Maak 9:44 - ŊWÀʼ NYÙY

⁴⁴ Kirə́ʼ ke dzə́r si wáa kfər wun fo ghán sidzə̀m, a bó yòʼ dzə̀ sí kpù, a bó yòʼ dzə̀ sá və́y wo wú bo fo, wú ndzə̀mén.]

Maak 9:44 Referans Kwoze

Maak 9:43

Kí kfə́n a dzə jii, a kiwó ke wìr kì lò, a levtí wír ji wù jáy dzə́ə, ŋgaàŋ tìn. Kí bòŋ ji wù wáa ker kiwó kimòʼón, e nə̀ə́ e dzə̀ʼə̀m yee là may, e shaà fo wù wáa ker viwó vibaà, e dù e kirə̀ʼ ké və̀y wo wú bo ghán sidzə̀m, a bó yòʼ dzə̀ wú ndzə̀mén. [

Maak 9:45

Kìn lò kiwuú ké wìr, a levtí wír ji wù jáy dzə́ə, ŋgaàŋ tìn. Kí bòŋ ji wù teesi, e nə̀ə́ e dzə̀ʼə̀m yee là may, e shaà fo wù wáa ker shwín e baà, aá maʼ wun e kirə̀ʼ ké və̀y. [

Aysaya 33:14

Á bèy, wír ve á jáy vinyo e Sione kù sí dzə́ fan fan, a ve á méŋ Nyùyi kù sí yaʼ yàʼàn. Á gháynin jii, «Wìr fo vèsən wo a dzə̀ wù gòʼ wùn Nyùy Tàr dzə̀ la? Nyùy Tàr, a wù din kitú kfə́ é njà və̀y wo wú koóme virə́ʼ.»

Aysaya 66:24

Wír ve á wìyìn, e sùyrì moó wíy lòo fəə ŋkàlaʼ, aá yén dzə́n sé wìr ve vé‑eè rə́si tsə́y kóy vèr áwune, a sí néŋnin, shwí, a və́y wo wú ton áwuneé yòʼ wíy ndzəmén, a bó dzə́r se sí kfə́r áwune sí yòʼ wíy kpukír. Wìr dzə̀m wo wù wíy yen, wíy a nyaŋsí.»

Matio 3:12

Wù wíy lòo wìy, é wù wáa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Matio 25:41

«Wù suuy bèy, é wù nèn bìnkìr, e sùúy e veé koy ŋkoòvìi jii, ‹Lǒn Nyùyi shòv ne ven. Vèn kóʼtí ben fo mǒ si, e dù, e nə̀ə́ e və̀y wo Nyùy‑iì naŋsin, e lèm fo Satan wùn à nshèelav sə́ sí.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Maak 9:48

Kirə́ʼ ke dzə́r si wáa kfər wun fo ghán sidzə̀m, a bó yòʼ dzə̀ sí kpù, a bó yòʼ dzə̀ sá və́y wo wú bo fo, wú ndzə̀mén.

2 Tesalonika 1:9

Aáwune nèn nə̀ə́ e ŋgeʼ yee là may e kishiíy fóo fèy, a bó yòʼ dzə̀ áwune shòv Taàtá Jesus e si e ghan se wù wíy a saʼ vifon və́, a ker vikuʼùy ve ghaʼán ví.

Ŋgaà Yen 14:10

ŋgaàŋ kù wíy no meluʼ me Nyùy me bi mè. A dzə̀ ŋgeʼ ye tavín ye Nyùy wíy way e wùn bàr, a ŋgaàŋ kù kér fó jiiyí e dzə̀m. Ŋgaàŋ wíy a rəsí, a saŋrí e və̀y wo wú shwí, baári moo mekàŋ, a Wàn Njiì Nyùy wùn à nshèelav sə́ sí leeyì.

Ŋgaà Yen 20:10

Aá nèn koò Satan wo wù‑uù boʼtin áwune, e màʼ e kimbiirìn ke və́yí bo sho, baári moo mekàŋ, é wù nèn a dzə fo wùn à nyàm ye beemén, à ŋgaà ntum və və̀y, ve vé‑eè siìn fó, é wùn áwune wáa fòmnìn fo e shùy wùn à vitsə́ʼ, viyá viyá là may.

Ŋgaà Yen 20:15

Yír wìri‑iì búŋ fo ŋwàʼ wo vé‑eè saŋen yír sé wìr ve á wíy lùŋ sho, á kù màʼ ŋgaàŋ a dzə̀ é kimbiirìn ke və̀y fey.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»