Maak 9:41 - ŊWÀʼ NYÙY

⁴¹ Vèn wáa kiíy rú jii, a wìr fə̀m fò ven a dzə̀ bàr mendzə̀v ji bìʼ fo vèn dzəə̀n vém vee wír, bo ŋgaàŋ kù wíy a ker vilaámé.»

Maak 9:41 Referans Kwoze

Matio 10:42

Vèn wáa kiíy rú jii, a wìr fə̀m fò a dzə̀ bàr mendzə̀v e wìr wùmòʼ ji bìʼ fo dzəə̀n wóom woo wír, a fə̀m dzə̀ shiwír e le, bo ŋgaàŋ kù wíy a ker vilaámé, a bó yòʼ dzə̀ ví bùŋ.»

Matio 25:40

Á dzə́r bèy, é wun woo Fon nèn bìnèr jii, ‹Vèn‑eè yii vinyo vee shoon a dzə̀ áàfə́r vémé. Mo vèn‑eè yii aàfə́r vém víne, a ŋgaàŋ fə̀m dzə̀ ghéʼ é le, bo vèn‑eè yii a dzə̀ e mò.›

2 Korin 10:7

Vèn kú a leéy vinyo ve ví kooy e věn si vi, a yen kijuŋ. A wìr lò, a suúy kitú ji tùm Kristu wun, ŋgaàŋ kù yòʼ a kiíy ji tùm sáa Kristu ver.

1 Korin 15:23

aá wíy a fəə e ghan sí ghan sí, mo Nyùy sìysìn. Wo wù‑uù ghemen dzə́ə wáa dzə Kristu, é bo wír ve dzəə̀n vəə́ wìy a fəə sa, a sì é ghan se wù kfə̀n wíy wìy.

Ŋwàʼ woó Rom 14:15

A ké wìr wo wù kiìn kfə́ ji dzə̀ wun yì kí dzə̀ jii, a wù yí, kù yòʼ kiiy ji dzə̀ kí yiì, fər və tò é kinyò, wù kú a yi, bo bó wù yòʼ dzəə́ koŋ fə́r və woo shooy gheéy. Lá vèn yòʼ a yiì, é kifá ke wìr yí ki wáa bivír shilív shé fər və wùmòʼ, a Jesus Kristu‑uù lo kpù fo ŋgaàŋ ji shilív sə́ shí fíʼ a dzə nyaáŋ.

Ŋwàʼ woó Rom 8:9

Yii bèy, kén kí yòʼ dzə̀ bey. Vèn yòʼ dzəə́ dzə́, yú a dzə̀ mo mensə́ mè lim e věn wùn. Vèn sí yú a dzə̀ fo Kiyoy ke Nyùy ki, a kí bèn dzə̀ rú e věn meliv mo m kiìn. Vèn wáa kuumé jii, a Kiyoy ke Kristu kìn ki bùŋ fo wìr shiliv, bo bó ŋgaàŋ yòʼ dzə̀ wir Kristu gheéy.

Galatia 5:24

Vèn wáa kiíy jii, wír ve dzəə̀n vé Jesus Kristùu kì kév á ji á kpù ne fo vinyò ve mensə́ mev mè kér shií shó ji áwune wáa yiì réŋréŋ mo Kristu‑uù kpuun é kintam.

Galatia 3:29

Mo vèn siìn wír Kristu wo dzəə̀n rám Abraham yee rú, bo vèn sì sá rám yee shooy, a mbùʼmé wo Nyùy‑iì kàʼàn Abraham sho sì wóon.

1 Korin 3:23

A vitú vén ví dzə̀ e Kristu kiwo, a kér Nyùy wun woo Kristu.

Maak 4:10

Wíri lòo taʼrí fo Jesus ghaŋ, ámóʼó gòʼ wùn à wón və́ vee nshòv sibaà e ghvə̀me, e sìíy, e dzə̀r shó ji wù ku naàrì a nsàv ŋgàn ye wù kì màʼàn rə̀y.