru, Filiv wùn Tomar, Batolome wùn Matio, Jeem woo wan Afiyur, à Simon wo vé‑eè yoŋ ji ntom wòŋ, wùn à Judar woo wan Jeem.

Matio 4:21

Wù lòo koʼtí shishàr, e nèn kfə̀n yèn afə́r ámóʼó abaà, a dzə̀ Jeem wùn Joon vee wón Sebedi, a wùn à tàr wov dzə́ e kikoŋ, náŋsin alálán vév. Wù kfən jàŋ sa áwune.

Joon 12:22

Filiv nèn dù, e bì Andru, wùn wun dù, e sùúy e Jesus.

Joon 6:8

Wùmòʼ woo wan lìm nèn njàʼàm, a dzə̀ Andru woo fər Simon Pita, e sùúy e Jesus jii,

Ŋwàʼ Luk 5:10

Aŋgaà və́ ŋgoo ve yì‑iì dzəə̀n Jeem wùn Joon vee wón Sebedíi wáa ker sa gháʼ. Jesus suúy e Simon jii, «Lá à yòʼ a fàn. Kèʼ fo lèn, à yíi a baʼtí a dzə̀ wíri.»

Matio 4:18

Wìy lòo dzə e kishiíy kímóʼ kí, Jesus wáa ghan e ghaa kibaŋ keé Galeli, e yèn wír abaà, a dzə̀ fə́r wùn fə̀r. Wùmòʼ‑oò dzə̀ Simon wo á yoŋ yír yímóʼó ji Pita, wùmòʼ Andru, aá maʼ lálán, bìʼ fo kéŋ yéví‑iì dzəə̀n sə́.

Ŋwàʼ Luk 11:49

Á kinyo ke kí‑iì yiìn, bo Nyùy woo Taà Vifiì suúy jii, ‹M wíy tum aŋgàa ntum vém fo áwune, aá yúyrí ámóʼó, a nə̀ʼsì ámóʼó.›

Ŋgaà Yen 1:9

Mo woo Joon dzə̀ fə́r won wo vèsən tatin é kinyò ke Jesus Kristu. Vèsən nén a yen ŋgeʼ bìʼ wun wír adzə̀m. Yii bèy, á kú a dzə ji nyaáŋ, a yu a dzə̀ fó fo, a kiíy ji vèsən sì á wír və́, aá nə̀ə́ ne e wun mvə̀m vifòn. Mo m kù‑uù sí tíy a dzə̀ e Nyùy kinyò, fiʼtì kinyo ke Jesus Kristu, á nèn koò mo, e shìvìr e shiwòŋ shímóʼ shí é ntìntìn ndzə̀v, aá yoŋ ji Pamor.

2 Joon 1:1

Sàŋ mo woo taà kintatì ŋwàʼ və̀n fo wò, Yìy à Wíri. Shòʼ Nyùy wò. A m sáŋ a dzə̀ fo vèn à wón vée. M koŋ ven é ŋàŋ, bìʼ fo vèsən sí tíy e kinyò ke ru kí adzə̀m. A kù dzə̀ mo wìr wo wù kiìn kinyo ke ru kí e dzə̀m koŋ ven.

2 Pita 1:1

Ŋwàʼ və̀ne sàŋ mo woo Simon Pita. M dzə̀ ŋgaà lìm Jesus Kristu, e kfə̀n a dzə ŋgaà ntum və. A m sàŋ a dzə̀ fo vèn adzə̀m ve á tíy e kinyò kee shó ke ver vee aŋgàa ntume tíy sho. Dzə̀ kinyo feyì feyì, a wày sá Jesus Kristu e věn kiwo, bìʼ fo wù kù yii yii kinyo kfə́ réŋ. Dzə̀ wun Nyùy wòsən, kfə́n a dzə Ŋgaà Lùŋèr wòsən.

1 Pita 1:1

Ŋwàʼ və̀ne sàŋ mo woo Pita wo dzəə̀n ŋgaà ntum Jesus Kristu. A m sàŋ a dzə̀ fo wír ve Nyùy shoʼon ji və́ ve á sàmèrìn wún, a beè e wòŋ see Pontur wùn à Galatia, à Kapadosia, à Asia, e lì woó Bitinia.

Hibru 3:1

Afə̀r vem, mo vèn siìn wír Nyùy, a lì wun ven ji və́ vee wír, vèn kú a kuumé wír wo dzəə̀n Jesus. Dzə̀ wun wo Nyùy‑iì tumen, wù wáa dzə taà cù wòsən wo kuʼùn fó kinyò ke Nyùy ke vèsən tíy sho.

Efesor 4:11

Mo wù kfənen, e nèn jàv ambùʼmé e wíri é kitu kitu. Wù bùʼ ámóʼó, á wáa dzə aŋgàa ntum və́, ámóʼó wáa yu kinyo fo Nyùy, a tiisí e wíri, ámóʼó wáa fìʼtì kinyo kfə́ e wír ve bó á yòʼ kiìn Nyùyi, ámóʼó wáa leéy fo kintatì ke wìr Nyùy ki, ámóʼó wáa yeʼéy kintatì.

1 Korin 15:7

Wù kfən dìn sa kitú kfə́ e Jeem, e kfə̀n wìy lò, e dìn aàŋgaà və́ ntume, aá báʼtí ne adzə̀m.

Lim Aŋgàa Ntum 12:2

Wù suúy, á gwàr Jeem woo fər Joon.

Lim Aŋgàa Ntum 3:1

Wìy lòo dzə e kishiíy kímóʼ kí moo shúy sitaár bèy, a sì ghán sé bùnrì, Pita wùn Joon wáa koʼ e lav cù.

