Maak 9:7 - ŊWÀʼ NYÙY

⁷ Kù mo wù suuy bèy, mbàʼ yìmòʼ nèn wìy, e tìím aáwuné kitu. Áwune yú, a jì wìr súŋnín fó mvə̀m mbàʼ foo fèy jii, «Və̀n dzə̀ Wán wom, m koŋ wun feyì. Vèn wáa yuurí kinyo a dzə̀ kfə́.»

Maak 9:7 Referans Kwoze

2 Pita 1:17

Tàr wov Nyùy‑iì din vikuʼùy və́ vé saʼ, a vèr dzə̀ fó. Vèr yú mo wun wo dzəə̀n Vitú ve Saʼ suuy kùm Jesus jii, «Və̀n dzə̀ Wán wom. M koŋ wun e ŋàŋ. Wù bòŋ mo féyì.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Maak 1:11

Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

Hibru 2:1

Mo Wàn Nyùy shaàn vifá veé yuv vidzə̀m, vèsən ku nèn màysì, e wày vifií é kinyò ke vèsən‑eè yuun fo wun, fó bìn e dzəə ye sən.

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Lim Aŋgàa Ntum 8:36

Wùn wun kú a dù e dzəə. Á meé é kirə̀ʼ kímóʼ kí, a ndzə́ví dzə̀ fó, wìr wo kuʼùn və̀y suúy jii, «Ndzə́ví rə̀ne, a dzə̀ kfə̀n jìvír ka fo à wáy mo é ndzəv?» [

Lim Aŋgàa Ntum 7:37

Kfə́n a dzə Mooser woo shooy wo wù‑uù suuyin e wír veé Israyi jii, ‹Nyùy wíy tum ŋgaà ntum və wùmòʼ fo věn wùn moo mo, a wíy a dzə̀ wír fo věn mvəm.›

Lim Aŋgàa Ntum 1:9

Wù suúy bey, Nyùy ku nèn lì wun e yuv, aáwune yéné. Wù kóʼ, e làynìn e mvə̀m mbàʼ.

Joon 19:7

Wír veé Juda vìyi bìnèr jii, «A dzə̀ mo yéer yee nsər suuyì, bo wìr və̀n kù kér fó kpu, bìʼ fo wù yoŋ kitú kfə́ ji Wan Nyùy.»

Joon 9:35

Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»

Joon 5:37

Tàr wor wáa tum mo, a wù‑uù sí rə́si naarì mo m dzəə̀n, a bó vèn yòʼ yii yú mo wù súŋninè, a bó á yòʼ yén sa mo wù dzəə̀n.

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

Joon 1:49

Nataniar nèn yòŋ ji «Ŋgaà Yèʼey, à dzə̀ rú Wan Nyùy. À dzə̀ Fon woó Isray.»

Matio 27:54

Mo Jesus kpuun, kitú ke vé rər wùn à wír və́ ve vé‑eè shiy fo vé‑eè taan Jesus e kintame yú mo nsay səʼ bèy, e kfə̀n yèn vinyo ve ví‑iì kooy vidzə̀m, shuu wóví yúm, á wáa suúy jii, «Wìr və̀n‑eè dzə̀ rú Wan Nyùy.»

Matio 27:43

Wù‑uù dzə́ ji wun wày shilív e Nyùy wùn, a Nyùy kòŋ, wù sə̀ wun lèn. Bó yòʼ‑oò suuy wun ji wun dzə̀ Wan Nyùy à?»

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Nsùyrì Nyùy 97:2

Nyùy Tàr laynìn e mvə̀m mbàʼ ye sənér. Wù laynìn e ndzə ye yì sə́n ji cùm, sáʼ vifon e dzəə yee tìítiy, là kiloʼ.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Ŋwàʼ Fəə 40:34

Mbàʼŋkfəə́mé nèn gbù, e sə̀tí *kibàn ké ntàsín, rán Nyùy Tàrí rún é kibàn fó mvəm,

Ŋwàʼ Fəə 24:16

Rán Nyùy Tàrí sə́y, a ban e kitu ke gwan, a wír veé Israyi yén kév rán Nyùy Tàr, a yí dzə̀ moo və́y wo wú baári e kitu ke gwan. Mbàʼ kú a sùm fó, e dù, e mèé kishiíy ntuùfú. Lòo meé e kee saàmbà ki, Nyùy Tàr súŋnín fó mvə̀m mbàʼ, e jàŋ Mooser.

Maak 9:6

Pita wáa tùʼtìn a suúy bèy, a dzə̀ bìʼ fo áwune‑eè fan e ŋàŋ, wù ku nèn a tàʼ ji wun baʼ kinyo fo shuù.

Maak 9:8

Áwune ku lò ji á leeyì, e làa yòʼ dzə́ə yen wír aáwuné ghaŋ, ku jòʼsì Jesus.

Ŋwàʼ Luk 3:22

Kiyoy ke Ranén kí sə́ʼə́y fó fo e njà kibìŋ, e tìím e wùn kitu. Jì wìr súŋnín fó yuv jii, «À dzə̀ Wán wom, m koŋ wò feyì, m shéʼri wò e ŋàŋ.»

Joon 12:28

Wù nèn yòŋ jii, «Tàr, ku yiì, é wíri wáa ghvəm a dzə̀ yír yé.» Jì Nyùy nèn sùŋnín fo yuv jii, «M yiì ne, á wáa ghvəm, a m kfə̀n wíy yiì.»