Matio 1:2 - ŊWÀʼ NYÙY

^2-17 Atǎr rám Jesus ve vé‑eè loòn fo Abraham, e dù, e mèé e Fòn Davir wùné nén a dzə jii, Abraham, Aysi, Jakov wo dzəə̀n tàr à Juda wùn aàfə́r vəə́, Juda, Peres wùn Sera ve yè wov dzəə̀n Tamar, Hesron, Ram, Amminadav, Naashon, Salmon, Boas wo yè wov dzəə̀n Rahav, Obed wo yè wov dzəə̀n Rut, Jessi, e lì Fòn Davir. Á ló fo Fòn Davir, e dù, e mèé e ghan se vé‑eè koorin wír veé Isray, e dù, e lèm e wòŋ Babilon, atǎr ram rəne wáa dzə jii, Davir, Solomon woo wan Davir, a yè wov‑iì dzə̀ wiiy Uria. Atǎr ram ámóʼó kfə́n a dzə jii, Rehoboam, Abija, Asa, Jehoshafat, Joram, Ussiya, Jotam, Ahas, Hesekiya, Manasse, Amon, Josia, e lì Jekonia wo wùn aàfə́r vəə́ dzəə̀n wón Josia. Á ló fó ghan se wír veé Israyi‑iì dzəə̀n é Babilon sìn, e dù, e mèé e ghan se vé‑eè dzəən Jesus, á wáa dzə sa jii, Jekonia, Shealtiel, Serubbabel, Abiyur, Eliakim, Asor, Tsadok, Akim, Eliyur, Eleasar, Matan, Jakov, e lì Joosev wo yì‑iì dzəə̀n lum Maria woo yìy à Jesus, Jesus wo á yoŋ ji Kristu, a dzə̀ ji *Mfə̀ə́r. Rám à Jesus rə̀ne nén a dzə viŋkàŋ vitaár, a kiŋkàŋ kimòʼón ki kér atǎr ram nshòv sikweè e ghvə̀m, nshòv sikweè e ghvə̀m.

Matio 1:2 Referans Kwoze

Lim Aŋgàa Ntum 7:8

Nyùy nèn kfə̀n fò Abraham kisəəm ké *mensàŋ mee shooy, a dzə̀ *mbèʼ se saŋén sí. Abraham wìy dzə̀ə́ Aysi, kishiíy kí meé waamé, wù nèn nàŋsín. Aysi wìy nàŋsín sa wán və woo Jakov, é bo Jakov wìy nàŋsín wón və́ vee nshòv sibaà e ghvə̀m ve dzəə̀n atǎr ram yesən.

Kèʼlo 25:26

Fo bàm, fər Esav nèn a fəə, a wù bám nsən kiwuù Esav, áwune fó rə́ yee yír ji Jakov. A Aysi‑iì dzə̀ kiyá mntuùfú é ghan se Rebeka‑aà dzəən wón vin.

Ŋgaà Yen 7:5

Rám e mòʼón mòʼóne wáa ker wír nsə̀kì nshòv sibaà e ghvə̀m, nsə̀kì nshòv sibaà e ghvə̀m (12,000). A rám yee shooyi dzə̀ jii, rám Juda, rám Ruben, rám Gad, rám Asher, rám Navtali, rám Manasse, rám Simeon, rám Levi, rám Issakar, rám Sebulun, e lì yé Joosev wùn à Benjamine.

Hibru 11:11

Sara wáa dzə, a wù‑uù wày sá shilív e Nyùy wùn, Nyùy nèn yiì, wù tiím bvəm, a ghán sə́ sí‑iì bàŋrìn ne se dzə̀ wù kfə̀n dzə̀ə́. A Nyùy‑iì yii bèy, bìʼ fo Sara‑aà yú kfə́ a dzə̀ fo wun wo wù‑uù kàʼàn wun e kinyò fèn.

Aysaya 51:2

Vèn ku shoòshí tàr won woo Abraham wùn Sara, áwune ve vèn fəən fo áwuné bvə̀m. Mò‑oò shòʼ Abraham, a wù dzə̀ə́ e sí rə́ kituu, e nèn səə̀vì wun, rám rəə́ táʼám.»

Aysaya 41:8

Yii bèy, wír veé Isray, vèn dzə̀ vé lìm vém. Ven vee rám Jakov, m shòʼ ne ven ji wír vém. Vèn dzə̀ rám Abraham wo yì‑iì dzəə̀n ŋkar yem,

1 Wòŋ 1:34

Abraham‑eè dzə̀ə́ Aysi, wù wáa ker wón abaà, a dzə̀ Esav wùn Isray.

1 Wòŋ 1:28

Abraham‑eè kér wón abaà, a dzə̀ Aysi wùn Ishmael.

Kèʼlo 25:19

Rám Aysi woo wan Abrahame rə̀ne. Abraham‑eè dzə̀ə́ Aysi,

Kintaŋ 1:26

Fo rám Juda, wìr dzə̀m woo kèʼ fó kiya mbaà, a dù duùn fó mbìy, wo yì‑iì dzə̀ wù dù rə́r, á sáŋ yír sév é kitu kitu mo kfə́ə sév sí dzə̀kìn e vitǎr vitàr,

Matio 1:1

Kin ki dzə̀ yír sé atǎr rám Jesus Kristu wo dzəə̀n wán woo Fòn Davir ram, a Fòn Davir və̀n‑eè ràm fo Abraham.