Lim Aŋgàa Ntum 1:26

Á bùnrì bèy, e shwèŋ, kí koó Matiar. Á nèn wày wun aàŋgàa ntum Jesus vee nshòv mòʼón e ghvə̀mé ŋgoo.

Joon 21:24

A kù dzə̀ wan lìm Jesus woo shooy wo wù‑uù yenen vinyo vìn vidzə̀m, e sàŋ é ŋwàʼ fèn, a vèr kì ji kinyo ke wù fer kìn ki dzə̀ á ke ru kí.

Joon 21:20

Pita lòo bìnkìr, e yèn wan lìm wo Jesus‑eè koŋ e ŋàŋ və̀y, a wù wiy fo bàm. A dzə̀ wun woo shó wo wù‑uù yeʼemen e Jesus wùn é ghan se wùn áwune‑eè yikin, e jòʼsì, a dzər ji «Tàr, ku sùúy wír wo wù yíi kar menàŋ e wò bàm.»

Joon 21:2

wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Joon 20:2

Wù nèn bìnkìr, e lèʼ, e dù, e yèn Simon Pita wùn wàn lìm wo Jesus‑eè koŋ e ŋàŋ və̀y, e sùúy jii, «Á shàʼàr ne dzə́n Taàtá Jesus fo sày fèy, a bó vèr yòʼ kì fo á lèmèn.»

Joon 13:23

Aá kì dzə́ bèy, a wùmòʼ woo wan lìm wo Jesus‑eè koŋ e ŋàŋ, kì dzə̀ʼə̀m, e yèʼém e Jesus wùn.

Ŋwàʼ Luk 22:14

Ghán sí yiì ghèén, Jesus wùn aàŋgàa ntum vəə́ nèn wìy, a yikír.

Ŋwàʼ Luk 22:8

Jesus túm Pita wùn Joon jii, «Vèn du, e nàŋsín wan njiì wo vèsən yíi yi kiŋkàʼ kee shooy sho.»

Ŋwàʼ Luk 9:10

Aŋgàa ntum Jesus vìyi ghán, e kfə̀n é bàm, e fèr vinyo ve áwune‑eè yiìn vidzə̀m e Jesus. Wù yuúrí, e lò, e lì, wùn áwune bàr wún, a dù e mvə̀mlaʼ yee Besayda.

Maak 13:3

Wù nèn kòʼ é Gwan Vicì vé Oliv, e dzə̀ʼə̀m e mbìv yé a yen lav cù fo ròŋ. Pita wùn à Jeem, à Joon, à Andru bàr wún fo wón və́ lìm ámóʼó, e wìy, e dzə̀r shó jii,

Maak 1:29

Jesus yiì fəə̀ fó ŋgày bùnrì fèy, e dù e Simon wùn Andru lav, a Jeem wùn Joon kì du sa wùn áwune.

Matio 26:37

Wù lì Pita wùn à wón Sebedi vee abaà, wùn áwune tsə̀ʼ wún. Wù nèn kèʼ, a rə̀m kinyo ke kí yíi koóy, shilív sə́ shí wáa buʼ.

Matio 20:20

Yìy à wón Sebedi nèn wìy e wón vəə́, e tsə̀m e Jesus si ji wun lón a kifá.

Matio 17:1

Kishiíy kí shaà ntuùfú, Jesus lì Pita wùn à Joon, à Jeem woo fər Joon, wùn áwune bàr wún, e kòʼ é kitu ke gwan wo da wùmòʼ.

Ŋgaà Yen 22:8

Mo woo Joon wo m saŋen vinyo vìn nén a suúy jii, ví dzə̀ ben, a mò‑oò lo yèn e sí yémé, e kfə̀n yù e vituʼùr vém ví. Mo kí kooyin bey, m nèn gbù e nshìylav Nyùy ye yì dìnèn mo vinyo vìn si ji m sí fó ghvə́m sho.

Ŋgaà Yen 1:1

Kinyo ke kí dzəə̀n é ŋwàʼ fèn ki dzə̀ ke Nyùy‑iì ghemrin ndzə e Jesus Kristu ji wù din e wír vəə́ mo vinyo vi yíi rəʼtí, a koóy. Kristu nèn tùm nshìylav rə, yì wìy, e yèn Joon woo ŋgaà lìm və, e dìn vinyo vee shooy sho.

3 Joon 1:1

Sàŋ mo wo dzəə̀n taà kintatì ke wìr Nyùy ŋwàʼ və̀n fo wò Gayur. À dzə̀ ŋkar yem féyì. A m koŋ wò, bìʼ fo wòsò tíy e Nyùy kinyò ke ru kí adzə̀m.

Ŋgaà Yen 18:20

Wír vìn adzə̀me lóo dìy bèn, é wír ve á dzəə̀n é yuví wáa sheʼrí kév sheʼrín. Wír Nyùy wùn aàŋgàa ntum Jesuse wíy a sheʼrí adzə̀m, bìʼ fo Nyùy bìnèn ne nsaʼ yev, e màʼ ŋgeʼ e ŋkàlaʼ rə̀n kitu.

Maak 6:30

Aŋgàa ntum Jesus vìyi kfə́nkír, e yèn wun, e fèr vinyo vidzə̀m ve vé‑eè yii, kfə̀n yéʼey wíri shó.

Joon 6:67

Jesus lò, e dzə̀r sá e wón və́ lìm vee nshòv sibàá jii, «Vèn taʼ, a dù sa mo vísəə du à?»

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 6:71

A wù‑uù suuy kinyo kìn a dzə̀ e Judar woo wan Simon Iskariyor kitu. A dzə̀ wír fo vee nshòv sibaà e ghvə̀m vìyi wo wù‑uù wíy kar menàŋ e wùn bàm.