Maak 9:5 - ŊWÀʼ NYÙY

⁵ Pita nèn tùʼtìn, e sùúy e Jesus jii, «Tàr, kí bòŋ feyì mo vèsən áwune dzəə̀n fen. Ku sùúy, é vèr baʼri táv fen e taár, wúmóʼó ji wó, wúmóʼó wó Mooser, wúmóʼó wó Elija.»

Maak 9:5 Referans Kwoze

Filipi 1:23

M sí dzə́n a dzə̀ tùʼtàn, a m sí taʼ lèn feyì ji m ku màʼtì dzəʼə̀m rə̀n, e dù, a dzə a vèr Kristu. Á yee shoon yee dzəʼə̀m ye yí bòŋèn, e shaà.

Matio 23:7

Aá kfə̀n koŋ fó a ghan, a kar e virə̀ʼ vé way, é wíri wáa shàʼtì áwune, a shòŋrì jii, ‹Ŋgaà yèʼey, ŋgaà yèʼey.›

Nsùyrì Nyùy 84:10

Kishiíy ke wìr rəsin e wò lav kimòʼón ki bòŋ, e shaà kee nsə̀kì ke wìr rə́sí fómóʼó. Bòŋ ji m wáa dzə nshìylav, e Nyùy wóm lav, e shaà fó a dzə e wír ve á méŋ Nyùyí laʼ.

1 Joon 3:2

Ŋkàr sem, vèsən dzə̀ rú wón Nyùy lèn. A bó vèsən yóʼ ne kìíy mo vèsən wíy a dzə e ghan se sí wiyì. Ke vèsən kiìn kí dzə̀ ji Jesus wíy wìy, é vèsən wáa dzə réŋréŋ moo wun, a vèsən wíy yen rú mo wù dzəə̀n.

Matio 17:4

Pita nèn tùʼtìn, e sùúy e Jesus jii, «Tàr, kí bòŋ feyì mo vèsən à wír vìne dzəə̀n fen. Aà fèn koŋè, é m baʼri táv fen e taár, wúmóʼó ji wó, wúmóʼó wó Mooser, wúmóʼó wó Elija.»

Matio 23:8

«Lá vèn yòʼ a yiì bèy. Lá wìr yòʼ wìy biìmé ji á wáa yòŋ wun ji ŋgaà yèʼey. Vèn tàtí ne adzə̀m ji afə́r, a ŋgaà yèʼey won kù jòʼsì e mòʼón.

Maak 9:4

Áwune lòo sìn, e yèn, Elija wùn Mooser, aá tíy, súŋnin wùn à Jesus.

Maak 9:6

Pita wáa tùʼtìn a suúy bèy, a dzə̀ bìʼ fo áwune‑eè fan e ŋàŋ, wù ku nèn a tàʼ ji wun baʼ kinyo fo shuù.

Ŋwàʼ Luk 9:33

Wír vìyi lòo bàʼ kiwuú, Pita tùʼtìn, e sùúy e Jesus jii, «Tàr à wíri, kí bòŋ mo vèsən à wír vìne dzəə̀n fen. Ku sùúy, é vèr túy táv fen e taár, wúmóʼó ji wó, wúmóʼó wó Mooser, wúmóʼó wó Elija. Pita wáa tùʼtìn, a suúy bèy, a bó wù yòʼ fə̀m kì kinyo ke wù suuyì.»

Joon 4:31

A wón və́ lìme kì sìíy ne, a boòrì jii, «Ŋgaà Yèʼey, ku yì kifá ki.»