Matio 10:1 - ŊWÀʼ NYÙY

¹ Jesus wìy lò, e yòŋrì wón və́ lìm vee nshòv sibaà e ghvə̀m. Á wìy, wù fó áwune vitaáví jii, á wáa kàntì anyùy, aá wáa màʼtì a wíri, aá kfə́n a fèr a kfəə́ se yàsí wùn à ndzə́m e dzə̀m.

Matio 10:1 Referans Kwoze

Ŋwàʼ Luk 10:19

Vèn yén ri lèn, m fò ne ven vitaáví, vèn wáa nyèŋrì abúv wùn aàŋgámé, e kfə̀n fò ven vitaáví, vèn gháʼ dzə́ə sé Satan woo ŋgaà menàŋ sidzə̀m, a bó yòʼ dzə̀ kinyo ki sə̀ʼ ven gheéy.

Ŋwàʼ Luk 24:49

Vèn wáa kiíy jii, m yíi tsənsí ven mbùʼmé wo Tàr wor‑iì kàʼàn ven shó. Kí nén a dzə jii, vèn goʼ é mvə̀mlaʼ fèn, e dù, e meé e ghan se Nyùy wíy fo ven vitaáví ve ví loòn fó yuv.»

Lim Aŋgàa Ntum 1:8

Ke vèn wáa kiíy ki dzə̀ jii, Kiyoy ke Ranén kí wíy wìy fo vèn, é wù fó ven vitaáví, é vèn wáa fìʼtì mo m dzəə̀n. A vèn wíy a fìʼtì e Jerusalem, e kfə̀n a fìʼtì woŋ wìr veé Juda e dzə̀m, a fìʼtì sa e wòŋ *Samaria, e dù, e meé fo nsay jòʼsìn.»

Joon 3:27

Joon bìnèr jii, «Kù fó Nyùy lim wìr ye wù wáa lìm.

Ŋwàʼ Luk 6:13

Ndzə rán, wù jàŋrì aŋgaà və́ ŋgoo adzə̀m. Á wìy, wù shóʼtí ámóʼó nshòv sibaà e ghvə̀m, e yòŋ ji *aŋgaà və́ ntum.

Ŋwàʼ Luk 21:15

Wíy way mo jí si e věn shuù, e fo ven vifií, a bó yòʼ dzə̀ aŋgaà vén gòvi wìy kìíy mó a bìnèr, a kìnèn kinyo kén.

Lim Aŋgàa Ntum 19:15

Á suuy bèy, nyùy woo shooy nèn dzə̀r jii, «M kì Jesus, e kfə̀n kìíy Por. Vèn dzə̀ kén ala?»

Joon 17:2

Wò‑oò tàtí ne wír adzə̀m ji á wáa yu a dzə̀ fo mò woo Wán, é m wáa fo dzəʼə̀m yee là may a dzə̀ e vee shooy ve à shoʼon, e fò ji vémé.

Joon 6:70

Jesus bínér jii, «Mo m fə̀m‑eè liìn ven vee wír nshòv sibaà e ghvə̀m ji wón vém, vèn wáa kiíy ji wùmòʼ sì á wan Satan.»

Joon 3:35

Nyùy Tàr koŋ Wán və, a wù wày ne vinyo vidzə̀m a dzə̀ e wùn kiwo.

Ŋgaà Yen 12:1

M yén, aá din kileèy ke kinyò kímóʼ kí é mbàʼ, m yén vinyo ve tavkín ví. Wiíy wùmòʼ fəə́ fó, a shùy njaʼkìr fo wùn wó, a dzə̀ ndzə̀y sə́ bey, a wúu rəə́ tíy a dzə̀ é ŋwee, a wù sóv ntáráʼ é kitu, a dzə̀ shijiy nshòv sibaà e ghvə̀m.

Matio 26:47

Kù mo Jesus suuy bèy, Judar woo wír fo wìr vee nshòv sibaà e ghvə̀me nèn bvə̀y wùn à ŋgoo wìr ve vitú ve atàá cù wùn à vé wòŋe tumen. Aá wiy, kér nyùy sí wùn à vibur vi.

Matio 26:20

Yiì lòo dzə e ŋkuùr, Jesus wùn à wón və́ lìm vee nshòv sibaà e ghvə̀me tár fó adzə̀m.

Matio 19:28

Jesus bìnèr jii, «M suuy kinyo ke ru kí e vèn jii, ndzə ye fíy wíy wìy, a ŋgaà wo yírí dzəə̀n *Wanwìr və̀n kóʼ ne e wùn kàvàʼ wo Nyùy foon, é wù nèn fò sá kàvàʼ nshòv sibaà e ghvə̀m, é ven ve vèn áwune ghán e nsay fène wáa dzə sa sho, a saʼ rám yeé Isray yee nshòv sibaà e ghvə̀m.

Matio 6:13

Lá à yòʼ màʼtì, é vinyo ve ví mum ver ví gháʼ ver. Kìŋsìn ver fo Satan woo ŋgaà vinyò ve bi ví.›

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Matio 9:35

Jesus nèn lò, a ghan e mvə̀m sé laʼ, e kfə̀n a ghan ntèʼ see fó sidzə̀m, a yeʼéy wíri é ŋgày se bùnrì, a fìʼtì sáʼka wo juŋ woo kùm sáʼ Nyùy. A wù ghán bèy, fer kfəə́ se ayàsí wùn à ndzə́m e dzə̀m.

Matio 9:38

Vèn ku nèn a lon fo taà sùm ji wù tsə́nsí vé lìme, aá káv vifá və́ vee shooy.»