Maak 9:9 - ŊWÀʼ NYÙY

⁹ Wùn áwune yiì lòo səy fo gwan foo fèy, wù kàntì jii, á wáa yen a fó wìy suúy kinyo ke á yenen e wìr, e meé e ghan se ŋgaà wo yírí dzəə̀n *Wanwìr və̀n wíy fəə fo kpu.

Maak 9:9 Referans Kwoze

Maak 5:43

Jesus kàntì áwune jii, á wáa yen fó yiì, é wìr kiíy á kinyo ke wun yiìn kin. Wù kfən sùúy jii, á taʼ á kifá, e fò e wàn, é wù yí.

Matio 12:40

Mo Jona‑aà shiiyin e sə bvə̀m vishiíy vitaár, à shùy, à vitsə́ʼə́, dzə̀ sá réŋréŋ mo ŋgaà wo yírí dzəə̀n *Wanwìr wíy shiíy e loònsay vishiíy vitaár.

Ŋwàʼ Luk 24:46

Wù wáa suúy jii, «Kinyo ke vé‑eè saŋen kí dzə̀ jii, Mfə̀ə́r wo Nyùy‑iì kàʼàn kù‑uù kér fó wìy yen ŋgeʼ, e kpu, vishiíy ví mee vitaár, é wù fəə́ fó kpu.

Matio 27:63

e yòŋ jii, «Wìr wo kuʼùn, vèr kù dzəə́ kuúme kinyo ke sə́ŋgúm və̀y‑iì rə́si suuy e ghan se wù‑uù dzə̀ə́ e tin. Wù‑uù suuy jii, vishiíy ví wíy meé vitaár, é wun fəə́ fó kpu.

Matio 16:21

Kèʼ fo ghan see shooy Jesus nèn kèʼ, a naàrì e wón və́ lìme jii, «M kér fó dù e Jerusalem. A kinyo ke kí wíy koóy mo fó ki dzə̀ jii, m wíy yen ŋgeʼ sinín e vé wòŋe wùn à vitú ve atàá cùu, à wír ve á duŋrì nsər Nyùyí wo, aá yúyrí mo, vishiíy ví mee vitaár, é Nyùy fəə́r mo fó kpu.»

Matio 12:19

A bó wù yòʼ wíy a fìʼtì, a taŋnín, a ghan, a yòr. A bó á yòʼ wíy a yu jí rə é mentàrnín.

Matio 8:4

Jesus kàntì ji wù wáa yen a fó dù, e suúy e wìr. Wù ku dù duùn tìítiy, e dìn a wún və́ e taà cù, e kfə̀n fò á kifá ke cù ke Mooser‑iì suuyin ji wìr bónen fo yàsí fèn, wù fò. Wù yii bèy, é wìr dzə̀m nèn kìíy a ji wù bònén ne.

Maak 7:36

Jesus kfə́n fo wír vìyi, e kàntì fo á fer kinyo kee shooy e wìr. Mo Jesus kàntìn bey, á ku nèn màysì, a fèr kinyo kee shooy férin.

Maak 9:8

Áwune ku lò ji á leeyì, e làa yòʼ dzə́ə yen wír aáwuné ghaŋ, ku jòʼsì Jesus.

Maak 9:10

Áwune yú bey, e kù nèn lèm aáwuné bvə̀m, e bóo kfə̀n a ghaynín jii, wù sà suuy ji wun wíy fəə fo kpu, a fəə́ yee fó kpu rə̀ne dzə̀ rəné á?

Ŋwàʼ Luk 9:36

Jì yee shooy súŋnín, e sə̀sín, á nèn yèn, a Jesus kfə̀n sí tíy fo wùn mòʼón. Mo áwune yenen kinyo ke kí kooyin é gwan foo fèy, e yiì lòo dù, e làa yòʼ fèr kinyo kimòʼón e wìr gheéy e ghan fóo fèy.